العربية ناشفة جدا

[ahmedfra]

العربية : لانسر 2007
العداد : 88000 كم
لسة شاريها من ايام . معلومة اضافية كاوتش العربية كما يلى :
الأمامى كومهو فيتنامى
الخلفى بتاعها الأصلى ناشف و مشقق شوية .
المشكلة بقة : لما جربت العربية و سواقتها قبل الشراء كانت نعومتها معقولة و الدريكسيون تقيل شوية . و من يومين كشفت على الهواء وجدت الكاوتش كله 20 . فظبطه 30 و سبحان مغير الأحوال الدريكسيون بقة ناعم و خفيف . و العربية ناشفة و مقددة و بترزع . بصيت تانى على الهواء بمقاس معايا وجدت 32 فظبته 30 و جربت برده مافيش فايدة ظبته 28 متغيرش كتير . العربية ناشفة و مقددة مش عارف ليه ؟؟؟؟
يا ترى ممكن يكون ايه السبب ؟؟؟؟

[nice_bird]

+111111 متابع

[mido51eg]

حضرتك ماشكتش في المقياس بتاعك اساساً ؟

[ahmedfra]

لأ دا مقاس ديجيتال محترم من راديو شاك .
و هو مطابق لنفس قياس اى مكان بتاع كاوتش محترم

[mido51eg]

طيب مفيش غير اني اقولك راجع على العفشة.

[nice_bird]

طيب مفيش غير اني اقولك راجع على العفشة.

ايوه بس ايه اللي في العفشة بيسبب النشوفية بالرغم ان الزوايا وكل حاجة مظبوطة

[ahmedfra]

و انا بشترى العربية كشفت على العفشة و قيل ليه ان الأتياش عاوزة تتغير .
لكن اعتقد ان ده ملوش دعوة بالنشفية الجامدة دى

[mido51eg]

ممكن المساعدين نفسها تكون مساعدين رياضية وبكده هتبقى ناشفة. وممكن الأطارات نفسها ناشفة

[IronHead]

اسأل اللى اشتريت منه العربية الكاوتش ده بقالة اد ايه بأمانة
لو افترضنا ان كاوتش الفابريكة اتغير على 40000 (العمر الافتراضى للكاوتش) معنى كدة ان الكاوتش دة ماشى بيه اكتر من 40000 فطبعا ساعتها هتحس بأحلى ترزيع فى العفشة. مع اعتبار ان كومو دة درجة ثانية مش زى الكونتيننتال و الميشلان و البيريلى و البريدجستون اليابانى
نشفية العفشة عموما اسبابها على ما اتذكر:
1- علبة الدريكسيون وحشة
2- جلب المقصات مهرية
3- بطاحات المساعدين تعبانة
4- كاوتش عدى عمره الافتراضى (6 سنين او 40000)
5- ضغط الهواء فى الكاوتش زايد عن الحد الطبيعى

[nice_bird]

اسأل اللى اشتريت منه العربية الكاوتش ده بقالة اد ايه بأمانة
لو افترضنا ان كاوتش الفابريكة اتغير على 40000 (العمر الافتراضى للكاوتش) معنى كدة ان الكاوتش دة ماشى بيه اكتر من 40000 فطبعا ساعتها هتحس بأحلى ترزيع فى العفشة. مع اعتبار ان كومو دة درجة ثانية مش زى الكونتيننتال و الميشلان و البيريلى و البريدجستون اليابانى
نشفية العفشة عموما اسبابها على ما اتذكر:
1- علبة الدريكسيون وحشة
2- جلب المقصات مهرية
3- بطاحات المساعدين تعبانة
4- كاوتش عدى عمره الافتراضى (6 سنين او 40000)
5- ضغط الهواء فى الكاوتش زايد عن الحد الطبيعى

ِشكرا ع الرد
هو انا كشفت ع العفشة من فترة كانت جلب المقصات سليمة كدا ممكن تكون البطاحات هشوف بتاع العفشة يبصلي عليهم وكنت عايز اعرف تمنهم كام ونوعهم ايه

[M.Al-Hefnawy]

لو العربية رياضية العفشة بتاعتها بتكون ناشفة شوية.
بردو الكاوتش ممكن يكون ناشف شوية غير بتاعها الأصلي.
أنا جبت الفردتين بردجستون تورانزا Gr90 بـ 680 جنيه للفرده بس حاسس بردو بفرق عن الكاوتش القديم الأصلي بردو.

[Haitham10]

لو دي اول مرة حضرتك تركب لانسر .. اعتقد دة احساس طبيعي نوعا ما
ولو عربيه حضرتك 1600 هتلاقيها رياضيه وناشفه فعلا

لو كل دة زايد عن الحد راجع علي المساعدين والمقصات عندك