تنظيف فلتر البنزين

[nice_bird]

كان ليا سوالين ع السريع
1-حد يعرف حاجة عن تنظيف فلتر البنزين بتاع البوما وهل ممكن انضفو انا بنفسي وهل مفيد ولا ملوش لازمة وبيتغير كل كام كيلو وسعرة كام

2- عندي اللبة بتاعت الولاعة اتحرقت وعايز اغرها بس مش عارف افك الكونسوله .... حد يقدر يساعدني


و جزاكم الله كل خير

[prisoner]

اى فلتر بنزين مهما نظفت فيه بتبقى فيه رواسب صغيرة والصح ان هوة يتغير وكمان ليه هدف تانى انه يتغير لان البنزين بيبقى ماشى فيه طول الوقت فبيوسع المسام بتاعته ويعدى الرواسب اللى المفروض يشيلها بيحصل زى تاكل خفيف

[nice_bird]

طيب معندش فكرة عن سعرة كاااام

[M.Al-Hefnawy]

الأصلي بـ 675 جنية وفيه نوع تايواني بـ 220 جنيه.

[prisoner]

فيه على فكرة منه فلتر بيقولوا عليه سبور انا جايبه لكريستالتى انما البومة مش عارف الفلتر بتاعى بيبقى كله حديد وبيتنظف عادى بالمياه.

[ahmed_bq]

الأصلي بـ 675 جنية وفيه نوع تايواني بـ 220 جنيه.

ينهر ابيض !!!! هوا غالي اوي كده :) دنا في الكريستاله كنت بغيره لما ابقى فاضي ب 25 جند بتاع هيونداي ..... انا لسه جديد في البومه ومغيرتوش اغيرو لما ايه اللي يحصل :)

[nice_bird]

هوا السعر دا سعر الفلتر بس ولا الفلتر بالطلمبة

[Seifmando]

فيه على فكرة منه فلتر بيقولوا عليه سبور انا جايبه لكريستالتى انما البومة مش عارف الفلتر بتاعى بيبقى كله حديد وبيتنظف عادى بالمياه.

دا مواصفاته ايه وبكم وبيفرق ولا ايه

[prisoner]

دا مواصفاته ايه وبكم وبيفرق ولا ايه

عادى جدا بس معمول من المعدن كله يعنى سهل التنظيف ولا يتفاعل مع البزين المفروض انه انظف من العادى كنت مركبه عند عادل وجدى وعلى فكرة ده بتاع الميراج يختلف عن البمو بس على ما اعتقد موجود لمعظم العربيات وبيقال عليه سبور مش بيتغير خالص بيتنظف بس ويسهل ضخ البنزين

[Seifmando]

عادى جدا بس معمول من المعدن كله يعنى سهل التنظيف ولا يتفاعل مع البزين المفروض انه انظف من العادى كنت مركبه عند عادل وجدى وعلى فكرة ده بتاع الميراج يختلف عن البمو بس على ما اعتقد موجود لمعظم العربيات وبيقال عليه سبور مش بيتغير خالص بيتنظف بس ويسهل ضخ البنزين

Prisoner باشا
ازيك
انا رحت الحرفيين يوم الجمعة اللى فاتت واتصدمت لما لقيت عادل وجدى اجازة بس هعمله زيارة تانية قريب ان شاء الله

[nice_bird]

طيب عايز مكان مضمون اشتري منه الفلتر وبالمرة طقم السيور لاني داخل ع ال70000