لفيت ودخت واحترت ومحتاج حد يفيدنى بجد

[salah_86]

انا روحت انهاردة توكيل المصيلحى اللى فى قليوب بس معجبنيش بصراحة لانهم اخدو العربية ورفعوها ومفكش حتى العجل وقالى العربية محتاجة تيل فرامل امامى طيب عرف منين اذا كان هو مفكش العجل خالص ثانيا اى حد كان موجود كانوا بيقولو عربية حضرتك محتاجة 2 جلبة مقص امامى واسبراى بواب بس انا اخدت منهم ورقة باسعار قطع الغيار وقلت اروح المصرية اسال على اسعار قطع الغيار والمفاجاة كانت ان المصرية اغلى بكتير
يعنى فلتر الهوا فى المصلحيى عامل 186 لكن فى المصرية 250 والبوجيهات فى المصرية 130 انما فى المصيلحى ب112 وقررت ساعتها اروح اشترى قطع الغيار من المصيلحى واركبها برة فى مركز صيانة انا بتعامل معاه بس لما رحت المصيلحى وجيت اخد قطع الغيار لقيت تيل الفرامل رصاصى مش اخضر مع العلم ان الاصلى اللى كان فى العربية لونة اخضر ومكتوب علية صنع فى اليابان وحتى ماركة فيها س انا مش فاكرها بصراحة قلقت ومشيت ومرضيتش اخد حاجة غير لما استشيركم الاول لانى هدفع مبلغ مش اى كلام فياريت حد يفيدنى ولا اروح المركز الرئيسى ولا اعمل ايه ؟

[MR . Gold]

انا روحت انهاردة توكيل المصيلحى اللى فى قليوب بس معجبنيش بصراحة لانهم اخدو العربية ورفعوها ومفكش حتى العجل وقالى العربية محتاجة تيل فرامل امامى طيب عرف منين اذا كان هو مفكش العجل خالص ثانيا اى حد كان موجود كانوا بيقولو عربية حضرتك محتاجة 2 جلبة مقص امامى واسبراى بواب بس انا اخدت منهم ورقة باسعار قطع الغيار وقلت اروح المصرية اسال على اسعار قطع الغيار والمفاجاة كانت ان المصرية اغلى بكتير
يعنى فلتر الهوا فى المصلحيى عامل 186 لكن فى المصرية 250 والبوجيهات فى المصرية 130 انما فى المصيلحى ب112 وقررت ساعتها اروح اشترى قطع الغيار من المصيلحى واركبها برة فى مركز صيانة انا بتعامل معاه بس لما رحت المصيلحى وجيت اخد قطع الغيار لقيت تيل الفرامل رصاصى مش اخضر مع العلم ان الاصلى اللى كان فى العربية لونة اخضر ومكتوب علية صنع فى اليابان وحتى ماركة فيها س انا مش فاكرها بصراحة قلقت ومشيت ومرضيتش اخد حاجة غير لما استشيركم الاول لانى هدفع مبلغ مش اى كلام فياريت حد يفيدنى ولا اروح المركز الرئيسى ولا اعمل ايه ؟

نصيحة اشتري اي قطعة غيار من مصرية لانها فعلا اوريجينال وفرق السعر اعلي لان بالفعل اللي في مصرية اصلي وتركبة وحضرتك مطمئن لان في الاخر مش هاتفرق كتير بس تكون مرتاح نفسيا ان الحاجة اللي دفعت فيها فلوس اصلية اوريجينال مش كوبي

[salah_86]

حضرتك متاكد
يعنىى المصيلحى اللى عنده دا تقليد ولا ايه
وهل فعلا التيل الرصاصى دا مش اصلى لان اللى انا خالعة من عربيتى اخضر

[dr_darsh]

انا كنت باركب التيل فى عربيتى الانسر من عند رواس العجوزة وهو كان فعلا أخضر
ونصيحة التيل الأصلى لايعلى علية انا فى مرة غيرت تيل من بره لأن ظروفى وقتى ماكنتش تسمح انى اروح التوكيل العربية مشيت بيه حوالى 4000كم وصفرت

[salah_86]

يعنى اجيبة من المصرية ؟

[salah_86]

ولا من الرواس؟

[IronHead]

المفروض ان مصيلحى مركز معتمد من التوكيل الجديد, فالمفروض ان الوكيل هو اللى بيورد ليه قطع الغيار الاصليه

[ahmed_bq]

يباشا انا لسه حاجز امبارح وهروح يوم الاتنين الجاي بس هروح الفرع الرئيسي دايموند اللي في الصحراوي ... فيه حاجه عرفتها واستغربت مصريه اللي كانت زمان توكيل دلوقتي مبقتش حتى مركز صيانه معتمد ولكنه فقط موزع قطع غيار معتمد .. ده اللي عرفته ونا بحجز انما مصيلجي معتمد ...موضوع فرق السعر ده ممكن يكون عشان العرض بتاع شهر اكتوبر اللي هوا فحص شامل مجاني وخصم 15% على المصنعيات و 10% على قطع الغيار فممكن يكون فرق السعر ده من الخصم .. مع انه بصراحه شايف انها بردو فارقه ومش 10% ابدا.

هوا وانا بحجز قاللي اروح المصليحي ولما قولتلو مصريه قاللي لا دي مش معتمده .. ونا مرضيتش اروح مصيلحي وقولتلو اروح الرئيسي عشان جوان فتحة السقف عندي عايز يتغير وملقتوش لا في مصريه ولا في مصيلحي ... فلو انتا عايز تجيب من الاخر روح داياموند او الرواس اللي بعتبرو الاب الروحي لمتسوبيشي من الاخر

[IronHead]

اعتقد ان فرق السعر دة نتيجة ان التوكيل القديم بيجيب قطع الغيار الاصلية من الخليج, لان ميتسوبيشى الام قفشت عليه وبطلت تبعتلو قطع غيار من هناك على طول, فهو بيتحايل على الموضوع دة ويجيب قطع الغيار من وكلاء الخليج عشان يفضل يقدر يعمل الصيانات ويبيع بقطع الغيار الاصليه. مش عارف ليه دايموند مخلاش الرواس مركز صيانة معتمد, كان هيستفيد بخبرته وبانتشار مراكزه فى الجمهورية

[M.Al-Hefnawy]

انا لسه متصل بتوكيل المصيلحي عشان اسأل على تغيير زيت الفتيس الاوتو cvt قالي بيغيروا موبيل والعربية بتاخد 5 كيلو وتكلفته 225 جنيه + 40 جنيه مصنعية مع العلم ان اللي سمعته انها بتاخد 8 كيلو في المصرية
أيه رأيكم؟

[IronHead]

المصرية هو اللى صح عشان هما بينزلو كل الزيت اللى فى الفتيس والمفروض بيبقى 8 كيلو

[elpasha1]

مصيلحى دا من ............ التوكيلات
ومالوش ملة انا كنت بتعامل معاة لما كان كيا وبعدين غير لهيونداى من كتر المشاكل اللى عملتها الناس
واول مرة اعرف انه اشتغل فى المتسوبيشى


نرجو مراعاة آداب الحديث
تم حذف كلمة بمعنى : أسوأ
مشرف القسم
5أ

[IronHead]

مصيلحى دا من ............ التوكيلات
ومالوش ملة انا كنت بتعامل معاة لما كان كيا وبعدين غير لهيونداى من كتر المشاكل اللى عملتها الناس
واول مرة اعرف انه اشتغل فى المتسوبيشى

ياساتر يا رب
ماهو واضح انه زبالة من اولها, مش عارف اصول تغيير زيت cvt

[salah_86]

اولا شكرا لرد حضراتكم بجد واتمنى اننا نكون اصدقاء
ثانيا فى البداية انا موسوس على عربيتى قوى هيا العربية 2009 مانيول 1300 خليجى وعمرى مروحت بيها اى توكيل ولحد دلوقت مغيرتش فيها حاجة بس لقيت من 3 ايام ان العربية بقت عاملة 37000 وكنت سمعت ان دايموند عاملة حملة فحص مجانية وانا من شبين الكوم - المنوفية وشغلى فى مطار القاهرة فبصراحة استبعدت المشوار انى اطلع على الصحراوى وكدا بس لما عرفت ان المصيلحى اللى فى قليوب دا تبع دايموند روحت اول امبارح وعملت الفحص المجانى بس بصراحة تقييمى ليهم انهم زفت فى الفنين لانهم اخدوا العربية ورفعوها وجه قالى العربية عاوزة تيل فرامل امامى طب عرف منين مع انه مفكش العجل عندى وانا عندى طاسات مش جنوط حتى كنت قولت لمحه من فوارغ الجنط وبعدين اى حد كان قاعد معايا بيقولة العربية عاوزة جلبتين مقص معقول اللانسر كلها عاوزة جلبتين مقص وبعدين هو اللى قال علية كلة يعتبر صيانة ال 40000 المهم اخدت منه اسعار قطع الغيار بالتفصيل وطبعا قالى انها الاصلى لانه وكيل وميقدرش يبيع حاجة غير الاصلى المهم اخدت بيان بالاسعار ورحت على المصرية اشوف اسعار قطع الغيار عندهم ايه لقيت المصرية اغلى قوى باستهبال روحت الرواس قليوب لقيت التيل بس هو الارخص انما بقيت الحاجة زى المصرية او ارخص من المصرية 10 جنية بس نسيت اقولك ان التيل اللى موجود فى المصيلحى كانت رصاصى وللعلم انا قريت قبل كدا لعضو من الاعضاء انة لما راح التوكيل غيرولة تيل رصاصى هو اصلى لانى لقيتة فى المصرية برضة والرواس بس لقيت عند الرواس التيل الاخضر كمان
فاشتريت تيل الفراتمل من الرواس وباقى الحاجة اشتريتها من المصيلحى ( دايموند )
وجيت هنا المنوفية ركبتهم فى مركز صيانة عندنا انا عارف المهندس اللى شغال فية
وبس ايه رائيكم ؟