الى السادة ملاك اللانسر الكويتى

[Mohamed Bander]

طبعا انا بشكركم كلكم بس المشكله ان التجار الله يسامحهم كل ما تسالهم عن المصرى يقولولك ان سعرها يزيد عن الخليجى من 8 الى 10 الاف جنيه ومش موجوده واللانسر مش محتاجه ضمان فخليك فى الخليجى احسن

انا لازلت محتار والله مش عارف ارسى على ايه؟

[Dr.SherifMansy]

طبعا انت لك حرية الأختيار لكن من فضلك راجع كلام Limo و كلامى من فضلك و ربنا يوفقك و يوفقنا جميعا

[Mohamed Bander]

طبعا انت لك حرية الأختيار لكن من فضلك راجع كلام Limo و كلامى من فضلك و ربنا يوفقك و يوفقنا جميعا

طيب هى عربية حضرتك مصرى ولا خليجى وجبتها منين وبكام؟ انا معروض عليا 1600 كويتى 109000

[khaled ali]

my lancer 1600cc a/t gulf concept classic and it is so good in everything but i use gasoline 95 octane

[limo]

طيب هى عربية حضرتك مصرى ولا خليجى وجبتها منين وبكام؟ انا معروض عليا 1600 كويتى 109000

انا جبت بتاعتى
ب110,500 من حوالى شهرين
هاف سبورت بالكماليات الزياده مع وجوده 2 اير باج و فرامل abs

لو العربيه الى معروضه عليك الى ب109 كلاسيك مش هاف سبورت يبقى خذ المصريه احسننننننن على الاقل تبع ضمان الوكيل وفيها abs

[Dr.SherifMansy]

انا جبت عربيتى اخت عربية Limo بس بعده ب 3 ايام ، و هى نفس المواصفات ، بس اعتقد ان سعرها زاد دلوقت ، لأن الأسبوع التالى لشرائى العربية زادت حوالى 3000-5000 حسب المعرض ، و عموما انا جبتها من Auto Dynamics فى مصر الجديدة ، و اعتقد يا Limo انك جبتها من Heaven فى صلاح سالم ، مش كده برضه ؟
بس مش عارف سعرها كام دلوقتى

لو العربيه الى معروضه عليك الى ب109 كلاسيك مش هاف سبورت يبقى خذ المصريه احسننننننن على الاقل تبع ضمان الوكيل وفيها abs

فعلا كلام Limo مضبوط

[onsi]

انا جبت عربيتى 1600 مانوال خليجى كويتى من اسبوعين من اوتو سمير ريان ب 102000 وكانت المصري عندة ب 99000 وقاللى عاوز تاخد المصرى خدها بس من غير كاسيت والكاسيت بتاعها ثمنة حوالى 2000 جنية دة كلامة بس انا مش عارف لية عجبتنى الخليجى اكثر حسيت انها انظف مع انها من غير ضمان واية بى اس.

[limo]

انا جبت عربيتى 1600 مانوال خليجى كويتى من اسبوعين من اوتو سمير ريان ب 102000 وكانت المصري عندة ب 99000 وقاللى عاوز تاخد المصرى خدها بس من غير كاسيت والكاسيت بتاعها ثمنة حوالى 2000 جنية دة كلامة بس انا مش عارف لية عجبتنى الخليجى اكثر حسيت انها انظف مع انها من غير ضمان واية بى اس.

ال ب99 الف ده المصرى 1300 مانوال
دلوقتى سعرها 96 الف

[onsi]

يا ليمو مساء الفل، العربية الانسر 1300 مانوال مصرى 86000 مش 99000 وال 1600 مانوال 99000 وبقولك كانو الاثنين قدامى واخترت ال 1600 مانوال خليجى ب 102000 يعنى انا مش عارف انت بتفاصل فى ايية ويا ريت تحدد برضة اى نوع انت تقصد المانوال المصرى ولا اوتوماتك لانى ممكن اكون فاهمك غلط

[limo]

يا ليمو مساء الفل، العربية الانسر 1300 مانوال مصرى 86000 مش 99000 وال 1600 مانوال 99000 وبقولك كانو الاثنين قدامى واخترت ال 1600 مانوال خليجى ب 102000 يعنى انا مش عارف انت بتفاصل فى ايية ويا ريت تحدد برضة اى نوع انت تقصد المانوال المصرى ولا اوتوماتك لانى ممكن اكون فاهمك غلط

اولا اقراء مداخلى كويس هتلاقينى محدد كويس

ال ب99 الف ده المصرى 1300 مانوال
دلوقتى سعرها 96 الف

يعنى انا اقصد المصرى 1300 مانوال

1-الانسر مواصفات مصر 1300 مانوال سعرها الرسمى 97 الف جنيه مصرى
وتقدر تتأكد من الكلام من موضوع تخفيضات على الانسر بلاش كلامى انا

http://nilemotors.net/Nile/showthread.php?t=21596

هتلاقى سعرها الرسمى كان 100 الف جنيه (بعض المعارض كانت بتعها ب99الف )
بعد التخفيض سعرها 97 الف حنيه وبعض المعارض بتبعها ب96 الف جنيه
-قاعده فى الانسر ان الخليجى ارخص من سعر التوكيل
ممكن العربيه الى انت بتقول 86 تكون اردنى
وبعدين انا مش فاهم ايه معنى بتفاصل ده ؟؟
عالعموم يا سيدى لو مداخلتى ضيقتك انا بتعتذر عنها

[onsi]

يا سيدى انا مش عايزك تعتذر لانه مش مستاهلة، بس انت لو شوفت برض اللى انا كاتبة بقول من اسبوعين الانسر امصرى والخليجى كانوا قدامى واخترت بينهم وسعرهم كان المصرى 1600 مانوال ب 99000 والخليجى ب 102000 وتقريبا السعر واحد لان المصرى بتنزل من غير كاسيت اوريجنال واخذت فى الاخر الخليجى الكويتى المانوال اما سعر الانسر 1300 فهو بيبدا ب85000 لحد 92 الف ودة مش كلامى دة كلام جميع الجرايد والمجلات واخبار السيارات تلاقى 1300 ب 86000 و 1600 ب 99000 لكن بلدها اية ماعرفش لكن اللى انا عارفة هو اللى حصل معايا وقدامى اللى قلتة سابقا وممكن تسأل اوتو سمير ريان المعرض وشكرا ليك

[أبوسيف]

فى بعض المعارض بسوء نية بتقول على الأردنى انها مصرى خاصة انها مشتركة فى بعض المواصفات زى الفوانيس الحمراء وإيريال القائم ، بس دة نوع من أنواع جر الرجل زى برده الأسعار اللى بيعلنوا عنها فى الجرايد كلها جر رجل ومفيش منها حاجة حقيقية ، دة شغل تجار وياويله اللى يصدقه. لما أشتريت عربيتى كنت بشوف إعلانات كتير عن لانسر أقل من سعر السوق ب 5-6 الاف جنيه ، ولما تروح المعرض تسأل عليها يخترع اى حجة ، يا اما انها مش كاملة يعنى تكييف وباور بس وكمان مش موجودة ، والموجودة الكاملة اللى سعرها اكتر من السعر بتاع الإعلان 5-6 جنيه.

وطبعا مستحيل سعر المصرى هايكون أقل من الخليجى بأى حال من الأحوال والا كانت الناس كلها اشترت المصرى ، انا متأكد ان اللى انت شفتها فى المعرض دى الأدرنى مش المصرى.

[hprima]

انا معايا الكويتى 1600 كلاسيك وحتحس بفرق الاحصنه

[hprima]

الفرق حتلاقى الانجكشن فى الخليجى خارج منه 3 مواسير

[onsi]

طيب يا جماعة لو ممكن فعلا تبقى اردنى والمندوب قاللى انه المصرى طيب كل دة هيبان لما اشترى بجد من مواصفات العربية الخليجى اللى على القايم وكمان ورق الافراج الجمركى بتاعها وكمان مواصفات السيارة بالكامل اللى مكتوبة على الزجاج الامامى فهو هيدحك على مين!