مشكلة حصلت واتحلت بالشفط

[salah_86]

انهاردة كنت قاعد مع اصحابى على كافية واحنا قايمين نروح واحد صاحبى زق واحد صاحبى تانى على عربيتى واللى اتزق دا خبط بكوعه فى الحته فى الرفرف اليمين اللى ورا لو فى الرفرف الشمال تبقى فوق تنك البنزين كدا فدخلت لجوة وسمعت صوت طقة طبعا اخدت العربية وجريت على السمكرى اللى بتعامل معاه ومرضيتش اسمع كلام اصحابى واخل ايدى من الشنطة واعدلها بايدى خفت تعلم مكان ايدى والعربية فابريكة برة وجوة
المهم السمكرى عملها على جهاز الشفط ورجعت زى الاول من غير اى تجعيد او دقة شاكوش
بس المفاجأة الباشا طلب 200 جنية وبالعافية اخد 150 جنية
انضحك عليا ولا ايه ؟

[SASA3]

الصراحة انا مجربتش الاجهزة دى بس يااااااااما عدلت العربية بايدى من جوه و زى الفل لا بتعلم ولا حاجه

بس حافظ عليها و هات صاحبك ده دفعة الـ200 جنيه :))

[salah_86]

المشكلة انه انتيمى وهما الاتنين كانوا بيزقوا بيعض معيلة اخر حاجة يعنى

[SASA3]

خير ان شاء الله و الحمد لله انها جت على قد خبطة بسيطة

بس الشفاط ده بيشتغل ازاى يعنى ضغط هوا ولا ازااااى؟

[salah_86]

هيا طبة جلد متثبتة فى عمود حديد بيدوس على زرار بيشفط الحتة المعوجة بس

[SASA3]

معلش بقا معرفش اصل السمكرى الى شغال معاه متبع اسلوب الـold school شاكوش و اجنة :)

[M!SHO]

نفس المشكله كانت ومازالت عندى

تقريباً نفس الخبطه بس فى أول الرفرف من الباب وواحد صاحبى ردها بأيده بس لسه باينه

لو العربيه واقفه تحت النور بتبقى باينه أوى

جهاز الشفط ينفع معاها ؟؟

[salah_86]

ممهو انا علشان كدا خفت اردها بايدى وربنا يعوض عليا بقى فى ال150 جنية