مش عارف أوصل لـ(دياموند موتورز)

[leezo]

السلام عليكم

أنا عندي بومة 2007 1300 مانيوال وعايز أعمل صيانة ال 80 الف
حابب أجرب الوكيل الجديد لكن بقالي يومين مش عارف أوصلهم
الرقم اللي عندي 35390903

هل الرقم دة صح؟ حد عنده نمرة ثانية؟

أنا اصلا بروح دايما مصرية قليوب بس حبيت أجرب الوكيل الجديد.

منتظر ردودكم

وشكرا

[basemsaeed]

السلام عليكم

دي ارقام التوكيل الجديد لحجز الصيانة :

35390902
35390903
35390905
35390906

و الرقم اللي حضرتك كتبه,,مكتوب ضمن الارقام دي
حضرتك جرب تتصل بيهم بكرة,,ممكن كانوا مشغولين عشان المعرض

[movies]

السلام عليكم

أنا عندي بومة 2007 1300 مانيوال وعايز أعمل صيانة ال 80 الف
حابب أجرب الوكيل الجديد لكن بقالي يومين مش عارف أوصلهم
الرقم اللي عندي 35390903

هل الرقم دة صح؟ حد عنده نمرة ثانية؟

أنا اصلا بروح دايما مصرية قليوب بس حبيت أجرب الوكيل الجديد.

منتظر ردودكم

وشكرا

هما بردو جننونى عقبال ما ردوا عليا ولما سألتهم لية ما مبتردوش قالولى معلش عندنا مشكلة فى السويتش....خاليك وراهم معا انى بصراحة حسيت ان الحجز دا ملوش اى لزمة لانى لما حجزت و روحت هناك محدش سألنى انت حاجز ولا لأ و هما كمان أصلا معلهمش ضغط لسا !

[leezo]

شكرا جدا ياجماعة على الردود. هجرب و ربنا يسهل.

[ahmed_bq]

ممكن حد يقوللي العنوان بتاعهم فين وهل ليهم مراكز صيانه فين بردو

[bassem_sams]

ان شاء الله تعمل صيانه على خير و تكون مبسوط بيها و تحس ان عربيه بقت احسن
بالنسبه لأستفساراتك:

1-صيانه 80 الف مفروض بيتعمل فيها اشياء تاليه و ممكن هما يزودوا حاجات تانيه شايفين انها محتاج تتغيرنتيجه استخدام او لم تتغير فى صيانه 60:
زيت موبيل (1) او توتال 10000- فلتر زيت - بوجيهات - فلتر هواء - فلتر بنزين (يجب تغييره كل 40 ألف كيلو)
- زيت أوتوماتيك - سير باور- سير دينامو - سير كاتينة - بلية شداد - اويل سيلات

2-بالنسبه لأسعار قطع غيار و مصنعيه ممكن تتصل و تطلب قطع غيار و يعطيك اسعار او تطلب منهم يعطوك مهندس تعرف منه تقريبت تكلفه صيانه 80 الف كام علشان تعمل حسابك

3-ارقام توكيل:35390902-35390903-35390905-35390906
و لو رقم منهم مشغول او مبيرودش جرب رقم اللى بعديه هتلأقيه بيردوا انا بعمل كده

4-عنوان توكيل:
الكيلو 28 طريق مصر الأسكندريه الصحراوى

و ده شرح استاذ باسم لعنوان من عن طريق مدينه نصر او انك اخذت طريق دائرى يمكن يساعدك لأنه ساعدنى جدا وروحت عن طريق وصفه دى من غير ما اسأل
حضرتك في مدينة نصر
حضرتك لو تعرف تاخد الدائري من مدينة نصر اتجاه المعادي و المريوطية
يبقى تمام,,حتأخد الدائري ده للاخر
حضرتك ساعتها حتلاقي علامة للمريوطية و الطريق الصحراوي
حتأخد الوصلة الجديدة اللي معمول عليها علامة للطريق الصحراوي
و تفضل مكمل علطول لحد ما حتلاقي الطريق بينقسم اتجاهين
حضرتك حتأخد الاتجاه الشمال,,حينزل حضرتك على الدائري القديم
حتمسك حضرتك اليمين لحد ما تقابل اول فتحة يمين,,تنزل منها,,يبقى كده حضرتك بقيت على الطريق الصحراوي من بدايته
تفضل ماشي حضرتك علطول اكنك رايح اسكندرية لحد قبل ما تحصل بنزينة امارات مصر
التوكيل قبلها بالضبط

5- للاسف ملهموش مراكز صيانه غير ده على حسب معلوماتى

[spada]

بكل سهوله عند اول بوابه مصر اسكندريه الصحراوى جنب عز العرب فى ابو رواش

[spada]

وليه مركز صيانه السعودى جنب موقف العاشر اخر شارع جسر السويس طريق العبور

[mohamedabdelmo]

يا leezo
الرقم المختصر لدايموند هو 16606
الرقم المخثصر للسعودى هو 16512 جسر السويس قبل محطة شل مباشرة بعد منزل الدائرى مباشرة
اتصل الان