مركز خدمة ميتسوبيشى ضرورى جداااااااا

[feedodeedo]

اتفقت على شراء عربية ميتسوبشى كولت 2001 و عملت كشف عليها
المهم انى عايز اعمل صيانة كاملة للسيارة زى ما بيقولوا كدا طقم service
بس بصراحة التوكيل اسعاره نار يا حبيبى نار :)

لو فى اى حد بيتعامل مع مركز صيانة و مستريح معاه يا ريت يساعدنى

انا ساكن فى الهرم بس مفيش مشكلة انى اروح اى مكان لو مضمون
و يبقى الخدمة الاكبر لو رقم تليفون عشان ابقى متأكد انه شغال فى كولت

اخر حاجة و معلش استحملونى اول تجاربى مع السيارات
لو تعرف اسعار الصيانة تتكلف كام تقريبا
سيور و زيوت و بوجيهات و الفلاتر
و اية تانى يتغير مع الحاجات دى فى الصيانة ؟؟؟

شكرا مقدما

[nice_bird]

هوا الموتور بتاع العربية كام سي سي الاصلي ال 1300 ولا متسقطلها موتور

[feedodeedo]

متسقط لها موتور 1600
بس عرفت منين :]

[prisoner]

مبروك على العربية ربنا يباركلك فيها ويكفيك شرها الكولت من العربيات الجميلة جدا وفى الاغلب الناس بيسقطوا ليها مواتير وبتقبل مواتير جبارة انا شفت عليها مكنة 6 سلندر 2000 سى سى حاجة تفوق الوهم بكتيير وصوتها جبار مع الديفيل وتعديلات العفشة والفرامل وعموما هية عربية حكاية بالنسبة للصيانات متقلقش السيور مش غاليه يعنى كاتينة فى حدود 100 جنيه ده سير وباور ودينامو فى حدود 80 الاثنين وفلاتر وكده اعتقد كله على بعضه مش هايعدى ال400 جنيه وبوجيهات وكده وربنا يكرمك تحياتى

[feedodeedo]

الله يبارك فيك :)
هو برضه صاحبها مظبط فيها العفشة و شكمان
الحمد لله ريحيتنى كنت خايف الموضوع يبقى اكتر من كدا
شكرا لييك يا باشا
بس ترشحلى مكان معين اتعامل معاه ؟؟

[prisoner]

الله يبارك فيك :)
هو برضه صاحبها مظبط فيها العفشة و شكمان
الحمد لله ريحيتنى كنت خايف الموضوع يبقى اكتر من كدا
شكرا لييك يا باشا
بس ترشحلى مكان معين اتعامل معاه ؟؟

فيه اعلان هنا هوة فى الهرم وسامع عنه خير ماتشوف كده وروح واسال الاول على الاسعار قبل ماتعمل حاجة مش هاتخسر حاجة يعنى اسمه توب جير تقريبا

[nice_bird]

متسقط لها موتور 1600
بس عرفت منين :]

هيا العربية دي الي معروضة ع كونتاكت كارز ولونها اسود

[feedodeedo]

شكرا لييك جدا فعلا شفت الاعلان توب جير
تعبتك معايا يا باشا

بالنسبة للعربية لا مش موجودة على موقع
هو زميل ليا و عرضها للبيع و لونها سماوى :)

[nice_bird]

ربنا يباركلك فيها يا باشا ويكفيك شرها

[feedodeedo]

ربنا يباركلك فيها يا باشا ويكفيك شرها

الله يبارك فيك يا باشا
شكراا ليك

[nice_bird]

هوا صح يا باشا حالتها ايه وسعرها كام لاني كنت بدور علي واحدة وعايز اعرف رينج الاسعار

[feedodeedo]

هوا صح يا باشا حالتها ايه وسعرها كام لاني كنت بدور علي واحدة وعايز اعرف رينج الاسعار

دواخل فابريكا ,, رشه بره ماعدا سقف و كابوت
126000 كم
الحالة العامة جيدة , بمعنى انى مش هاعمل حاجة اكتر من اللى قلت عليه فوق
مجرد طقم service

هى محتاجة رش بره تانية عشان تاخد احساس العربية الجديدة :]
السعر فى مرحلة التفاوض بس احنا متفقين فى رينج 45 الى 47