مطلوب خطوات تسجيل معقدة شوية من فضلكم

[ahmedgaser]

السلام عليكم و رحمة الله و بركاته
قبل اى حاجة عاوز اقول انى كنت ابيض ياورد فى موضوع العربيات و كنت خام بمعنى الكلمة و استفدت كتير من منتدى نايل موتورز و بجد مليون تحية لكل اعضاء و ادارى المنتدى الجميل دة .
و الحمد لله بعد عذاب لقيت العربية اللى كنت بدور عليها لكن كالعادة الحلو ميكملش و فى حوارات و متاهات فى العربية من ناحية الورق اتمنى حد يقدر يفيدنى فى اسرع وقت . لان زى م انتوا عارفين العربية مش بتقعد خصوصا لو حالتها تمام

الموضوع كالتالى : العربية اشتراها واحد من المالك الاصلى بتاعها بتوكيل و بعدين المكنة بتاعتها حصل فيها مشكلة و سقط لها مكنة استيراد . و المفروض انى هشترى العربية من المالك التانى بتاعها دة .
مع العلم ان العربية باسم المالك الاول ليها و ورق المكنة الاستيراد باسم المالك التانى و المفروض انى اشتريها بقى و لما سالت كتير قالولى لازم ينزل رقم المكنة الجديد على الرخصة و بعدين يعملك توكيل او يسجلك ؟
و بصراحة مش فاهم كل حاجة بالضبط . الرخصة لسه فيها 9 شهور بالضبط .
و بصراحة انا عاوز اخلص من الموضوع دة خالص و مش مشكلة الـ 9 شهور دول انا مستغنى عنهم
اتمنى حد يفهمنى بالضبط ايه الخطوات اللى لازم اعملها عشان عمليه الشراء دى تتم بصورة قانونية سليمة لان والدى متخوف منها شوية
بانتظار ارائكم

[ahmed_120s]

بص يا باشا اللي هيبيع لك يسجلك في الشهر العقاري بإسمك و ده هيكلفك في حدود 520 جنية و بعدين المكنة لو مش ليها ورق و هتدوخ هتروح بورسعيد تجيب فارغة ماكينة بــ 500 جنية بورقها و تركب الفارغة الجديدة و تضيف ورق الماكنة الجديدة علي ورق العربية و انت بتسجل ده حل .. وقعت في المشكلة دي في عربية ابن خالتي و جبنا فارغة ماكنة و ركبناها و ضفناها بورقها علي العربية لان التاجر اللي باع لينا لما العمولة اتقص منها جزء كبير طرمخ علي ورق الموتور علشان يلب له استك مننا .

[ahmedgaser]

الف شكر ليك ياريس على المعلومات . انا كلمت الراجل و فعلا جاب ورق الافراج الجمركى بتاع المكنة الجديدة و بيقولى مش هنعرف نعمل اى حاجة قبل اسبوع او 10 ايام لغاية م الورق يتبعت للمرور بتاع الزقازيق اللى احنا تبعه و مش عارف اعمل ايه استنى و لا ينفع اشترى دلوقتى و الاجراءات نمشى فيها سوا و لا اعمل ايه انا محتاج العربية دلوقتى ضرورى
اتمنى حد يشاركنا فى المناقشة

[ahmed_120s]

يا ريس انا من الزقازيق دوس ولا يهمك 3 سنين محدش قالي انت رايح فين و جاي منين الا اللهم ابويا و مراتي و غير كده دوس لا مرور ولا دياولوا الدنيا في الطراوة و علي فكرة عديت علي كماين الزقازيق اللي بتبقي اليومين دول بعد الساعة 2 صباحا ...

[prisoner]

المشكلة فى نقل الموتور الجديد ملهاش علاقة اطلاقا بالكماين والكمين مبيكشفش على رقم شاسيه ورقم موتور والكلام ده المهم ان الترخيص مايكونش منتهى وعلى فكرة الراجل يسجلك العربية عادى جدا ويثبت فى العقد المسجل انها مغيرة موتور بواقع الاوراق اللى مهاك اللى هوة افراج الموتور والفاتورة لغاية ما الورق يتحول على مرورك وتتابعه لغاية ما يوصل وترخص عادى مانت عاتفحص بالموتور الجديد واسال برضوا من جوة المرور علشان اكتشفت ان كل مرور وليه طرق غربية ومختلفة فى الترخيص تحياتى

[ahmedgaser]

الف شكر ليك يا prisoner
على مشاركتك و انا نفسى اعمل كدة فعلا بس للسف والدى من النوع الموسوس قوى و شكلها دى هتبقى تانى عربية كويسة تضيع مننا بسبب اسلوبه دة بجد حاجة تقرف .
و هضطر استنى لغاية م الورق ييجى و البايع شكله زهق مننا اصلا . زى م ربنا يجيبها بقى الواحد زهق اصلا

[prisoner]

الف شكر ليك يا prisoner
على مشاركتك و انا نفسى اعمل كدة فعلا بس للسف والدى من النوع الموسوس قوى و شكلها دى هتبقى تانى عربية كويسة تضيع مننا بسبب اسلوبه دة بجد حاجة تقرف .
و هضطر استنى لغاية م الورق ييجى و البايع شكله زهق مننا اصلا . زى م ربنا يجيبها بقى الواحد زهق اصلا

العفو مفيش حاجة وربنا يخليلك والدك ويديله الصحة بس عايز اقولك مش انت بس اللى كده بس عايز اوضحلك حاجة يمكن تكون غايبة عن بالك واسف لتدخللى الناس كلها بتاعت زمان كده لانهم اتربوا على الفضيلة وعدم الغش واللى شافوه فى زمانا ده كتيير طيب انا عايز اقولك ان والدى بيبقى عايز يمشى يتخامق مع كل واحد بيغلط فى الشارع ويقومهم والموضوع صعب جدا دلوقتى علشان هما كانوا صادقين والغش والخداع كان موجود بس مش زى دلوقتى خالص اكيد هوة اكبر خبرة وفاهم حتى لو فيه امور غايبة عن باله فهو فى الاول والاخر ليهكلمته واحترامه وثق تمام لو مجتش يبقى فيها خير ليك اسف على الاطالة والتدخل وربنا يباركلك فيه الواحد بيتمنى انهم يفضوا جنبنا على طول تحياتى

[ahmedgaser]

يا ريس لا تدخل و لا حاجة و بعدين اعتبرنا اخوات قبل اى حاجة و انا متشكر جدا على كلامك دة و معاك حق فيه فعلا .
المشكلة ان والدى مش زى م انت بتقول و انا عارف ان دى طبيعة الناس بتاعة زمان اللى اخدوا زمن الخير و سابوا لينا زمن بوس الواوا . و الدليل ان فى ناس كبيرة بردة متفهمة و عايشة و بتمشى الدنيا لكن للأسف والدى مش كدة خالص .
و ممكن ينوى يعمل حاجة و ساعة م ندخل فى الجد يتردد و يقلقطب تصدق بالله لغاية ليلة فرح اختى مكنش موافق على العريس بالرغم من انه حاجة تتحط على الجرح يطيب . و بصراحة انا تعبت من تصرفات والدى و مبقيتش قادر .
لكن فى الاول و فى الاخر والدى و جزمتة فوق راسى و له واجب الاحترام و ربنا يهدينا جميعا . متشكر مرة تانية

[prisoner]

يا ريس لا تدخل و لا حاجة و بعدين اعتبرنا اخوات قبل اى حاجة و انا متشكر جدا على كلامك دة و معاك حق فيه فعلا .
المشكلة ان والدى مش زى م انت بتقول و انا عارف ان دى طبيعة الناس بتاعة زمان اللى اخدوا زمن الخير و سابوا لينا زمن بوس الواوا . و الدليل ان فى ناس كبيرة بردة متفهمة و عايشة و بتمشى الدنيا لكن للأسف والدى مش كدة خالص .
و ممكن ينوى يعمل حاجة و ساعة م ندخل فى الجد يتردد و يقلقطب تصدق بالله لغاية ليلة فرح اختى مكنش موافق على العريس بالرغم من انه حاجة تتحط على الجرح يطيب . و بصراحة انا تعبت من تصرفات والدى و مبقيتش قادر .
لكن فى الاول و فى الاخر والدى و جزمتة فوق راسى و له واجب الاحترام و ربنا يهدينا جميعا . متشكر مرة تانية

ماشاء الله ربنا يارب يخليهولك وحلو قوى موقف الفرح ده بس ان دل على شئ انما يدل على قد ايه هوة بيحبكم لدرجة انه خايف عليكم من المستقبل مع شخص جديد معلش الحمد لله رب العالمين على النعمة دى ولو انت متجوز المفروض تكون حسيت بوالدك لو لسه يبقى هايجى اليوم اللى تحس فيه قد ايه هوة خايف عليكم من الهوى وربنا يباركلك فيه انت بقى وشطارتك تحاول تقنعه باللى انت عايزه اذا كان فيه خير فعلا بس بالهدوء وحسسه انك مش فارقة معاك الموضوع بس لو حسينة انها فيها اذى نبعد وكده يعنى النقاش حلو قوى اقولك على سر انا علاقتى بوالدى اتصلحت بعد ما اتجوزت وندمان على كل لحظة مفهمتوش فيها وعرفت قد ايه هما بيخافوا بجد علينا اللهم دمها علينا نعمة يارب واعنا على رد الجميل اللهم امين

[kareembelal]

اصل الافراج الجمركي بيتبعت علي لمرور ويم وضعه في الملف وايا كان اللي باسمه الورق حضرتك هاتسجل لنفسك بالتوكيل عادي وتروح المرور وتقرر انك مغير مكنه والموظف هايكتب علي اورنيك الفحص الرقم اللي في الافراج وسيتم رفع البصمة من علي اموتور وتطابق مع الرقم اللي في الافراج وتعتمد المكنه الجديده
مافيش اي مشكله وتوكل علي الله