الفتحات دى لازمتها اية

[dedo000]

انا معايا لانسر 2007 1600 اتوماتيك
فى تحت الدركسيون على اليمين كدة فى التابلوة فتحات عاملة زى هواية دى لازمتها اية !!!

[IronHead]

انا عندى فتحة زيها فى الشارك على يمين الكونتاكت, تقريبا ده حساس الحراره اللى على اساسه التكييف بيسنس درجة الحرارة الداخلية ويفصل او يشتغل لما درجة الحرارة تتوصل لحد معين

[SASA3]

كان واحد قالى قبل كده ان دى السماعه الى بتزن اما تفتح الباب او اما النور بيكون لسه شغال و ال120 و كده يعنى

و الله اعلم باقى الاعضاء ان شاء الله يفيدوكم

[M_Marwan]

فعلا ده حساس الحراره داخل العربيه

[ahmed_bq]

انا معايا لانسر 2007 1600 اتوماتيك
فى تحت الدركسيون على اليمين كدة فى التابلوة فتحات عاملة زى هواية دى لازمتها اية !!!

هوا فيه فتحه صفيره كده جنب الدركسيون وجنب الكونتاكت تحديدا .. ودي مش تهويه دي بتاعت السماعه اللي بتضرب زي جرس لما تفتح الباب ولو نسيت النور وعند سرعة 120 والكلام ده ... فيه فتحات تانيه تقصدها؟ وياريت لو تصورهالنا عشان نفهم تقصد ايه

[szaalouk]

متابع .....

[mshmshsalah]

سعر الاسكاترا فى الانسر القرش

انا معايا لانسر شارك 2008 اسود ممتازه معادا مشكله فى الاسكاترا دقدقه فى المطبات مش من المساعد
اتقالى الاسكاترا عايزه حشوه او تتغير

ممكن حد يفيدنى فى سعر الاسكاترا الكهربا فى لانسر القرش كام فى التوكيل وكام بره ولو استيراد تعمل كام

[Youssef.Awad]

متابع باهتمام
عندى فى الصنى

[HeMa_LanCeR]

دي فعلا فتحة حساس الحراره الخاص بالتكييف

[minicooper20]

غلبا دى بيتاعت الحراره

[mazagngi2010]

الفتحه دى احتار فيها الاطبا مفيش جواب نهائى لانى قربت منها مره علشان اسمع الجرس حسيت ان الصوت مش طالع منها

[ahmed_bq]

الفتحه دى احتار فيها الاطبا مفيش جواب نهائى لانى قربت منها مره علشان اسمع الجرس حسيت ان الصوت مش طالع منها

هههههههههههههههههههه والله حراره ولا سماعه هيا عموما مش حكايه .. ومش وحشه يعني :)

[HeMa_LanCeR]

انا بأكد انها بتاعت الحراره
وعلي فكره الجرس بيبقي فوق الكونتاكت علي طول
ومالوش فتحة يطلع منها الصوت

[M.Nasr]

لو فيه حساس للحرارة يبقى هايكون فى العربيات اللى نازلة بخاصية تحديد حرارة التكييف وده مش موجود فى البوما.
الكمبريسور بتاع التكييف فى البومة بيشتغل ويفصل بانتظام بغض النظر عن الحرارة الداخلية فى الصالون
من وجهة نظرى المتواضعة ان الفتحات دى مش لقياس الحرارة
ومتابع معاكم عشان انا كمان عايز اعرف الفتحات دى بتاعت ايه

[M_Marwan]

يا جماعه دى بتاعه الحراره أكيييييييد

مرسومه عندى فى كتالوج الشارك ومكتوب عليها حساس لدرجه الحراره