السفر مع الارنبة

[husseinthemaster]

اول مرة اسافر بالارنبة ما شاء اللة فعلا عربية محترمة كنت مسافر مرسي مطروح والطريق طبعا عارفينة مفيش احسن من كدة وكان معايا قرايبي ب فيكترا 95 1600 بس وسع اللانسر بطل علي الطريق ماشين راس براس متحسش ان دية 1300 ودية 1600 كنت بشد معاهم لغاية 168 وفي اوقات كنت بوصل لغاية 175 بس دية مرة واحدة بس لكن العادي 160 170 فعلا عربية محترمة جدا خدنا الطريق في 5 ساعات مع الراحة والوقوف

[kar!m]

ما شاء الله ربنا يبارك لك فيها .. بس أكيد عربيتك دى أرنبة برى .. عشان البلدى مبتوصلش للسرعات دى

[Bonanza]

عربية ماشاء الله عليها مريحة من جميع النواحي

عيبها ان شنطتها صغيرة شوية مش بتشيل كتير
الاوبل بقي ماشاء الله شنطتها بحر
و الـ 2000 منها طيارة

ربنا يباركلك فيها

[husseinthemaster]

ما شاء الله ربنا يبارك لك فيها .. بس أكيد عربيتك دى أرنبة برى .. عشان البلدى مبتوصلش للسرعات دى

لا ابدا ارنبة عادي انت مش مصدق السرعات دية ولا اية في ناس هنا بتقول جابت 180 كان نفسي اصور العداد عشان تصدق

[husseinthemaster]

عربية ماشاء الله عليها مريحة من جميع النواحي

عيبها ان شنطتها صغيرة شوية مش بتشيل كتير
الاوبل بقي ماشاء الله شنطتها بحر
و الـ 2000 منها طيارة

ربنا يباركلك فيها

ربنا يخليك لا بس هي شنطتها واسعة اوسع من البطة بس الاوبل شنطتين في بعض هههههههه

[prisoner]

ماشاء الله العربية دى تحفة من كل المقاييس وشكلها من قدام عاجبنى جدا عن الكريستال بالرغم من ان شكل الفانوس وهوة كريستال افضل بس صغر الشبكة الامامية مع رسمة الفوانيس بتديها شكل جبار وكانها وحش كاسر ربنا يستر طريقك واحنا كمان

[M.Elgergawy]

ماشاء الله هو انا جبت 160 ومرديتش ازود مش عارف ليه يمكن عشان معايا الولاد والشنطة واسعة بردوا يا اسامة مش ضيقة

[husseinthemaster]

ماشاء الله العربية دى تحفة من كل المقاييس وشكلها من قدام عاجبنى جدا عن الكريستال بالرغم من ان شكل الفانوس وهوة كريستال افضل بس صغر الشبكة الامامية مع رسمة الفوانيس بتديها شكل جبار وكانها وحش كاسر ربنا يستر طريقك واحنا كمان

فعلا هي شكلها هجومي اكتر من الكريستالة

[prisoner]

فعلا هي شكلها هجومي اكتر من الكريستالة

+1111111111111 انت كده فهمت قصدى بالظبط كده وكنت بتمنى لو فكرت شوية وكنت عدلت الخلفى بالميراج مع تعديل الفوانيس الاصلى بتاعتها سواء كريستال او عدسات كان فى واحد فى الحرفيين قاللى يعملهم عادى وكانت هاتبقى وهم

[smsmawy]

الارنووووب
عربية جميلة جدا وأنا شايفها أحسن من الكريستالة فى شكلها من قدام او الفوانيس عربية مريحة جدا فى السفر ماتزهقش واتنت سايق ما يعيبها انها واطية وبالنسبة للمكنة قوى غير اى 1300 بتاع ماكنة تانية .... واحد صاحبى كنا راجعين من اسكندرية المهم انا كنت عايز اريح هوة ساق قالى المكنة دى حلوة جدا 1600 بتاعة حلوة قولتة دى 1300 مصدقش دى بس لو انت بتحافظ على الزيت وبتحط بنزين نظيف 92 تبقى فى الجرى حكاية بس عيبها بردة بتهبط مع التكيف شوية اما لو على طريق مفتوح تمام مش هتحس بالموضوع دة
ربنا يباركلك فيها ويباركلى فى ارنوبى ... مسميها فوفة

[sonystar]

ما شاء الله ربنا يباركلك

انا فى واحد صحبى معاة بطة 94

كاملة اوتوماتك تكيف باور سنتر جنوط زجاج كهرباء ماتور 1500 عفشة زيزو صالون ممتاز جلد فاخر

رش حديث فوق الفابريكا بسسب حدوش مش خبطاط
العربية خليجى
بيبعها لو حد ناوى العربية خليجى مفيش زيها

[AhMeD MeTwAlY]

علي فكره انا لو راكب الفيكترا بجد كان هيكون خير وبركه انك تشوف النمر بس
لان الفيكترا مش عربيه يتمشي بيها 170 دي عربيه تكسر العداد بيها وعن تجربه

[mido51eg]

الأرنبة دي شكلها ايه ياجماعة؟ انا اعرف البطة وعيون صفية والكريستالة والمكواة والشارك والبومة. حد يرفع لها صورة لو سمحتم.

[Bonanza]

الأرنبة دي شكلها ايه ياجماعة؟ انا اعرف البطة وعيون صفية والكريستالة والمكواة والشارك والبومة. حد يرفع لها صورة لو سمحتم.

دي الارنبة



و دي الكريستالة




باختصار كده هي هي نفس العربية بالملي و الاختلاف في حاجات بسيطة اوي

الفرق في :-
1- الكبوت من عند الفوانبس
2- الشبكة الاماماية
3- الفوانيس الامامية
4- الفوانيس الخلفية

[Bonanza]

ماشاء الله هو انا جبت 160 ومرديتش ازود مش عارف ليه يمكن عشان معايا الولاد والشنطة واسعة بردوا يا اسامة مش ضيقة

انا جايب بيها 170 و مرديتش اكمل

بس الشنطة فعلا مش كبيرة يا جرجاوي

بص علس شنطة الاوبل و انت هاتعرف قصدي

علي فكرة شنطة التمبرا اللي كانت معايا كانت كبيرة فعلا بس طلعت جنب شنطة الاوبل بردو صغيرة

تعقد الاوبل دي