شبكه لانسر بومه

[eldell]

السلام عليكم

انهارده عملت حادثه والحمد لله انها جت على قد كده المهم ان الشبكه الى قدام باظت خالص سالت عليها لقيت الصينى 150 جنيه واليبانى بتاعتها 400 جنيه فقولت كده كده كنت عايز اجيب شبكه اسبور فياريت لو حد يعرف اجبها منين علشان عايزها ضرورى وشكرا ليكم

[nice_bird]

اسال في الحرفيين ممكن يعملوهالك وتبقي شبكة اسبور ع كيفك

او شوف محمد عثمان بتاع جو اكسيسوريز

https://www.facebook.com/groups/5125742449/

[eldell]

اسال في الحرفيين ممكن يعملوهالك وتبقي شبكة اسبور ع كيفك

او شوف محمد عثمان بتاع جو اكسيسوريز
https://www.facebook.com/groups/5125742449/

طيب ياكبير متعرفش حد فى الحرفيين كويس ولو عملتها تخلص فى اد ايه مثلا

[eldell]

ايه يارجاله محدش عدل شبكه قبل كده

[أبو إياد]

قدر الله وماشاء فعل والحمد لله انها بسيطه وانك بخير . بالنسبه للشبكه عندك 3 حلول

1- تصليح القديمه
2- صينى جديده 120ج فى الحرفيين
2- تعملها عند بتاع الفايبر وفى الحاله دى اعتقد انك تاخد القديمه وهو يفرغها ويركب ليها شبك

[eldell]

قدر الله وماشاء فعل والحمد لله انها بسيطه وانك بخير . بالنسبه للشبكه عندك 3 حلول

1- تصليح القديمه
2- صينى جديده 120ج فى الحرفيين
2- تعملها عند بتاع الفايبر وفى الحاله دى اعتقد انك تاخد القديمه وهو يفرغها ويركب ليها شبك

الف شكر لييييك ياابو اياااااد وان شاء الله هنزل بكره الحرفيين واشوف الدنيا هنااااااك

[prisoner]

الف حمد الله على سلامتك اولا
لو الفريم بتاع الشبكة سليم او حتى فيه حتة ممكن تتلحم اعمله عند بتاع الفتيبر يفرغلك الباقى وتحط سلك وتدهنة اسود او على حسب لون العربية ويبقى انت عملتوا سبور ومجبتش شبكة جديدة تقبل مرورى

[eldell]

الف حمد الله على سلامتك اولا
لو الفريم بتاع الشبكة سليم او حتى فيه حتة ممكن تتلحم اعمله عند بتاع الفتيبر يفرغلك الباقى وتحط سلك وتدهنة اسود او على حسب لون العربية ويبقى انت عملتوا سبور ومجبتش شبكة جديدة تقبل مرورى

شكرا لردك ياكبير بس انا كنت عايز الى كلها فايبر مش فيها سلك خالص بتبقى مسطره كلها

[salah_86]

باشا انا من رائيى انك تصلح القديمة افضل

[eldell]

باشا انا من رائيى انك تصلح القديمة افضل

تسلم ياصلاح باشا على ردك وهو ده باين انى هعمله بس هى الهويات بتتباع لوحدها والا مع الشبكه

[SASA3]

كان فيه شبك سبور معمول من الحديد بتاع الستاير الكبس و ملحوم عليه الشبكة او السلك و مرشوش مط و عليه علامة لانسر كان تحفه

على العموم ربنا يوفقك

و لو انت لو هتروح عند واحد بتاع فيبر هتلاقى الى انت عاوزه عنده الهوايات و الريش و الكلام من ده و الف حمد لله على سلامتك و قدر الله و ما شاء فعل

[prisoner]

شكرا لردك ياكبير بس انا كنت عايز الى كلها فايبر مش فيها سلك خالص بتبقى مسطره كلها

العفو تحت امرك ولو انت عايزها كلها فايبر بصراحة انا شفتها قبل كده وهمية بس للاسف مش هاقدر افيدك على السعر ممكن تسال بتوع الفايبر

[salah_86]

بص ياباشا معنديش معلومة اقدر افيدك بيها والله بس اصل انا مرة كنت راكن العربية ونزلت لقيت الشبكة داخل فيها تريسكل بضهرة فالناحية الشمال عندى كانت متكسرة خالص اخدتها ورحت لواحد بتاع فيبر لحمها بلحام اسود ومش باينة خالص بس طبعا اللى دوخنى الكلبسات بتاعتها لانها اتكسرت خالص ونزلت جبتهم استيراد الواحد ب عشرة جنية بالعافية وعموما الحمد لله اصلا انه مجاش ناحية الكبود

[eldell]

كان فيه شبك سبور معمول من الحديد بتاع الستاير الكبس و ملحوم عليه الشبكة او السلك و مرشوش مط و عليه علامة لانسر كان تحفه

على العموم ربنا يوفقك

و لو انت لو هتروح عند واحد بتاع فيبر هتلاقى الى انت عاوزه عنده الهوايات و الريش و الكلام من ده و الف حمد لله على سلامتك و قدر الله و ما شاء فعل

طيب ممكن تقولى شفتها فيييين وانا اروح اسال هناك والف شكر لحضرتك

[أبو إياد]

بص ياباشا معنديش معلومة اقدر افيدك بيها والله بس اصل انا مرة كنت راكن العربية ونزلت لقيت الشبكة داخل فيها تريسكل بضهرة فالناحية الشمال عندى كانت متكسرة خالص اخدتها ورحت لواحد بتاع فيبر لحمها بلحام اسود ومش باينة خالص بس طبعا اللى دوخنى الكلبسات بتاعتها لانها اتكسرت خالص ونزلت جبتهم استيراد الواحد ب عشرة جنية بالعافية وعموما الحمد لله اصلا انه مجاش ناحية الكبود

ثمن الكليبس بتاعها دلوقتى وصل لجنيه واحد فقط عند بتوع الاكسسوارات