احسن مكان تشترى منه كوتش عربية

[demo_kh]

مساء الفل يا شباب

انا عندى مشكلة صغيرة ان كوتش العربية اتقطع وانا ماشى بالستبن
وكانت عايز اعرف ايه احسن نوع ممكن اركبه وكمان الاماكن و الاسعار مع العلم انى :
- ساكن فى الهرم
- معايا لانسر 2010 كلاسيك

شكرا

[khaledmekawy2008]

نصيحة لوجه الله اوعي تستخسر انك تشتري كوتش غالي
الكوتش من اهم الحاجات فالعربية وبيفرق كتييييييير اوي مع كل حاجة من ثبات للفرامل ودي الاهم
انا اشتريت كوتش كومهو 18 وبجد معداش عليه شهر والكوتش زبالة زبالة زبالة زحف وفرملة ضعيفة
احلي نوع انصحك بيه بريدجستون gr 90 كاوتش من الاخر وسعره كويس وده كنت مركبه فالبوما القديمة بتاعتي وكان صوته هادي جدا وكوتش ناعم جدا وهتلاحظ الفرق بينه وبين الكوتش الاصلي اللي كان فالعربية
وياريت تشتريه من التوكيل نفسه
انما لو اشتريت كوتش كوري هتتعسف وهتندم
انا بجد ندمان جدا جدا اني اشتريت الكومهو ده بس اشتريته لمشوره واحد ياريتني ماخدت برأيه....
وسعر البريدجستون ال 18 ما يقارب 1500 جنيه للفرده!!!!!!!!

[Eng.Osama.Afifi]

أنا مركب فولدا ألماني ... رائع
وفعلا متستخسرش
بس لو إنت ناوي ترجع الإستبن ... يبقى إشتري نفس النقشة

[eldell]

كنت سالت على البريدجستون فى موزع بريدجستون الى فى صلاح سالم عند السبع عمارات كان عامل 15/195/60 كان عامل 580 جنيه للفرده