محتار في نوع الكاوتش

[ahmed_elmelih]

ان شاء الله كمان يومين هنزل اجيب فردتين كاوتش وانا مركب عاندى فردتين امامى نوع كومهو كوري مقاس 180/60 مقاس 14 وكنت هغير الفردتين الخلفيين بس العربية حاسس انها واطيه شويه على الارض وكنت بفكر اجيب حاجه تعلى العربية
ياريت لو حد عنده خبره عمليه ينفعنا بيها وينفع اعضاء المنتدى وجزاه الله خيرا

وانا نزلت سالت على انواع الكاوتشات
بريلى 390
ونوع يابانى اظن اسمه كيوتو حاجه شبه كده 410
ونوع تانى شيكى سرعات الراجل بيقولى اضمنهولك 50000 كيلو

انا الصراحه مايل للبريللى انتم ايه رايكم في المقاس ونوع الكاوتش
وكل عيد اضحى وانتم طيبين


[blur1]

لا اله الا الله محمد رسول الله

[/blur1]

[M.Al-Hefnawy]

فيه بعض الأعضاء شكروا في النيكسن الكوري وقالوا إنو مش ناشف

[Dawns_Mist]

أنا لسه قريب مركب عندي طقم أمامي ... مقاس 14 / 60 / 185
بريدجيستون تورنزا تايلاندي .. بصراحه ممتاز جدا جدا جدا .. و حسيت بالفرق أكتر و أنا مسافر على السرعات العالية
لما اشتريته كانت الفرده بتعمل425 جنيه تقريبا ..
البيريللي ماركة محترمه جدا .. لو هتختار خليك في الماركات المعروفه .. بيريللي ، بريدجستون ، ميشلان

[Youssef.Awad]

انصحك ببريدجستون لأى عربية يابانى

[ahmed_elmelih]

شكرا جدا على الرد

أنا لسه قريب مركب عندي طقم أمامي ... مقاس 14 / 60 / 185
بريدجيستون تورنزا تايلاندي .. بصراحه ممتاز جدا جدا جدا .. و حسيت بالفرق أكتر و أنا مسافر على السرعات العالية
لما اشتريته كانت الفرده بتعمل425 جنيه تقريبا ..
البيريللي ماركة محترمه جدا .. لو هتختار خليك في الماركات المعروفه .. بيريللي ، بريدجستون ، ميشلان

شكراً على اهتمامكم
وياريت تقولى المكان الى حضرتك جبت منه

[nice_bird]

انا مركب نيكسن كوري ومريحني ع الاخر الحمد لله ملوش مشاكل ولا صوت وبيمسك كويس مع الفرامل وكمان نقشة شجرة (سرعات)

[salah_86]

متابع

[salah_86]

هو انا المفروض اغير الكاوتش على كام الف
عربيتى معايا من الزيرو ودلوقتى عاملة 37500
ويادوب عند ال30000 عملت ال اكس بس

[ahmed_elmelih]

هو انا المفروض اغير الكاوتش على كام الف
عربيتى معايا من الزيرو ودلوقتى عاملة 37500
ويادوب عند ال30000 عملت ال اكس بس

انا اعرف انك تفكر تغير الكاوتش بعد 40000 كيلو على الاقل وطبعا لازم تشوف حالته اذا كان مشقق او به تأكل (ممسوح ) يؤدى الى عدم اتزان العربية وثباتها

[ahmed_elmelih]

انا اسمع عن محل اسمة اشرفكو في الحدائق مش عارف اجيب منه والا ايه رايكم

[FunnyMickey]

اهم حاجه وانتا بتختار الكاوتش تشوف تاريخ الانتاج بتاعه
عشان متاخدش حاجه تكون متخزنه
اخرك سنه من تاريخ الانتاج

الحاجه التانيه المقاس بتاعك متغيروش
طالما هوا ده المقاس بتاع العربيه
مفيش حاجه اسمها واطيه شويه
ممكن تعلي بعلايات
انما تغير في مقاس الكاوتش
ده حيؤدي لعدم ثبات في السرعات العاليه

بالنسبه للانواع
ابعد عن الكومهو وركب حاجه نضيفه
انا كنت مركبه وطلع عيني وبقي كل شويه يتخرم

عندك بيرللي بس غالي السعر اللي انتا قايله ده غريب بصراحه ازاي البريدجستون اغلي من بيريللي
انا لما كنت سائل علي بريدجستون تورانزا في المقاس ده كان عامل 520 الفرده في توكيل بريدجستون نفسه
واعتقد كانت البيرللي اغلي علي ما اذكر يعني

انا مركب فرده اسمها يوكوهاما ياباني تحفه بصراحه
وعجباني جدا

وطبعا الكاوتش بيتغير كل 40 الف ده لو الفرده في الحاله الطبيعيه ومفيهاش اخرام كتير

[ahmed_elmelih]

اهم حاجه وانتا بتختار الكاوتش تشوف تاريخ الانتاج بتاعه
عشان متاخدش حاجه تكون متخزنه
اخرك سنه من تاريخ الانتاج

الحاجه التانيه المقاس بتاعك متغيروش
طالما هوا ده المقاس بتاع العربيه
مفيش حاجه اسمها واطيه شويه
ممكن تعلي بعلايات
انما تغير في مقاس الكاوتش
ده حيؤدي لعدم ثبات في السرعات العاليه

بالنسبه للانواع
ابعد عن الكومهو وركب حاجه نضيفه
انا كنت مركبه وطلع عيني وبقي كل شويه يتخرم

عندك بيرللي بس غالي السعر اللي انتا قايله ده غريب بصراحه ازاي البريدجستون اغلي من بيريللي
انا لما كنت سائل علي بريدجستون تورانزا في المقاس ده كان عامل 520 الفرده في توكيل بريدجستون نفسه
واعتقد كانت البيرللي اغلي علي ما اذكر يعني

انا مركب فرده اسمها يوكوهاما ياباني تحفه بصراحه
وعجباني جدا

وطبعا الكاوتش بيتغير كل 40 الف ده لو الفرده في الحاله الطبيعيه ومفيهاش اخرام كتير

مشكور على المعلوامات الجميله دية

[Dawns_Mist]

شكراً على اهتمامكم
وياريت تقولى المكان الى حضرتك جبت منه

أنا جايبه من طنطا .. واحد على الطريق السريع مشهور جدا اسمه عطوان ..
و موجود في توكيل بريدجيستون على 450 الفرده في طنطا شارع سعيد تقاطع المعتصم ..
مش عارف بقى في القاهرة هتلاقيه فين ..!!
بس انت يا باشا بجد والله و مش مجاملة .. تنور هنا في طنطا في أي يوم و في اي وقت .. و أنزل مع حضرتك نشتري الطقم اللي انت عايزه ، و نجيبهولك لحد البيت كمان والله لو تحب ..

[ahmed_elmelih]

أنا جايبه من طنطا .. واحد على الطريق السريع مشهور جدا اسمه عطوان ..
و موجود في توكيل بريدجيستون على 450 الفرده في طنطا شارع سعيد تقاطع المعتصم ..
مش عارف بقى في القاهرة هتلاقيه فين ..!!
بس انت يا باشا بجد والله و مش مجاملة .. تنور هنا في طنطا في أي يوم و في اي وقت .. و أنزل مع حضرتك نشتري الطقم اللي انت عايزه ، و نجيبهولك لحد البيت كمان والله لو تحب ..:oc_sun1[1]:

الف شكرا على ذوأك وكرمك لكن المسافة بعيده على الكاوتش الى انا مركبه اصلى مركب استبن وان شاء الله هنزل بكره اجيب من محل كويس جنبى ولو عايز اى حاجه من القاهرة انا تحت امرك

[tantan01240]

DUNlOP

ya basha ahm 7aga fe elcar kawtch nas7ty tgeb dunlop made in Japan sor3at (H)
sebk mn eley2olk bridgestone ageb leh ana bridgestone thalind
we perli turky we vetnamy we aspani andfhm
dunlop walahy 3agla tarya gedn fe matbat we malfat we sor3at bgd hat7s be far2