بالصور تنضيف الهوايات و الكاربون فايبر للكرستالة

[SASA3]

انا غيرت لمبة الولاعة والطفاية ياباشا والله انت راجل محترم
بس مشكورا انا نور الصالون بيعلق ممكن كيفية حل النور بتاع الصالون بالصور

الف مبرووك تغيير النور عقبال ما تغير نور العدادات

بس هو نور الصالون كان بيعلق برضه عند واحد صاحبى السبب كان الفيوزات كانت محؤوقه او مكانش محطوط كويس حاول تشيك على الفيوزات الاول

و بعدين فك اللمبة الصراحه اما معملتوش و مش متصور عندى بسش اعتقد هيكون سهل مجرب انك تشيل الباغة و تفك اللمبة علشان متكسرش لو فيه مسامير تتفك و شكراا على كده
و ممكن يكون فى صدأ هو بيخلى النور يعلق معاك

تحياتى

[abadawy]

ممكن حضرتك تقولى انزل الدركسيون ازاى علشان افك العدادات

[M.Nasr]

موضوع جميل وشغل ممتاز
شكلهم جميل يا باشا تسلم ايدك

[momo44]

ممكن حضرتك تقولى انزل الدركسيون ازاى علشان افك العدادات

فى دراع تحت الدركسيون
هتنزله لتحت هينزل معاك الدركسيون

[eng.ghost]

موضوع ممتاز بس عاوز اعرف فائدة الكربون ايه غير الشكل؟

[SASA3]

موضوع ممتاز بس عاوز اعرف فائدة الكربون ايه غير الشكل؟

بص ده موضوع كان على الكاربون فايبر بشكل عام شوفة كده و اى خدمة

http://www.nilemotors.net/Nile/298197-a.html

[eng.ghost]

رائع

[Dragon78]

ممكن مساعده

و الله انا كان نفسى اساعد بس مش فعلا امش عارف هى بتتفك ازاى بس معضم العربية كبس و مسامير فقط


و فعلا لسخونة الكونسول فى النص تجيب حتة فيبر حرارى الفضى ده نلزقها فى ارضية العربية كويس و بعدين نجيب العلبة بتاعت الفوم بتاع التلاجات و نصبه فى الكونسول بس العلبة دى بتستخدم كلها مرة واحده و تبوظ فلازم تخلص بسرعه و الزيادات نقطعها ب سكينة و شكراا على كده

معلش انا عندي المشكله بتاعت سخونة الكونسول دي .. وعربيتي بومه 2013 ياريت توضيح بلالصور والأدوات المطلوبه لعملية العزل دي . لو ماكانش في تعب على حضرتك

[Dragon78]

ممكن توضيح

انا بتكلم على لانسر بومة وقصدي على الفبرة اللي تحت الفتيس الاوتوماتيك اللي فيها حروف النقلات ونفس الموضوع في كولت كريستالة بتاعت واحد صاحبي فشلنا في فكها

بالنسبة للفبرة الكبيرة بتاعت الكونسول لو بتسخن مع المشي الكتير زي عندي انصحك تجيب علبة فوم عازل حراري من عند بتوع التلاجات والتكيف ولما تفكها املاها فوم من جوه

معلش ياباشا ياريت لو توضيح أكتر في الموضوع ده عشان انا كمان عندي في البومه بتاعتي كده

ياريت لو تعمل موضوع منفصل ويكون مدعم بالصور عشان انا ملاحظ ان في ناس كتير بتعاني من نفس المشكله

وشكرا مقدما

[mseldin63]

السلام عليكم و رحمة الله و بركاتة

كنت من كام يوم عند واحد بتاع اكسسوار عربيات و لقيت عنده بالصدفه الكاربون فايبر اللون الى انا كنت عاوزه فاخذت من 1/2 متر و قولت اما اضبط انا بقا العربيه بنفسى
و كنت عاوز اعمل كاربون على الهوايات و المنطقة بتاعت بكر التكييف فى النص و لقيت ان المنطقه بتاعت العدادات ممكن تتعمل كمان بالكاربون فايبر

فقولت اتكل على الله و ابدا افك حتة حتة كده (اول مرة كنت افك فيها اى حاجه من العربية )

نيجى لفك العدادات

و متنساش تنزل الدركسيون لتحت خالص علشان تاخد راحتك

الاول هنشيل المسمارين الى ماسكين الفبرة الى قدام العدادات من هنا و بعدها نسحب الفبرة بالراحة هتطلع معانا بسهولة

بعد ما فكينا الفبرة هتلاقى العدادات ممسوكة باربع مسامير فى الماكن الى عليها الدائرة الحمرا نفسكهم بسهولة و بالراحة و ياريت لو معاك wd-40 لو حاجه مش راضية تتفك
نمسك العدادات من الجوانب و نسحبها علينا و بالراحة برضه هتطلع

و اما نشيل العدادات هنلاقى وراهم المنظر ده و نخلى بالنا من الكلبسات الى فوق ده علشان متقعش

و اما فكيت العدادات قولت اما اغير النور بتعهم و فكيت لمبة بالقاعده بتاعتها (لف القاعده ربع لفه هتلاقيها فكت معاك بسهولة ) و دورت على زيها و كان اسمها لمبة من غير كعب و كانتوا 3 كبار و واحده وسط
الواحده كانت ب1.75 جنية
و ابقا شيك على كل اللمبات يمكن واحده محروقة او حاجه
و اماكنهم قدامك اهوه الى بالاحمر دول و فيه واحده مستخبية فوق شوية

و ديه الفبر بتاعت العدادات الى كنت ناوى اعملها كاربون فايبر برضه

و بمناسبة تغيير الانوار بتاعت العدادات كانت لمبة الولاعة مش شغالة قولت اما افكها و اشوفها
الاول نشيل الطفاية بسهولة و نسحب من نفس المكان ده الاول و بعدين من الناحية التانيه و من فوق هتطلع معانا بسهولة (لو عندك كاسيت يا ريت تشيل وشه قبل ما تبدا علشان ميتجرحش)

هتلاقى المنظر ده بعد ما تشيل الفبرة اكتشفت ان فيه لمبة للولاعه بس كانت محروقة
المهم لمبة الولاعه و لمبة الطفاية الى بالاحمر دول و بنفكهم برضه زى ما بنفك لمبات العدادات ربع لفه و يطلع معاك عادى خالص و هتلاقيهم عليهم غطاء اخضر كده ممكت تشيلة و تركبة للمبة الجديده لو عاوز النور يبقا اخضر الى فى الولاعه و الطفاية او متركبوش براحتك

و كده انتهينا من تغيير الانوار

نيجى بقا للفايبر كاربون

نيجى نفك الهوايات الى فى الجوانب تحط المفك مطرح ما انا حاطط و مفك تانى من تحت و بالراحة نضغط من فوق هتلاقيها طالعه معاها برضه بالراحة (معلش صورتها بعد ما كنت خلصت)

و اول ما نفكها و نطلعها نفك الوش فقط و نطلعه

باقى الهواية بعد ما شلنا منها الوش هتلاقى فيها كمية تراب و شحم مش معقولة الحل ايه علشان تنضفهم --> ازازة بنزين او بجنيه بنزين و كيس قطن ب 2.5 جنية و تقعد تمسح فيها لحد ما الشحوم و الاتربة الى فيها تروح و فى الرريش برضه هتلاقيها وسخة كده ننظفها بالبنزين و نسيبها يوم بره فى البلكونة او على الشباك علشان ريحة البنزين تروح

و بعدين نيجى للوش بقا و ياريت يكون معانا مسطرة و تاخد مقاساتك قبل ما تشتغل علشان تقطع صح

دول وش الهوايتين بعد ما ركبت عليهم الاكاربون فايبر

و نروح للباب و نفك لوحة الزجاج الكهرباء الاول نفك المسمار الى فى المقبض و بعدين نحط مفك تحت مكان السهم الى فى الجمب و نرفعها شوية و بعدين نسحبها لتحت شوية هتلاقيها طلعت و مربوطه بكلبس كهرباء ابيض هتلاقى له سنة طالعه شوية كده نضغط عليها و نطلع عادى زى اى فيشة كهرباء فى العربية

و نفس النظام فى الباب التانى

و ده هيكون الشكل النهائى للتابلوة

و يوم ما انا ركبت الحاجه ده قولت اما اركب بقا فرش للعربية بالمرة

و لو فيه اى استفسار انا موجود فى الخدمة قولوا انتوا بس

و معلش طولت عليكم

والله زى الفل ماشاء الله جميل جدا

[moody1987]

اولا موضوع رائع انا اول مرة اعرف ان الولاعة فيها نور واول ما شفت الموضوع نزلت وبصيت لقيت فعلا نور الولاعة محروق ونور الطفاية كمان
بس ده يخليني اطمع واسال ان كمان نور زراير التكيف والبكرة بتاعتة مش منورة هل ليها نور ولا لا ولو ليها ازاي اوصل ليها واغيرها طبعا دمي تقيل معلش

[whitevego]

تسلم ايدك يا باشا علي الشغل الجامد ده
بس يا تري بما اننا فكينا العدادات مكنش ممكن نغير اضاءة العدادات بالمرة ولا ايه
ولو ممكن يبقي ازاي ويا ريت زي ما عودتنا بالصور