محتاااار ... إزاي اختار !! ؟؟

[zalat]

السلام عليكم ورحمة الله ,

انا يشرفني الانضمام كعضو جديد هنا ف هذا المنتدى الرائع ,

وعلشان انا دي اول مرة ليا في شراء عربية بإذن الله , فعايز اطلب من حضراتكم اهل الخبرة الاستشارة

محتار , اختار ؟؟ ما بين : 1- ميتسوبيشي لانسر اوتومايك 2006

2- رينو ميجان اوتوماتيك - ودي ماجتش في بالي الا لما قريت عنها ف المنتدى هنا وعرفت انكم بتشكروا فيها جامد -

3- شيفرولية اوبترا اوتوماتيك 2006
----------------------------------
ارجو الإفادة من حيث العيوب والمميزات , وفي رأيك ايه الأحسن ؟
وايه اللي اكثر امان على الطريق السريع ؟
وجزاكم الله خيرا :)

[mohammedabdallh]

وعليكم السلام
ياباشا ده شرف لينا احنا
اولا كل عربيه لها مميزات وليها عيوب
الاوبترا شلها من دماغك خالص مش هتعجبك الا لو كانت زيروا
مينفعشى تجبها مستعمله علشان المستعمل مشكله كتيير فى الكورى
يبقى ناقص الانسر والميجان
الميجان عوامل امان اكتر من اللنسر وسحب كويس قطع غيار موجوده مشكلها التراب والحساسات الى فيها دى من كلام مالكها مش منى
يبقى فاضل اللنسر يبانى قطع غيار موجوده ومتوفره الميكانيكا كلهم بقى يفهموا فيها سحبها كويس ولذيذ تسارع جميل جدا ثبات كويس
كفايه انها يبانى
رايى
لو فى مدينه مفيهاش تراب ومطبات كتير ومشيك دايما سريع يبقى الميجان
لو فى طرق مكسره وبتنزل بيها المحافظات يبقى اللنسر
وربنا معاك ويوفقك للى فيه الخير
وانتظر برضه راى الاعضاء

[zalat]

جزاكم الله خيرا , يشرفني مرور حضرتك :)

[sonystar]

وعليكم السلام
ياباشا ده شرف لينا احنا
اولا كل عربيه لها مميزات وليها عيوب
الاوبترا شلها من دماغك خالص مش هتعجبك الا لو كانت زيروا
مينفعشى تجبها مستعمله علشان المستعمل مشكله كتيير فى الكورى
يبقى ناقص الانسر والميجان
الميجان عوامل امان اكتر من اللنسر وسحب كويس قطع غيار موجوده مشكلها التراب والحساسات الى فيها دى من كلام مالكها مش منى
يبقى فاضل اللنسر يبانى قطع غيار موجوده ومتوفره الميكانيكا كلهم بقى يفهموا فيها سحبها كويس ولذيذ تسارع جميل جدا ثبات كويس
كفايه انها يبانى
رايى
لو فى مدينه مفيهاش تراب ومطبات كتير ومشيك دايما سريع يبقى الميجان
لو فى طرق مكسره وبتنزل بيها المحافظات يبقى اللنسر
وربنا معاك ويوفقك للى فيه الخير
وانتظر برضه راى الاعضاء

انتا بجد جابت من الاخر متفق معاك فى الحوار

بس عايز ازود حاجة لو هيجيب لانسر يجبها كاملة سوبر اكسن صح ولا اية رايك تكون اشيك من العادى والعفشة رياضية وحاجات كتير

[M_Marwan]

هات الانسر العربيات التانيه وجع دماغ ومشاكلها كتير خصوصا لو مستعمله

[mohammedabdallh]

جزاكم الله خيرا , يشرفني مرور حضرتك :)

تحت امرك فى اى وقت

[mohammedabdallh]

انتا بجد جابت من الاخر متفق معاك فى الحوار

بس عايز ازود حاجة لو هيجيب لانسر يجبها كاملة سوبر اكسن صح ولا اية رايك تكون اشيك من العادى والعفشة رياضية وحاجات كتير

والله دى ازواق وثانيا فرق السعر العاديه غير السوبر غير السوبر اكشن

[ahmed_bq]

توكل على الله وادخل في لانسر وفكك من اي حاجه تانيه ... لو عايز عربيه تستحمل الهرس وبتجري وثابته وناعمه وقويه وكلها حنية وياباني وبياعه وقطع غيارها لازم تبقى موجوده عند اي حد بتاع قطع غيار و معمره وقطع غيارها على اد فلوسك فيه الصيني والتايواني والكوري والياباني ... غير ان شكلها يمشي شبابي وعواجيزي ورجالي وحريمي وكله ... من الاخر عربيه من الاخر ماشاء الله عليها.

الميجان عربيه روعه بردو بس مشكلتها الوحيده انها رينو .. قطع غير مش هتلاقيها في كل حته لو مش هتفرق دي معاك دوس فيها ديما العربيات الاوروبيه بتبقى اكتر رفاهيه وطبعا بتبقى مناسبه للطرق الناعمه ومن غير تراب زي ما احد الزملا قال

الاوبترا مش هتكلم عليها عشان محدش يزعل ... لكن انا شخصيا مش بحبها شكلا وموضوعا

[ahmed_bq]

والله دى ازواق وثانيا فرق السعر العاديه غير السوبر غير السوبر اكشن

معلومه بس يا مان ... كل العربيات اللانسر بومه فيها عفشه رياضيه سواء كلاسيك هاف سبورت سبورت او سوبر اكشن

[nice_bird]

معلومه بس يا مان ... كل العربيات اللانسر بومه فيها عفشه رياضيه سواء كلاسيك هاف سبورت سبورت او سوبر اكشن

حضرتك متاكد من المعلومة دي لان اللي اعرفو ان الانسر سبور والهاف سبور بس هما اللي فيهم عفشة رياضية وبتبقي ناشفة اما الكلاسيك بتبقي عفشة عادية

[mohammedabdallh]

حضرتك متاكد من المعلومة دي لان اللي اعرفو ان الانسر سبور والهاف سبور بس هما اللي فيهم عفشة رياضية وبتبقي ناشفة اما الكلاسيك بتبقي عفشة عادية

كلام مظبوط