بخصوص جنوط اللانسر الاسبور مقاس 15

[M.Al-Hefnawy]

النهارده روحت الحرفيين عشان ادور على الجنوط الاسبور مقاس 15 لاقيت عند واحد 4 فرد استعمال وقالي الفردة بـ 1000 جنيه.
المهم روحت عند ملك اللانسر لاقيت عندو جديد نفس الشكل 6 ريشة صيني وقالي الفرده بتعمل 600 جنيه. يعني الطقم بـ 2400 أيه رأيكم في الطقم الجديد هل هو عملي ويستحمل؟ وبيقولي ان اللي بينزل في العربية صيني الكلام ده صحيح؟

[M.Al-Hefnawy]

? !

[ahmedbasto]

ان كان الطقم فى التوكيل ب3000 جنيه

[prisoner]

الاسعار دى مبالغ فيها قوى هو سعر الاخير ده العادى بس للطقم النظيف مش الصينى ومش بعيد يكون كل اللى بينزل فى العربيات الجديدة صينى بس اكيد من النوع النظيف اللى تعتمد عليه شركة زى ميتسوبيشى والهدف تخفيض التكاليف تقبل مرورى

[M.Elgergawy]

اسعار مبالغ فيها فردة جنط ب 1000 ج ليه يعنى اجنط ب 4000 ج واجيب 4 فرد كاوتش 2000 ج يعني 6000 ج ليـــــــــــــــــــــــــــــــــــــــــه ؟؟؟؟؟؟؟

[Seifmando]

سألت مرة واحد على الاربع فرد الصينى قاللى كلهم ب 1500 جنيه أول كلام من غير فصال يعنى

[eldell]

بالسعر الى حضرتك بتقول عليه ده 4000 او 2400 سعر تجيب بيه طقم جنوط ملهوش حل ومش مهم بتوع اللانسر

[M.Al-Hefnawy]

الحمد لله جبت 4 جنوط 15 ياباني استيراد بـ 1300 جنيه من طنطا. وجبت فردتين كاوتش بردجستون توارنزا الفردة بـ 680 جنيه ان شاء الله هابقى احط الصور بعد التركيب.

[sonystar]

الحمد لله جبت 4 جنوط 15 ياباني استيراد بـ 1300 جنيه من طنطا. وجبت فردتين كاوتش بردجستون توارنزا الفردة بـ 680 جنيه ان شاء الله هابقى احط الصور بعد التركيب.

ياريت نشوف صور للجنوط

[Dawns_Mist]

تعالى عندنا في طنطا يا باشا و هتلاقي الياباني الأصلي عمره ما هيزيد عن 1500 و بيكون بحالة الزيرو و بيلمع .. و ممكن تجيبه كمان مع طقم كاوتش استعمال بس استعمال نضيف و يعيش معاك و عمره ما هيزيد عن2000 جنيه و الأسعار دي ثقة عن تجارب ... و تشرفنا في طنطا في أي وقت من غير مجامله والله و نتغدى سوى كمان و نلف و تشوف كل حاجة بنفسك ... عندنا في طنطا الجنوط و الكاوتش جديد كان أو مستعمل أحسن و أرخص من القاهرة كتير .. و ليا اصحابي من القاهرة بينزلوا هنا علشان يجنوطا عربياتهم .. و فيه كمان حاجات أحلى من الأصلي و بأسعار أقل ... بس سيبك انت من الراجل اللي بيقولك 4000 و 2500 ده أي كلام .

[salah_86]

اشتريهم منين من طنطا انا من المنوفية و عاوز اجيب ال 4 جنوط 15 بس انا عربيتى نازلة جنط 14 دا فى مشكلة ولا تركب عادى؟

[prisoner]

الحمد لله جبت 4 جنوط 15 ياباني استيراد بـ 1300 جنيه من طنطا. وجبت فردتين كاوتش بردجستون توارنزا الفردة بـ 680 جنيه ان شاء الله هابقى احط الصور بعد التركيب.

الف مبروك ربنا يباركلك فيهم ويكفيك شرها بس الاهم بقى كشفت عليهم فى الترصيص علشان العوجات والرفة ان شاء الله يكونوا كويسين والسعر ماشاء الله حلو ومنتظرين الصور

[prisoner]

اشتريهم منين من طنطا انا من المنوفية و عاوز اجيب ال 4 جنوط 15 بس انا عربيتى نازلة جنط 14 دا فى مشكلة ولا تركب عادى؟

عادى جدا انت ممكن تجنط لغاية 16 كمان بس البروفيل بتاع الكاوتش على الارض هايكون صغير قوى وده لا يحبذ فى بلدنا الحبيبة رغم انه فى المقابل هايديلك ثبات رائع وملحوظ جدا بس لا اعتقد من 14 ل15 هاتحس كتيير بفرق الثبات تحياتى

[M.Al-Hefnawy]

اشتريهم منين من طنطا انا من المنوفية و عاوز اجيب ال 4 جنوط 15 بس انا عربيتى نازلة جنط 14 دا فى مشكلة ولا تركب عادى؟

جبتهم من عند "البهي" الشونة بتاعت السريع وانت ماشي على الطريق الزراعي بعد كوبري المحلة بشوية. وعلى فكرة عندو جنوط 14 عليها علامة لانسر

[prisoner]

Tire size calculator

الموقع ده يظبطلك المقاسات بحيث تكون قريبة من الصفر او الرقمين قريبن من بعض ادخل وشوف هاتفهمها موجودة فى اخر الصفحة من تحت