ايه افضل انواع الكاوتش

[khater87]

السلام عليكم يالانسراويه
الحمد لله علي كل شيء قبل اي شيء
وانا ماشي بالعربيه فرده كاوتش فرقعت وباظت .
فرحت اشتري احترت مبين الكومهو والجي تي راديال والماكسيس .
فقولت اسال اهل الخبره ايهم افضل .من حيث التكلفه والاعتماديه والعمر .علما بان المقاس 13 \70\185
ولو حد لسه شاري كاوتش ياريت يفيدني
وشكرا ليكوا

[ahmad--ezzat]

انا مركب الكومهو وممتاز

[Samooh_2003]

وانا كنت مركب الكومهو بصراحة وحلو اوي بس فيه نوعين منو والفرق بينهم 10 جنيه على ماافتكر بس ركبت الاغلى بصراحة الراجل قالي احسن وكمان اتاكد من تاريخ الانتاج بتاعو وربنا يكفيك شر الطريق انشالله

[M.Elgergawy]

في الانواع المحددة يبقى الكومهو
انما في انواع تانيه احسن زي البريدجستون واليوكوهاما والكونتينتال .............

[khater87]

فعلا
الكومهو طالع عنه سمعه حلوه .بيقولو انه كاوتشمش ناشف ..
يامسهل
شكرا ع الاهتمام ياجماعه :)

[M.Elgergawy]

ربنا يوفق وتشتري حاجة كويسة
وسؤال معلش ليه هتجيب على 185
مش 175 ؟

[M.Al-Hefnawy]

الكومهو كويس جداً بس الكوري

[M.Elgergawy]

هو في كومهو مش كوري

[Hacker5]

انا جايب بردجستون للالنترا بـ 550 الفردة و ممتاز جدا و مالوش صوت خالص و ناعم جدا

[elpasha1]

بريدجستون

[khater87]

ربنا يوفق وتشتري حاجة كويسة
وسؤال معلش ليه هتجيب على 185
مش 175 ؟

ربنا يخليك

انا بدور علي اعرض مقاس في ال 13
يعني لو لقيت علي 205 هجيب .بس للاسف صعب شويه اني الاقي ده ..
يعني بحاول ازود الثبات شويه ده غير انه بيدي العربيه شكل حلو مع الجمط الاسبور .

[khater87]

انا جايب بردجستون للالنترا بـ 550 الفردة و ممتاز جدا و مالوش صوت خالص و ناعم جدا

كلامك مظبووط
البريدجستور لا يعلي عليه .. انا سألت عليها فعلا طلعت في الرينج ده .. بس علشان اشتري اربع عجلات هخش في مبلغ وقدره .
..
اغير العربيه احسن :)

[prisoner]

البريدجيستون
الهانكوك
جووديير

طبعا الترتيب فى الاحسن والاغلى سعر الاول وطبعا عن تجربة والفرق مش بيكون فى القوة بس لا يعنى فى الفرامل بتفرق وفى الارض المنزلقة بتفرق وطبعا على حسب الامكانيات المتاحة تقبل مرورى تحياتى

[Samooh_2003]

فيه كومهو كوري و وفيتنامي

[ahmedfd]

انا جايب بردجستون للالنترا بـ 550 الفردة و ممتاز جدا و مالوش صوت خالص و ناعم جدا

مبروك..البريدجستون بالتأكيد لا يعلى عليه بس السعر ده يمكن إنت جايبه من فترة كام شهركده لإني لسة سائل على البريدجستون من إسبوع للإلنترا برضه مقاس 195/65/15 بـ 680 - 700 حسب المكان.
المهم في الآخر جبت Continental فرنساوي بـ 550 الفردة.