الحمدلله سقطت موتور 1500 كامه واحده في كريستاله

[ConDoR]

بسم الله الرحمن الرحيم

الحمدلله ربنا وفقني وقدرت اسقط موتور 4g15 1500 كامه واحده بعد ما موتور ال 1300 فوت بعد 270 الف كيلو

رحله تسقيط الموتور الحمدلله كانت سهله وبسيطه واسباب اختياري ال 1500 كامه واحده انه بيشترك مع ال 1300 في قطع غيار كتير ودا اهم حاجه عندي ملاحظاتي على الموتور بتتلخص في الاتي :

الموتور ماشاء الله جميل وتسارعه بالنسبه لل 1300 كافي ووافي ومع التكييف مش بيموت السحب بس بياثر عليه طبعا ودا حال كل العربيات
موتور هادي وصوته خفيف تفصيله اكتر من ممتاز
بس اللي محتاج موتور جامد ومفتري دا مش حديله طموحه ويروح لل 1500 2 كامه اقوى وتسارعه احسن بس عيبه بالنسبالي كان شكله وقطع غياره وغير كدا اداء ال 1500 كامه كافي بالنسبالي في الجري والتسارع الحمدلله

اي استفسار انا موجود

[ahmed_120s]

اولا ربنا يبارك لك يا باشا و يديك خيرة و يكفيك شره

اتكلف كم و القديم عملت فيه ايه ؟

و الليله دي خدت كم

يوم و اتعملت عند مين ؟؟ و اي تفاصيل ماتبخلش علينا بيها الواحد داخل علي الــــ200 الف كيلو

[MITSUKERO]

انا وقعت و انت اللي لحقتني

انا عندي نفس الموضوع و عايز اعمل كده بالظبط

انا موتوري فوت بعد ال 420 الف ده الاختلاف الوحيد بس مش مشكلة الفكرة كلها كلفت كام و اخدت وقت قد ايه و جبت فتيس مانيوال ولا اوتوماتيك و عملتها فين و بدلت الموتور بتاعك ولا لا ؟

منتظر ردك لاني زهقت من عربيتي بجد

[maay93]

انا معروض عليا لانسر 99 الحالة العامة جيدة جدا يس الموتور باختصار مش عارفلة لان العربية خليجي انجكشن مش كربيراتير اوتوماتيك الراجل بيقولي انة 1600 وانا مش عارف بس الي اعرفوة الفتيس زي فتيس البومة 1300 لان مفهوش ds
طب ممكن العربية تكون 1500 المهم اعرف ازاي؟
حاجة تاني الموتور عامل350000 الف كيلو كتير طبعا بس ناس كتير بتفول عادي اية رايكوا؟
الي مخليني باكي علي العربية انها مواصفات شاذة فيها 2 ايرباج علي سبيل المثال وكواتشات 14
ارجو الافادة وياريت تقلولي تسوا كام وشكرا

[MITSUKERO]

بغض النظر ان المشاركة بره الموضوع بس 350 الف كيلو و تقولي باكي علي العربية ياراجل ده الموتور هيفوت هيفوت

[ahmed_h_g]

على فكره 300 الف كيلو مش حاجه الموتور بيتعب لما يوصل ل450 أو 500 الف وبيحتاج صيانه (طقم شمبر ) على 200 الف
مبروك عليك التسقيط يا هندسه

[minicooper20]

الف مبروك

[ConDoR]

اولا ربنا يبارك لك يا باشا و يديك خيرة و يكفيك شره

اتكلف كم و القديم عملت فيه ايه ؟

و الليله دي خدت كم

يوم و اتعملت عند مين ؟؟ و اي تفاصيل ماتبخلش علينا بيها الواحد داخل علي الــــ200 الف كيلو

المكان : في طنطا
السعر: 3500
وبعدت المكنه القديمه

ربنا يطول في عمر المكنه عند حضرتك بس لما تسقط مش حتندم ان شاء الله

التسقيط اخد يومين ونص وكان شغل لذيذ ومفيهوش عك الحمدلله لما تنوي متقلقش ان شاء الله

[ConDoR]

انا وقعت و انت اللي لحقتني

انا عندي نفس الموضوع و عايز اعمل كده بالظبط

انا موتوري فوت بعد ال 420 الف ده الاختلاف الوحيد بس مش مشكلة الفكرة كلها كلفت كام و اخدت وقت قد ايه و جبت فتيس مانيوال ولا اوتوماتيك و عملتها فين و بدلت الموتور بتاعك ولا لا ؟

منتظر ردك لاني زهقت من عربيتي بجد

انا قعدت يومين ونص والفتيس كان اتوماتيك والاعربيه اتوماتيك اصلا والتسقيط كان في طنطا هنا لو حد محتاج اي حاجه انا تحت امره بجد وان شاء الله حيكون راضي انا الموتور القديم عندي فضلت لحد لحد ما كان بيرزع ويخبط والكربراتير بايظ وكل حاجه فيه كانت بايظه دخلته دخلته فرق في الموتور ودفعت 3500 وهو عنده الكهربائي والمكانيكي في نفس المكان

متقلقش الموضوع سهل وبسيط ومفيهوش عك ان شاء الله لو احتجت اي حاجه انا تحت امرك

[ConDoR]

انا معروض عليا لانسر 99 الحالة العامة جيدة جدا يس الموتور باختصار مش عارفلة لان العربية خليجي انجكشن مش كربيراتير اوتوماتيك الراجل بيقولي انة 1600 وانا مش عارف بس الي اعرفوة الفتيس زي فتيس البومة 1300 لان مفهوش ds
طب ممكن العربية تكون 1500 المهم اعرف ازاي؟
حاجة تاني الموتور عامل350000 الف كيلو كتير طبعا بس ناس كتير بتفول عادي اية رايكوا؟
الي مخليني باكي علي العربية انها مواصفات شاذة فيها 2 ايرباج علي سبيل المثال وكواتشات 14
ارجو الافادة وياريت تقلولي تسوا كام وشكرا

بص حضرتك الانسر ان شاء الله افضل اختيار ومش حتندم عليه ودي نصيحه لوجه الله بالنسبه للانسر الخليجي كانت فعلا بتنزل 1600 وفيها ايرباج ومفيهاش Ds هو الفتيي زي ال 1300 بالنسبه للكيلومتر مش مهم عامل كام العداد انا ممكن انزلك العداد لحد 60 الف بس المهم حاله العربيه ايه فابريقه بره وجوه فابريقه جوه بس حاله المكنه العفشه ياريت حضرتك تفحصها كويس وتشيك عليها ومتسمعش من حد خد صنايعي واتنين وتلاته ولو حالته تمام سعرها بيوصل لحد 53 الف لو حاله شاذه زي ما حضرتك بتقول ودا طبعا بسبب ان الزيرو كله رفع سعره وبقا في السما حتى الكوري

[ConDoR]

على فكره 300 الف كيلو مش حاجه الموتور بيتعب لما يوصل ل450 أو 500 الف وبيحتاج صيانه (طقم شمبر ) على 200 الف
مبروك عليك التسقيط يا هندسه

الله يبارك فيك يا باشا

[sonystar]

الف مبروك

انا مسقط نفس الماتور بس على مانول تسارع رهيب 190 كيلوا فى ذيادة

انا مسقط المكنة بقالى سنة ونصف

بس من غير ما ادخل المكنة القديمة

المكنة كاملة بالتركيب 4500 +ديسك واسطوانة وبلية دبرياج

وخدت الماتور القديم بتاعة لانى كنت هسقط فى طنطا بس قالى على انك لووهدخل ماتور فى ماتور 2000 +1000 تركيب يعنى 3000

طيب وانا كنتدى الكباس باظ قالى احنا هناخذ ادوادت التغذية من الماتور القديم ونحطة فى التانى قولتة طيب ما انا الكباس بايظ قالى خد كباس استراد 750
لقيت الليلة داخلة فى 3750
لو انزل مصر نزلت مصر جبتها كاملة 3500 وركبت هنا صرفت 1000 وخد المكنة القديمة

اللى كان مزعنى ومش عايز اديلة الماتور بتاع طنطا انى صرفت على الماتور يعنى كان الاسبراتير باظ عندى كنت جبت واحد 750
طرمبة الباور باظت جبتها 200

مارش كان باظ جبتة 150

غير ان الكربراتير عندى حالتة جيدة

قولت لا انا اخلى الماتور القديم معايا احسن

ممكن صور للماتور عندك اشوفة نفسى اللى عندى

دا صورة لنفس الماتور اللى راكب عندى هوا دا اللى عندك

[ConDoR]

الف مبروك

انا مسقط نفس الماتور بس على مانول تسارع رهيب 190 كيلوا فى ذيادة

انا مسقط المكنة بقالى سنة ونصف

بس من غير ما ادخل المكنة القديمة

المكنة كاملة بالتركيب 4500 +ديسك واسطوانة وبلية دبرياج

وخدت الماتور القديم بتاعة لانى كنت هسقط فى طنطا بس قالى على انك لووهدخل ماتور فى ماتور 2000 +1000 تركيب يعنى 3000

طيب وانا كنتدى الكباس باظ قالى احنا هناخذ ادوادت التغذية من الماتور القديم ونحطة فى التانى قولتة طيب ما انا الكباس بايظ قالى خد كباس استراد 750
لقيت الليلة داخلة فى 3750
لو انزل مصر نزلت مصر جبتها كاملة 3500 وركبت هنا صرفت 1000 وخد المكنة القديمة

اللى كان مزعنى ومش عايز اديلة الماتور بتاع طنطا انى صرفت على الماتور يعنى كان الاسبراتير باظ عندى كنت جبت واحد 750
طرمبة الباور باظت جبتها 200

مارش كان باظ جبتة 150

غير ان الكربراتير عندى حالتة جيدة

قولت لا انا اخلى الماتور القديم معايا احسن

ممكن صور للماتور عندك اشوفة نفسى اللى عندى

دا صورة لنفس الماتور اللى راكب عندى هوا دا اللى عندك

هو دا يا فندم الموتور اللي عندي

[sonystar]

هو دا يا فندم الموتور اللي عندي

جايبة منين فى طنطا انا مش من طنطا بس اعرف ناس كتير

[maay93]

بص حضرتك الانسر ان شاء الله افضل اختيار ومش حتندم عليه ودي نصيحه لوجه الله بالنسبه للانسر الخليجي كانت فعلا بتنزل 1600 وفيها ايرباج ومفيهاش ds هو الفتيي زي ال 1300 بالنسبه للكيلومتر مش مهم عامل كام العداد انا ممكن انزلك العداد لحد 60 الف بس المهم حاله العربيه ايه فابريقه بره وجوه فابريقه جوه بس حاله المكنه العفشه ياريت حضرتك تفحصها كويس وتشيك عليها ومتسمعش من حد خد صنايعي واتنين وتلاته ولو حالته تمام سعرها بيوصل لحد 53 الف لو حاله شاذه زي ما حضرتك بتقول ودا طبعا بسبب ان الزيرو كله رفع سعره وبقا في السما حتى الكوري

شكرا علي الرد الجميل والموضوعي
العربية منصوبة راشة برة وحالة الرشة كويسة وفيها رخصة 4 شهور يعني هرخص فاية رايك العربية تساوي كام وحضرتك متاكد من ان في 1600 بفتيس شبة 1300 لان الحتة دية مشككانة خصوصا العربية مثبوتة في الرخصة 1300 وشكرا