تغيير نوع الزيت

[dedo000]

انا اشتريت عربيتى من حوالى شهرين بومة 2007 اتوماتيك 1600 كانت عاملة 63 الف وصاحبها قال انة حاطط موبيل 1 وباقى علية 2000 كيلو المهم استنيت ال 2000 وبعدين غيرت اكس اتش بى الجديد اللى مكتوب علية سوبر دة
انا عايز اعرف انا كدة ماشى صح ولا غلط ولو فى حد فاهم كويس فى الموضوع دة ينصحنى بأية فى موضوع انواع الزيت واية افضلها ولما اغير لنوع تانى يا ترى هغير ازاى !!

[ABOASSEM]

شل الاصفر 5000 وو توتال 3000 ويستحسن تغيره عند حد بتاع زيت عشان تبقي في المضمون

[A.Saad]

اما بتغير النوع بتغير الفلتر لانه بيبقى فيه زيت كمان

يفضل التغيير فى المحطات وليس المحلات

[punisher]

انا كنت بستعمل شل هيلكس الترا حتى 80 الف كيلو وكنت بنزله بعد 10 الاف كيلو

وبعد كده استعملت شل الأصفر وبنزله كل 5 الاف .. بس بغير الفلتر كل 10 الاف

بغيره فى بنزينه شل ب 4 جنيه وبينضف فلتر الهواء والتكيف فا بديله 10 جنيه

بس لو غيرت لزيت معدنى مينفعش ترجع تستخدم زيت تخليقى تانى

[dedo000]

يا شباب معلش هو اية الفرق بين الزيت المعدنى والتخليقى واعرف الفرق ازاى ولية مش ينفع ابدل بينهم

[A.Saad]

الزيوت التخليقية يعنى زيوت مصنعة معملياً
المعدنية هيا زيوت طبيعية من ناتج تكرير البترول
النوع الاول بيكون ليه عمر اطول من التانى
وظيفة الزيت فى المحرك
تقليل الاحتكاك وتبريده
الزيت يفقد خواصه مع الاستعمال ومرور الوقت
لو سالت على نوع معين بيكون معروف للاعضاء تخليقى او معدنى
غالباً زيوت ل10000 كم بتكون تخليقية
التخليقى مفضل للسيارات الحديثة
القديمة بيفضل المعدنى

[dedo000]

طييب دلوقتى العربية كانت فيها زيت تخليقى (موبيل 1) و انا حطيت مرة واحدة موبيل اكس اتش بى بس الجديد اللى مكتوب علية سوبر
ارجع عادى لموبيل وان من غير اى خطوات تتعمل
وهل فى زيوت احسن من موبيل وان !!

[salah_86]

متابع

[Ashraf2]

عادى ممكن ترجع لموبيل مع مرعاة تغير الفتر ايضا وعمل فلاشنج للزيت القديم

[dedo000]

يعنى اية فلاشتج

[punisher]

flash oil

عبوة كده بتشتريها عشان تنضف الموتور وبيتحط والعربية واقفة من غير ما تتحرك بيها

[prisoner]

انا اشتريت عربيتى من حوالى شهرين بومة 2007 اتوماتيك 1600 كانت عاملة 63 الف وصاحبها قال انة حاطط موبيل 1 وباقى علية 2000 كيلو المهم استنيت ال 2000 وبعدين غيرت اكس اتش بى الجديد اللى مكتوب علية سوبر دة
انا عايز اعرف انا كدة ماشى صح ولا غلط ولو فى حد فاهم كويس فى الموضوع دة ينصحنى بأية فى موضوع انواع الزيت واية افضلها ولما اغير لنوع تانى يا ترى هغير ازاى !!

اولا مبروك على العربية وربنا يباركلك فيها انت كده غيرت من زيت تخليقى الى زيت معدنى وطبعا الاخوة هنا ماشاء الله قالولك يعنى ايه الفرق بين الاثنين بس انا هاقولك تجربة من واحد صاحبى والمفروض تعمل الاتى بس انا هاتكلم عن زيت كاسترول مثلا الايدج تخليقى والماجنيتيك نص تخليقى ونص معدنى وزيت بصراحة رائع ليه اكتر من موضوع ويارين تقراهم علشان لو استريحتله هايظبط معاك الموتور ويبقى ممتاز ومن غير ماتعمل فلاشنج وكده مع احترامى الشديد للاخ اللى اقترح الفلاشنيج المهم انت تحت الزيت الماجنيتك وتقعد بيه من 7000-10000 كيلو وتنزله وتحط الايدج تانى اللى هوة تخليقى وتقبل مرورى مع احترامى لكل الناس اللى كاتبه ده رايى الشخصى

[ABOSHEHAB]

ممكن سعادتك تفيدنى ربنا يباركلك فى سيارتك
سعرها كام و تقرير عن حالتها فى السحب و الفرامل و التكييف و التسارع .....
علشان نفسى اشترى لانسر 2007 او 2008 اتوماتيك
اوm11 vمنتظر رد حضرتك

[dedo000]

ممكن سعادتك تفيدنى ربنا يباركلك فى سيارتك
سعرها كام و تقرير عن حالتها فى السحب و الفرامل و التكييف و التسارع .....
علشان نفسى اشترى لانسر 2007 او 2008 اتوماتيك
اوm11 vمنتظر رد حضرتك

انا مش هقدر افيد خضرتك قوى لان العربية لسة تعتبر جديدة بالنسة لى واكيد لس مش عارف هى مظبوطة كويس ولا لأ وقدام حضرتك انا اهو بسأل على موضوع الزيت
فأكيد هتلاقى ناس كتير فى المنتدى اكثر خبرة هتفيدك احسن منى

[punisher]

بالنسبة لل 1600 ال cvt

السحب : ممتاز

التسارع : جبد جدا حتى 130 بعد كده بيقل

التكييف : تحفة

الفرامل : ضايعة ... متتخدش أوى كده ... لو سواقتك طبيعية يبقى مفيش مشاكل والفرامل كويسة ... ولو بتحب الشد والغرز والكلام ده فا فراملها مش هتسعفك " لا يعتمد عليها "

العفشة : ناشفة بس دا بيديلها ثبات أكتر ... عفشة ناعمة = راحة + ثبات أقل

قطع الغيار : مرترتة فى المحلات ... و الأصلى سعره غالى بس معمرة .. يعنى بوجيهات وفلتر هواء و بنزين ب 950 وبيتغيروا كل 40 ألف كيلو .

العربية الوحيدة اللى بتجمع ما بين ميزتين وهى انها عربية عائلية وشبابية فى نفس الوقت .


بس انا ليا سؤال : ايه وجه المقارنة بين الانســـــــــــــــــــــــــــــــــــــــــــــ ـــــــر و اسبيرانزا ؟؟!!