محتاج المساعدة والرأى

[salah_86]

عندنا حفر فى شارعنا اليومين دول ومش هينفع اركن عربيتى فى الشارع وعلشان القلق اللى فى البلد اليومين دول وديتها جراجخاص بواحد صاحبى مقفول عليها وبركنها فيه ورا عربية صاحبى وتقريبا كدا مش هدورها غير كل يوم جمعه بعد الصلاة خمس دقايق كدا وهيا واقفة بس مش هحركها تقريبا لمدة شهر او شهرين
فى قلق كدا ؟ او فى حاجات المفروض اعملها

[M.Al-Hefnawy]

هي المفروض على الأقل كل 3 أيام تدورها 10 دقائق عشان البطارية. الحاجة التانية شهرين فترة طويلة إنك تسيب العربية واقفة بدون حركة عشان الكاوتش هيتاثر برطوبة الأرض وممكن يشقق.

[mohammedabdallh]

حاول تحركها ولو حركه بسيطه
ووقفها على فلين(( الابيض الى بيجى داخل اى جهاز جديد زى التلفزيون )) على شان الرطوبه متاثرشى على الكاوتش
عادى انت ممكن تدورها كل اسبوع بس تسيبها على الاقل 10دقائق دايره

[bassem_sams]

1-بالنسه للمكان حلو جراج انه مقفول و مفهوش شمس و هيبقى بعيد عن اى حاجه فالعربيه هتكون زى ماهيه
2-كل ثلاثه ايام او 4 بالكتير تدور عربيه 10 دقائق

3-كاوتش مصنوع من مطاط و تراب و حرارة بييأثروا عليه بالنسبه لداخل كاوتش يبفضل تملأة بالنيتروجين و ليس الهواء حيث لا يتأثر بالحرارة و اهم ان نيتروجين خالى من هواء فميحصل تشقق داخلى للكاوتش و ياريت لو تملأه زياده لأن مع ركنه هيريح فتيجى تلأقيه منفوخ مش نايم نيجى للخارج انا مش عارف ماده اللى محلات كاوتشات بترشها علشان تحافظ على كاوتش من خارج مش فاكر بالظبط لكن هديك تخمينات فازلين او بودرة اطفال او فى سبراى للكاوتش بيلمعه و يحميه و يطريه رشه اكيد هيبقى مفيد و متنساش بردوا اقتراح استاذ محمد ووقفها على فلين(( الابيض الى بيجى داخل اى جهاز جديد زى التلفزيون )) على شان الرطوبه متاثرشى على الكاوتش

4-لو يقدر كل شهر او كل اسبوعين يشغل زرار الزجاج و تكييف و كاسيت علشان تراب ميلمش حواليها
او تخلى اى حد ينظفها لما تترب من جوة هو مش مهم لما عربيه تبتدى تشتغل تروح بنزينيه تتنظف حلو
افتكر كده تمام

[bassem_sams]

خذ موضوع ده منقول علشان تبقى معلومات كامله
تخزين ( ركن ) السيارة دون استعمال

نحتاج أحياناً بسبب السفر لمدة طويلة مثلاً أو لأى سبب آخر إلى تخزين السيارة ركنها دون استعمال .
ولما كان ترك السيارة دون استعمال لمدة طويلة يؤدى إلى تلف بعض الأجزاء كالبطارية لأنها لا يتم شحنها دورياً كما هو الحال فى حالة الاستخدام اليومى حيث يقوم المولد ( الدينامو ) بعملية الشحن الدورى المطلوب , كما قد تؤثر عوامل الجو على أجزاء السيارة المتحركة , فالرطوبة تصيب الأجزاء غير المحمية بالصدأ , والأتربة لو تراكمت على بعض الأذرع والأجزاء فمن الممكن أن تؤدى إلى حشرها وصعوبة تحركها فيما بعد .
والغرض عموماً من عملية التخزين هو حماية السيارة من التأثيرات الضارة للعوامل الطبيعية أو الجوية والغبار وأشعة الشمس من أن تحدث والتي تؤدي إلي:
الصدأ والبارومة - تآكل الأجزاء المعدنية - تلف الأجزاء المطاطية .
ويجب أن يكون التخزين داخل جراج أو مبنى قليل الرطوبة ومعتدل الحرارة و بعيد عن الغبار و الاتربة و الرمال .
أنواع التخزين :
يكون التخزين إما قصير المدة أو طويل المدة .
ونعتبر التخزين قصير المدة إذا ما كان لمدة شهر واحد إلى سنة كاملة , والطويل المدة ما زاد عن سنة .
ومن الممكن فى حالة التخزين قصيرالامد أن تظل السيارة فى جراج مثلاً مع تشغيل السيارة وتحريكها قليلاً كالخطوات الآتية :
1- يدار محرك السيارة من 2-3 مرة أسبوعياً لمدة نصف ساعة فى المرة الواحدة مع تحريك السيارة من مكانها قليلاً .
2- شحن البطارية .
3- التفتيش الدورى على السيارة للتأكد من سلامة الضغط داخل الإطارات واستكمال مستوى المياه والزيوت المختلفة وكذلك عدم وجود أى تسرب من الدورات .
4- تغطية السيارة بالمشمع لحفظها من تأثير العوامل الجوية .
ومن مميزات هذه الطريقة أنها تسمح باستخدام السيارة عند الطلب فوراً . أما عيوبها فهى استهلاك نسبى فى المحرك والمجموعات نتيجة لتعدد الإدارة طوال مدة التخزين إضافة إلى استهلاك نسبة من الوقود والزيوت

[salah_86]

شكرا لجميع الاضاء بجد
انا اسف لتأخرى فى الرد بس النت عندى كان فاصل
شكرا بجد لذوقكم ياجماعة