اقتراح مقابله يوم السبت الموافق 5-11-2011

[FunnyMickey]

السلام عليكم ياشعب ميتسوبيشي الكرام
عشتم زخرا للوطن
بعد التحيه والسلام والذي منه
شاف ناس عماله تسأل علي مقابله مقابله
قلت مبدهاش بقي
وجت في دماغي فكره حبيت اعرضها عليكم

ان شاء الله العيد يوم 6-11
اليوم اللي قبله حتكون وقفه عرفه
واغلبنا بيكون اليوم ده صايم
لحديث رسول الله صل الله عليه وسلم
عن أبي قتادة الأنصاري أن رسول الله سئل عن صوم يوم عرفة ، قال : ( يكفر السنة الماضية والسنة القابلة ) أخرجه مسلم

انا فكرت اننا نتقابل اليوم ده علي الساعه 4 العصر
بعد صلاه العصر مباشره
نتصور ونشوف العربيات واحدث ما توصلنا اليه في الابتكارات
ونروح للمكان المحدد الافطار فيه ان شاء الله
وبعد الفطار لو فيه قعده ممكن نقعدها ناخد فيها شاي
او نختار قهوه

المكان المحدد والمقترح مني للافطار
1- مطعم حسني للمأكولات البحريه والمشويات
وده قدام السراج مول
ممكن تكلفه الاكل للفرد الواحد علي حسب راحته بس انا بروح بطلب ربع كفته بيدخل في حدود 40 - 50 جنيه بالكتير

2- ممكن اظبط مع كريم منير يشوفلنا نادي المقاولون اللي بتتعمل فيه مقابله المنتدي وافطار رمضان كل سنه

3- سامع ان الجيش ظبط دار المشاه جامد جدا وبقي حلو اوي
ودار المشاه ده عند كوبير الفنجري بالقرب من قاعه المؤتمرات
الميزه فيه انه جمبه صاله بولينج وبلياردو عشان لو حد بيفكر يهضم
:)

4- اي مكان اخر يقترحه الاعضاء

ده اقتراحي ومش عارف اراء الناس ايه
بس عاوزين النهائي يوم 1 -11
عشان الاماكن كلها عاوزه حجز وتوضيب

اقتراح :
ان شاء الله قبل صلاه المغرب في الافطار سيتم الدعاء وقراءه بعض القرءان ترحما علي روح زميلنا في المنتدي باسم سعيد اللي توفي قريب
وانا لقيت بردو ان ده سبب ادعي اننا نتقابل
ونعمله حاجه تنفعه في المكان اللي هوا فيه دلوقتي
فأرجو من الاعضاء ان شاء الله احضار مصحف معاهم

* سيكون موجود في المقابله ان شاء الله ستيكر المنتدي بلوجو ميتسوبيشي وتيشيرتات المنتدي لو حد عاوز منهم

سعر التي شيرت 50 جنيه
سعر الاستيكر الرئيسي والفرعي 50 جنيه

[mohammedabdallh]

صبحى باشا يشرفنى اكون اوحد واحد ارد عليك
طبعا انا جاى علشان اشوف الناس الحلوه دى
الى واحشنا
بس ياريت تقدم المقابله وتخليها السبت الى جاى 23/10
علشان الاسبوع الى قبل العيد مش فاضى خالص
واهم شى المكان يكون قريب لكل الناس علشان الناس الى مكانهم بعيد زى حلاتى ويكون قريب من الدائرى او الكورنيش

[SASA3]

و الله نفسى اكون معاكم و اجى بس نعمل ايه انا من المنصورة

مفيش مرة كده تحولوا و تيجوا المنصورة دا انتوا تنوروا و الله :):)

[mohammedabdallh]

و الله نفسى اكون معاكم و اجى بس نعمل ايه انا من المنصورة

مفيش مرة كده تحولوا و تيجوا المنصورة دا انتوا تنوروا و الله :):)

طب ما انا من المنوفيه فرقت ايه بقا من المنصورة الى المنوفيه نصف ساعه زياده من على الزراعى يا عم كفايه الى احنا نشوف بعض والمقابله مش كل يوم دى كل فتره
ظبط بس كدا ونتقابل انا وانت ونرو ح سوا استناك فى قويسا او كوبرى بنها

[devilishtigers]

والله يا صبحي ما اقدرش اوعدك علشان حوار الجيش
والله لو انا ساعتها نزلت يبقى راشق
محصلش نصيب يبقى تتعوض مرة تانية

[sonystar]

بسم الله الرحمن الرحيم
اولا :احب اشكر صبحى على مجهودة تجاة الاصدقاء

ثانيا : الله يرحم باسم سعيد فى الجنة ان شاء الله قلوبنا ملئ بالحزن بعد فراقة

ثالثا : بستاذن صبحى وبعتذر عن عدم اقدامى الى المقابلة لانى بكون مشغول جدا

وبعتذر الى الاصدقاء

[mohammedabdallh]

ايه ده كدا الناس كلها مش جايه ولا ايه

[M.Elgergawy]

معنديش مانع بس نخليها بعد الفطار عشان اليوم دا كل سنة انا واخواتي بنفطر مع الحاجة في بيت والدي الله يرحمه وممكن نخلي مكان المقابلة في مدينة الرحاب وانا هجهزلكوا مكان تمام