تعديلات على فرامل البومه ..

[Dawns_Mist]

سلام عليكم يا شباب ...

طبعا قبل كده و في أكتر من موضوع كان فيه بعض الشكاوى من فرامل البومه ..
بتزحف كتير و مش بتقف !!

أنا بفكر أركبلها نظام abs - ebd على الأقل إن لم يكن متاح أنظمة فرامل و ثبات أعلى من كده متاحه ، و أكيد هضطر أغير الطاسات اللي ورا بتاعت الفرامل و أجيب طنابير خلفية ، و ممكن كمان أغير طقم الطنابير الأمامي بتاعي اللي هو 14 و أجيب مقاس 15 مثلا ...

إيه رأيكم .. و هل فيه حد عمل كده في البومة قبل كده ؟ و هل ده هيقلل من سعر عربيتي في السوق لما أفكر أبيعها ولا هيعليها ؟؟

و الأهم من كده ... فين مركز صيانة و تعديل محترم و يكون مركز كبير مش مجرد صنايعي شاطر يعملي كل الكلام ده ؟؟

يا ترى أنا بحلم ، ولا ممكن ؟؟
بصراحه البومه دي أنا شايف إنها بجنوط عريضة و أنظمة فرامل و ثبات محترمة هتبقى حوووووووت ... ولا إيه رأيكم ؟

[Samooh_2003]

متابع باهتمام عظيم +1111111111111

[punisher]

ال abs مش مهم أوى غير فى الرمله والمياه

لو ينفع يتركبلها طقم brembo اللى بيركب فى ال evo أعتقد هتبقى روعة

وكيل بريمبو موجود فى بورسعيد .. أعتقد ممكن يفيدنا لو فى حد هنا من بورسعيد ويسأله

[Dawns_Mist]

لا الـ abs مهم دايما يا باشا إذا كان فيه رملة و مياه ولا مفيش .. مجرد إنك تكون على سرعة عالية و عايز تكبس فرامل فرق كبير أوي بين الـ abs المحترم ، و الفرامل العادية اللي بتكلب الكاوتش و خلاص دي من غير ما العربية تقف ...

و عموما البريمبو ده أنا سمعت عنه مع إني مش فاهم الفرق في إيه بالظبط ، و فيه ناس كتير بتحول لإيفو فعلا .. بس يهمني قبل أي شيء الفرامل .. أنا لا عايز أسقط موتور ولا جير بوكس ولا أي حاجة .. رقم واحد الفرامل و الاتزان.. ياريت لو حد يفيدنا !!!

[ashouhdy]

ال abs مهم جدااااااااااااااا فى مياة او غير ال ABS هو اللى بيخلى العربية تقف فى مكانها متذحفش

[Ralliart]

ممكن توفر على نفسك وتبيع عربيتك وتشتري واحدة سبورت او هاف سبورت فيها abs & ebd
لان الـabs دا نظام كبير ولو لقيت حد يرضى يفكهولك لوحده هيكون مكلف جداً وتركيبه مكلف وهيكون عك صنايعية وهتدخل في مشاكل
في ناس بتجيب طنابير مش بريمبو بتاخد تيل الباجيرو تقريباً بيفكوها من الايفو القديمه وبتكون الجنوط 5 خرم
او ممكن تكون موجودة في البومة الاستيراد

[punisher]

ال abs جهاز بيتركب و ال ebd دا بيكون برنامج ووجوده بيعتمد على وجود ال abs يعنى مفيش عربية فيها ebd ومفيهاش abs

طبعا ال abs مهم جدا .. عشان الرمله والمياة وكلبشة العجل ... بس انا لما تكلمت وقلت مش مهم ال abs دا عشان أصلا ال abs بتاع الانسر عبارة عن جهاز مربع ومعفن كده ... غير مثلا بتاع الباسات تحس ان فى جهاز محترم راكب فى العربية .. دا غير ان لا يمكن حد يركبه زى ما يكون نازل فى العربية من الشركة .. وعشان منعقدش العملية ... فا كل اللى محتاجينه هوا تغيير الفرامل ورا وقدام ب بريمبو

[punisher]

على فكرة حتى الانسر الأوتوماتيك اللى ب abs فراملها ضايعة ...

الانسر البومة لا فارق معاها وجود ال abs أو عدم وجوده

اللى فارق هوا جهاز الفرامل نفسه ... ضعيف

وكان فى من فترة موضوع هنا واحد كان شارح سبب ضعف الفرامل

[vodanet]

طيب والحل ؟!! الفرامل فعلا بتزحف كمان على السرعات العاليه وحشه جدا

[Ramytoyota]

متابع+++++++++++++++++++++++++++++++++++++++++++++ +++++++++++

[The_Dragon_900]

متاااااااااااااااابع يا ريت اصحاب الخبره او المهندسين يفيدونا الموضوع مهم +1

[MAX_PIN]

فرامل البومه المزوده بالabs وال ebd كويسه جدا فى السرعات المعقولة
إنما فى السرعات الجنونية الله أعلم

[Dawns_Mist]

صدقوني و عن تجربة.... حتى البومة الـabs - ebd أي كلام فعلا .. الفرق مش كبير أبدا أبدا بينها و بين العادية ... يا جماعة مش كل abs يبقى abs ..... ماهو مش معقول لما شركة فولكس تشتري لعربياتها نظام abs من إنتاج شركة بوش إصدار 8.1 يبقى هيكون زيه زي الـ absاللي بيركب في العربيات الكوري مثلا !!!!!!!!!!!! ولا انتم إيه رأيكم ...

ده اللي أنا عايزه .. عايز أشتري نظام متكامل بكل ما يحتويه abs - ebd - asb - tcs و كل اللي ممكن يكون متاح في العربيات العالية دي لو ممكن أركبه عندي و يكون إنتاج شركة محترمة و يتركب بطريقة محترفة ..... حد فاهمني ؟

فهل اللي أنا بطلبه ده مستحيل ، ولا ممكن ؟

[BESOHOTFLASHb]

انتو بجد قلقتوني انا كنت ببيع العربية الجوليت وهموت واجيب بومة 2008 فتحة سقف اتوماتيك

[Dawns_Mist]

لا يا باشا ماتقلقش ... البومة والله عربية وحش ... سحبها أروع مما تتخيل ، و بتعيش و عمرها ما هتزعلك في حاجة .... بس فيه شوية ناس مجانين كده زي حالاتي .. بيجروا على سرعات مش منطقية في طرق منيلة فيها سواقين أنيل ... و بيكون بوز عربيتهم لازق في شنطة العربية اللي قدامهم طول ماهما مسافرين .. بالتالي لازم يكون فيه فرامل تسعف بجد .. فرامل البومه العادية مش وحشة زي مانت متخيل من كلامي ... أحسن من أتخن عربية كوري .. بس أنا كنت أتمنى تكون زي العربيات الأوروبي لإني ركبت و جربت البيجوهات و الفولكسات و البي إمات .. فكنت بس بحلم إني أوصلها لمستوى قريب من مستوى الأوروبي شوية علشان بس تسعفني أكتر .. هي لحد دلوقتي ما دقت الناقصة معايا بس ده علشان كمان أنا حفظت العربية أوي .. و ماشي عادي 170 و أكتر .. بس لومعايا فرامل أفضل هعمل أكتر و أنا قلبي مطمن أكتر .. فهمت فكرتي ....؟؟

توكل على الله و مبروك مقدما عليك البومة .. و سيبك من الناس العبيطة اللي زيي و السرعات الجنونية دي .. خليك في العادي زي أي حد و احفظ عربيتك هتحبها إن شاء الله ....