النترا (مش الشكل الجديد) ولا سيراتو ولا لانسر (بومة) زيرو

[medod]

انا عايز اشترى عربية زيرو و انا بقارن بين التلاتة دول انهى احسن وحدة فيهم و ياريت مقارنة بينهم بس انا هجيب اوتوماتيك فا ياريت لو فى مشاكل فى اى فتيس اوتوماتيك منهم اعرف

[M.Al-Hefnawy]

استبعد السيراتو من المقارنة عشان العفشة بتاعتها ناشفة جدا.

عندك الإلنترا واللانسر - الالنترا كويسة جدا وقوية وقطع غيارها حلوة قوي في اسعارها ومتوفرة وكمان الأصلي بس عيبها ان العربية واطية ولو 2 قاعدين على الكنبة الورانية هتحك منك في المطبات.
اللانسر عالية وموتور وعفشة قوي وقطع غيار غالية بس معمرة والاثنين ما فيش مشاكل فيهم من ناحية الفتيس.
موفق في الاختيار ان شاء الله

[kholio]

انا هرتبهم لحضرتك من الاحسن للاسؤ
اللانسر بوما احسنهم ثم الالنترا ثم السيراتو
والنسبة للتلاتة مفيش عيوب في فتايسهم الاوتوماتيك

[Dawns_Mist]

قوة الموتور و التسارع ... السيراتو هي الأسوأ ( و سيبك من كلام 124 حصان ده ) ، و ممكن تشوف الفيديوهات على موضوع تسارع الانسر على الصفحة الرئيسية لمنتدى ميتسوبيشي.
الثبات .. بومه هي الأفضل على الإطلاق ، ثم سيراتو ، إلنترا هي الأسوأ .
الراحة الداخلية .. إلنترا ، ثم بومه ، ثم سيراتو
كماليات .. سيراتو ، ثم إلنترا ، ثم بومه
قطع غيار .. كلهم قريبين من بعض
توكيل .. سيراتو الأفضل

البومه انت بتشتري راحة بالك ... موتور قوي ، ثبات عالي ، واسعه من جوه ، عالية عن الأرض ، مش ناشفة أوي ولا طرية أوي ، قطع غيارها منتشرة و أسعارها رخيصة ، و الياباني عمره أطول كالعادة ....

بالتوفيق ..

[mohammedabdallh]

قوة الموتور و التسارع ... السيراتو هي الأسوأ ( و سيبك من كلام 124 حصان ده ) ، و ممكن تشوف الفيديوهات على موضوع تسارع الانسر على الصفحة الرئيسية لمنتدى ميتسوبيشي.
الثبات .. بومه هي الأفضل على الإطلاق ، ثم سيراتو ، إلنترا هي الأسوأ .
الراحة الداخلية .. إلنترا ، ثم بومه ، ثم سيراتو
كماليات .. سيراتو ، ثم إلنترا ، ثم بومه
قطع غيار .. كلهم قريبين من بعض
توكيل .. سيراتو الأفضل

البومه انت بتشتري راحة بالك ... موتور قوي ، ثبات عالي ، واسعه من جوه ، عالية عن الأرض ، مش ناشفة أوي ولا طرية أوي ، قطع غيارها منتشرة و أسعارها رخيصة ، و الياباني عمره أطول كالعادة ....

بالتوفيق ..

هو ده الكلام الى كنت هقوله
بالاضافه
السيراتو والالنترا شكلم اشيك وافخم واجدد من اللنسر

[Dawns_Mist]

مافيش أي عيوب في فيتيس البومه لا الستيبترونيك ، ولا الـ cvt ... بالعكس أنا شايف الـ cvt أحسن بكتير جدا جدا من أغلب العربيات الياباني و الكوري و بعض الأوروبي كمان .. و الناس اللي عارفاه و جرباه فاهمه كلامي كويس ..
أنا عربيتي cvt موديل 2005 و عامله دلوقتي 120 ألف كيلو .. عمري ماشتكيت من الفيتيس أبدا .. غيرتله زيت مرة واحده و هغيرله غيار الزيت التاني الأسبوع ده إن شاء الله ..

طبعا بالنسبة للسيراتو أو الإلنترا ... أكيد مافيش مشاكل في الفيتيس بتاعهم .. منتشرين جدا ولو فيه مشاكل فيتيس كانت ظهرت من زمان ... و كمان التكنولجيا بتاعتهم عادية جدا فمافيش حاجة تستدعي إنك تخاف من الفيتيس بتاعهم ...

[salah_86]

لانسر بومة عن تجربة
بس برضة الكورى دلوقتى غير فى اشكالة قوى وبقى افخم من اليابانى
للعلم انا معايا لانسر بومة 2009

[mody3on]

هيونداي النترا عن تجربة .. ولو تقدر تجيب الهاي لاين منها يبقى كويس جداً

[medod]

بس للعلم انا لو هجيب سيراتو هتبقى اول فئة الى هيا جنوط 15 فا هل بردو العفشة هتبئا ناشفة ولا ايه

[bebo_mody_244]

يا باشا البومه هى احسن من الالنترا و السيراتو سيبك من العربيتين دول البومه عربيه جامده جدا بس هى ضيقه عنهم شويه

[M.Al-Hefnawy]

عشان كل حاجة تاخد حقها بصراحة كراسي الالنترا في قعدتها مريحة جدا عن اللانسر

[Youssef.Awad]

قوة الموتور و التسارع ... السيراتو هي الأسوأ ( و سيبك من كلام 124 حصان ده ) ، و ممكن تشوف الفيديوهات على موضوع تسارع الانسر على الصفحة الرئيسية لمنتدى ميتسوبيشي.
الثبات .. بومه هي الأفضل على الإطلاق ، ثم سيراتو ، إلنترا هي الأسوأ .
الراحة الداخلية .. إلنترا ، ثم بومه ، ثم سيراتو
كماليات .. سيراتو ، ثم إلنترا ، ثم بومه
قطع غيار .. كلهم قريبين من بعض
توكيل .. سيراتو الأفضل

البومه انت بتشتري راحة بالك ... موتور قوي ، ثبات عالي ، واسعه من جوه ، عالية عن الأرض ، مش ناشفة أوي ولا طرية أوي ، قطع غيارها منتشرة و أسعارها رخيصة ، و الياباني عمره أطول كالعادة ....

بالتوفيق ..

[minicooper20]

او عايز راحه بس ثبات نص نص يبقا الانتر ثم بوما