استشارة فنية من اعضاء منتدي ميتسوبيشي

[civilpharaoh]

السلام عليكم و رحمة الله

انا عربيتي بومة 2008 sport فتيس cvt وعاملة 40000 كم وعايز اعرف تغيير زيت الفتيس علي ال 40000 ولا لسه ولو يتغير ايه هو نوع زيت الفتيس المناسب لل cvt ومنين اجيبه والعربية بتاخد كام لتر عشان انا سمعت انها بتاخد 5 لتر في الطبيعي و 8 لتر لو هنزل الفتيس و هل فلتر البنزين بيتغير علي ال40000 كم وايه هي الاشياء المطلوب تغيرها عند وصول العربية ل 40000 كم...شكرا لاعضاء المنتدي الكرام

[Dawns_Mist]

زيت الفيتيس بيتغير من 40 ألف لـ 60 ألف كيلو و فيه بعض مراكز الصيانة و معتمدين الزيوت بيقولوا 90 الأف كيلو ... أعتقد 60 ألف كيلو معدل متوسط ... أفضل نوع ليه هو النوع المعتمد في الوكيل و ده تقدر تجيبه من الوكيل نفسه ، و فيه كمان نوع فالفلين و ده ممتاز جدا و تقدر تدخل على الموقع الرئيسي للشركة و هي فيها سيستم بيحدد افضل نوع زيت مناسب للفيتيس .. و غالبا اللتر بيكون في متوسط 70 جنيه و الفيتيس بياخد 7.7 لتر تقريبا.

فلتر البنزين مالوش عدد كيلوهات معين لإنه بيكون حسب سواقة كل واحد و حسب المنطقة اللي هو بيتحرك فيها كتير .. لكن يفضل تغيره دوريا و أعتقد 40 ألف فترة مناسبة جدا و ممكن بعد كده تغيره على 20 ألف كيلو كمان هيكون أفضل ..

فلتر الزيت طبعا يتغير أكيد مع كل 2 غيار زيت ... و فلتر الهوا و فلتر التكييف لازم تبص عليهم عند مركز الصيانة أو الميكانيكي ..

السيور برضه اعمل عليها فحص بس لكن غالبا مش هتحتاج تغيير أي شيء تاني ..

[civilpharaoh]

تسلم يا باشا علي المعلومات الجامدة دي

[Ramytoyota]

زيت الفيتيس بيتغير من 40 ألف لـ 60 ألف كيلو و فيه بعض مراكز الصيانة و معتمدين الزيوت بيقولوا 90 الأف كيلو ... أعتقد 60 ألف كيلو معدل متوسط ... أفضل نوع ليه هو النوع المعتمد في الوكيل و ده تقدر تجيبه من الوكيل نفسه ، و فيه كمان نوع فالفلين و ده ممتاز جدا و تقدر تدخل على الموقع الرئيسي للشركة و هي فيها سيستم بيحدد افضل نوع زيت مناسب للفيتيس .. و غالبا اللتر بيكون في متوسط 70 جنيه و الفيتيس بياخد 7.7 لتر تقريبا.

فلتر البنزين مالوش عدد كيلوهات معين لإنه بيكون حسب سواقة كل واحد و حسب المنطقة اللي هو بيتحرك فيها كتير .. لكن يفضل تغيره دوريا و أعتقد 40 ألف فترة مناسبة جدا و ممكن بعد كده تغيره على 20 ألف كيلو كمان هيكون أفضل ..

فلتر الزيت طبعا يتغير أكيد مع كل 2 غيار زيت ... و فلتر الهوا و فلتر التكييف لازم تبص عليهم عند مركز الصيانة أو الميكانيكي ..


السيور برضه اعمل عليها فحص بس لكن غالبا مش هتحتاج تغيير أي شيء تاني ..

مع احترامى ليك!!!!!!!

زيت الفتيس لازم يتغير على 40000 كم و لازم التغيير يتم فى التوكيل لانه ليه جهاز مخصوص بيغسل دورة الزيت ودة اسم الزيت و الموديل بتاعه الى الشركة اوصت بى و الى التوكيل بتاع قليوب بيجيبه ( DiaQueen - ATF SP III ) وبياخدمن 9:8 كيلو تقريبا

البوجيهات و فلتر الهواء و فلتر البنزين بيتغيرو على 40000 كم ملهاش دعوة بالسواقة

سير الباور و سير الدينامو و سير الكاتينه على 80000 كم

[MITSUKERO]

مع احترامى ليك!!!!!!!

زيت الفتيس لازم يتغير على 40000 كم و لازم التغيير يتم فى التوكيل لانه ليه جهاز مخصوص بيغسل دورة الزيت ودة اسم الزيت و الموديل بتاعه الى الشركة اوصت بى و الى التوكيل بتاع قليوب بيجيبه ( diaqueen - atf sp iii ) وبياخدمن 9:8 كيلو تقريبا

البوجيهات و فلتر الهواء و فلتر البنزين بيتغيرو على 40000 كم ملهاش دعوة بالسواقة

سير الباور و سير الدينامو و سير الكاتينه على 80000 كم

هو ده الكلام الصح مع احترامي للعضو اللي رد في الاول

زيت فتيس البوما الاوتوماتيك مش بينزل كله غير في التوكيل بجهاز خاص بالموضوع ده و لو غيرته بره مش هينزل غير 4 او 5 كيلو تقريبا و الباقي هيفضل جوه ده

بالنسبة لفلتر البنزين بيتغير كل 40 الف هو و البوجيهات و فلتر الهواء مع ملاحظة ان فلتر الهواء بياثر جدا علي العربية اللي معاك لو مسدود فخلي بالك

السيور و طقم الكاتينة بتتغير كل 80 الف و خلي بالك عشان عفسة البوما بتحتاج صيانه بعد ال 80 الف و هي عبارة عن طقم جلب للمقصات و اتياش و بيض كله الحاجات دي قدام و بتكلف في التوكيل 1500 جنية بظبط الزوايا بالتركيب و لو جبت الحاجات من بره مش هتعيش اوي و هتفك كذا مرة

ربنا يباركلك فيها و يكفيك شرها و خلي بالك من صيانتها عشان متبهدلكشي