للاهمية بومة 2012

[Eng_ahmmad]

السلام عليكم
انا كنت عايز اشتري لانسر بومه سوبر اكشن2012 و عايز اعرف رايكم فيها ايه ؟
وهل هي موجوده دلوقتي ولا ايه ؟

[nice_bird]

شوف دا ممكن يفيدك

http://www.nilemotors.net/Nile/252891-a.html

[M.Al-Hefnawy]

اللانسر عموما عربية كويسة جدا وحمالة قسية السوبر أكشن يتهيألي سعرها هيكون في حدود 130 ألف

[szaalouk]

لو العربيه عاجباك توكل علي الله و هاتها و ماتسمعش للي ممكن يقولوا دي تكنولوجيا قديمه و الكلام ده .
انا العربيه معايا من 2005 من الزيرو و بسم الله ماشاء الله لا يمكن اقول عنها غير انها بنت ناس و اصيله و حماله اسيه و عمرها ما تقول لأ ابدا .

[IronHead]

البومة اساسا لما نزلت كانت تكنولوجيا سابقه عصرها, عفشة مالتيلينك وفتيس cvt و ايموبيليزر
لحد دلوقتى اساسا نيسان وتويوتا معتمدين على نظام العفشة torsion beam
البومة من اول 2010 اساسا غيرو الفتيس وخلوه ستبترونك, والعدادات غيروها برضو
بس يعيب البومة ان مذودلوهاش اي ابشنز دلع زى مالتيفنكشن, حساسات ضوء ومطر وكده
بس برضه تظل الشارك متفوقة عليها بفرق بس طبعا اعلى فالسعر بكتير

[bassem_sams]

البومة اساسا لما نزلت كانت تكنولوجيا سابقه عصرها, عفشة مالتيلينك وفتيس cvt و ايموبيليزر
لحد دلوقتى اساسا نيسان وتويوتا معتمدين على نظام العفشة torsion beam
البومة من اول 2010 اساسا غيرو الفتيس وخلوه ستبترونك, والعدادات غيروها برضو
بس يعيب البومة ان مذودلوهاش اي ابشنز دلع زى مالتيفنكشن, حساسات ضوء ومطر وكده
بس برضه تظل الشارك متفوقة عليها بفرق بس طبعا اعلى فالسعر بكتير

كلام جميل ومظبوط و انا موافقك عليه و كمان انا لم قريته انبسطت

[IronHead]

كلام جميل ومظبوط و انا موافقك عليه و كمان انا لم قريته انبسطت

يا ريس ميتسوبيشى متطوره فى التكنولوجيا
عندك مثلا الcvt موجود فى البومة من 2004 تقريبا, مافيش حد عمل فيتيس بتكنولوجيا الcvt محترم غير الهوندا بدايه من 2008 او 2007 مش فاكر بالضبط,
حتى vw لما حبو يعملو فتيس بنفس التكنولوجيا فى ال compact sedan عملو ال dsg فى 2008 تقريبا بس كله مشاكل وناس كتير فى قسم فولكس بتشتكى منه وغيروه قبل 50000, نفس القصة فى البيجو الجديد عملة فتيس بنفس التكنولوجيا وفى مشاكل

[bassem_sams]

معلومه جديده بصراحه متيسوبيشى حلوة و اداؤه جميل و عفشتها حلوه و تصميم خارجى بيعملوة حلوة زى بومه و شارك لكن انا بصراحه مبثقش غير فيهم و عيوبهم بنسبالى حاجتين صاج فى اماكن زى رفارف و اكصدام ضعيف او خفيف و فرامل احيانا بتزحف ياريت يغيروه ويخلوا خلفى سكينه بس فى مواقف معينه تقريبا لما تكون سرعه تحت 60 بتهدى مش بتقف انما على سرعات عاليه اداؤه مرضى

[bebo_mody_244]

اتوكل ع الله وهات العربيه الصراحه الانسر اذا كانت شارك او بومه عربيات ملهاش حل اصل انا كان عندى بومه 2005 قبل ما اجيب الشارك2008 بس هغير واجيب شارك 2011

[Ahmed_selmy]

يعنى يا جدعان سؤال لانسر ولا تيدا؟؟؟
ارجو الافاده لشدة الحيره