Tweet
من الواضح إن إفتراضتنا بسحب التوكيل من الرواس بسبب غلو الصيانة وقطع الغيار ليس له اساس من الصحة والاسباب مختلفة, لأنى عملت الصيانة فى دايومند موتورز وسالت على قطع غيار اجزاء فى العفشة ومصنعية تركيبهم, واتضح بدون اى إستثنات ان جميعهم فى المصرية ارخص, حتى الفرامل كنت عايز اخرط الطنابير واغير التيل, وكان الرد من مهندس الإستقبال ان لسه مافيش مكنة خرط الطنابير, وتغير التيل+ المصنعية+ طقم سوست -عشان العربية محتاجاه- تقريبا فى حدود 800 جنيه, (طقم السوست لواحده 120 جنيه!!) ولولا ان معندهمش ماكينة خرط الطنابير كنت عملتها عندهم, طلعت تانى يوم على المصرية فرع قليوب وغيرت تيل الفرامل وخرطت الطمبورتين الاماميين وسألت مهندس الإستقبال طبعا لو محتاجة طقم سوست هيركبه, قالى اه طبعا, وفعلا ركب بس مش طقم سوست كامل مكتوب فى الفاتورة تحت بند صاجة تيل وسعرها 20 جنيه!! ودفعت اجمالى 630 جنيه + انى عملت خرط للطنابير الامامية اللى مكنتش هعرف اعملها فى دايموند موتورز, واكمالا للحق, المكان فى دايموند موتورز انضف بكتير, تحس إن انت فعلا فى توكيل مش فى ورشة او مركز صيانة زى مصرية, وشايف عربيتك قدامك من ورا الزجاج, (مش زى مصرية كنت بخش الحمام وابص من ورا زجاج الشباك المكسور خلسة عشان اعرف بيعملوا فى العربية ايه!) , والمعاملة ايضا افضل من مهندسى إستقبال دايموند بشكل كبير (بس يمكن عشان لسه فى الأول, الله اعلم لما يجيلهم زحمة وانواع مختلفة من العملاْء هيبقو عاملين ازاى) وا خيرا بقى وانا خارج من دايموند موتورز - انا كنت مغير بوجيهات وفلتر هواء وفلتر بنزين وزيت- اول لما ركبت العربيه وبادوس بنزين سمعت صوت العربية مختلف كأن فلتر الهواء مش راكب كويس وقفت بععدهم ب 20 متر وفتحت الكابوت وشيلت فلتر الهواء وركبته تانى الصوت اتظبت واتضح ان فعلا فلتر الهواْ مش راكب كويس! فانا لو هاقيم التوكيلين بتقيم من 1 الى 10 هيكون كالتالى
1- مكان إنتظار العملاء والنظافة : المصرية 4 دايموند 9
2- الإستقبال والمعاملة ومتابعة السيارة : المصرية 6 دايموند 9
3- اسعار المصنعيات وقطع الغيار: المصرية 4 دايموند 1
4- الحرفية وإتقان العمل المصرية 8 دايموند 4
طبعا التقييم ده من وجهة نظرى الشخصية وبناء على تجاربى مع التوكيلين ومش بالضروره يبقى سليم بل على العكس اعتقد ان هو غير موضوعى لأن انا مروحتش دايموند موتورز غير مرة واحدة وروحت مصرية فوق ال 20 مرة. بس قد يكون سبب ادعى فى النقطه رقم 4 بالتحديد لاأنى روحت المصرية فوق ال 20 مره مافيش مره ركبو فيها فلتر الهواء غلط ورحت دايموند مره واحدة وكانو مركبين الفلتر غلط والله اعلم, واخيرا يا ريت لو حد راح التوكيلين يكتب تقيمه ايضا, هيفدنى انا شخصيا واكيد هيفيد بقية الاعضاء.
1- مكان إنتظار العملاء والنظافة : المصرية 4 دايموند 9
2- الإستقبال والمعاملة ومتابعة السيارة : المصرية 6 دايموند 9
3- اسعار المصنعيات وقطع الغيار: المصرية 4 دايموند 1
4- الحرفية وإتقان العمل المصرية 8 دايموند 4
طبعا التقييم ده من وجهة نظرى الشخصية وبناء على تجاربى مع التوكيلين ومش بالضروره يبقى سليم بل على العكس اعتقد ان هو غير موضوعى لأن انا مروحتش دايموند موتورز غير مرة واحدة وروحت مصرية فوق ال 20 مرة. بس قد يكون سبب ادعى فى النقطه رقم 4 بالتحديد لاأنى روحت المصرية فوق ال 20 مره مافيش مره ركبو فيها فلتر الهواء غلط ورحت دايموند مره واحدة وكانو مركبين الفلتر غلط والله اعلم, واخيرا يا ريت لو حد راح التوكيلين يكتب تقيمه ايضا, هيفدنى انا شخصيا واكيد هيفيد بقية الاعضاء.
Comment