توكيل دايموند اسوأ توكيل

[solo9]

اسوأ مركز فى الصيانه والكشف على السياره وابطأ خدمه شوفتها بحياتى وتقارير ليس لها اساس من الصحه ونظام تعالى ببلاش علشان اظبطك واشتغلك تخيلوا مصناعيه تربيط العافشه ب110 جم وهكذا............ فى هذا النظام انا اول مره اندم واتخنق من توكيل بالمنظر ده انا روحت فى الكشف المجانى ده وكنت حاجز الساعه 11 اتحننوا عليا وطلعو العربيه الساعه 5 بتقرير اى كلام زى الزفت والمهندس كل ماساله عامل مش سامع يلا خدو فى غسيل المتور 30 جم وطالع زى الزفت انا حبيت اقول تجربتى باختصار شديد للمعرفه فقط

[ahmed_bq]

الناس كلها اللي جربو قالو كلام كله قريب من بعضه انه توكيل لا يليق ابدا بحجم السيارة الاوسع انتشارا في مصر

[solo9]

اولا احب اشكر حضرتك على ردك على الموضوع ومشركتك وبجد انا اتكلمت لانى مش عايز حد يشوف الى انا شوفته لان بجد هيضايق اى شخص كان متوقع بخدمه محترمه مش اشتغلات

[Youssef.Awad]

بداية غير مبشرة بالخير
!!!!!!!!!!!!!!!!!!!!!!!

[mimohsen]

انا اتعاملت معاهم في تغيير الزجاج الامامي (لانسر شارك) وكان التعامل تمام جدا وقمة الاحترام والالتزام ... كلامك يخوفني في الصيانه

[MIVEC.A92]

يا ريت كل واحد يكتب راح أنهي فرع

[solo9]

انا بجد كان نفسى ارفع التقرير الى اتكتب داخل التوكيل ( بخط اليد ) من غير اى مسئوليه وعلى ورقه بيضاء عاديه خالص مش فى ورق التوكيل بملاحظاته وتنسيقه عارفين يحسسوك انك رايح لورشه تعبانه لانه مش كلام صادق كله وما فى الموضوع عايزين يزرع نوع من الشك الوسواس والقلق وفتح شغل بدون اى نوع من اثبات كل مافى التقرير الى اتكتب وهذا دليل كافى على عدم الامانه والصدق
واشكر كل ما اشترك فى الموضوع وقال وجه نظره ورد على الموضوع ويا جماعه احنا مايهمناش غير انى احنا نقول الصراحه بكل وضوح خوفا على بعض لان النصيحه مهمه جدااااااااا يمكن يرجعوا عن هذه الطريقه الرخيصه فى التعامل لانى الى راكب لانسر عميل محترم وفاهم هو راكب ايه مش راكب وخلاص واحب اسمع جميع الاراء للافاده وشكرا مره اخره (وعيد سعيد على كل الناس)

[el3omda]

التوكيل ده غير جدير بعلامة متسوبيشى فى مصر مفرقش عن الرواس ومصريه بل العكس هما أفضل من دايموند موتور .

وبناءا على ذلك على مالكى المتسوبيشى بكل الانواع عدم التعامل والمقاطعه لهذا التوكيل الفاشل ولابد الشكوى الجماعيه لجهاز حماية المستهلك لأن الواضح الناس دى جايه تهرج فى مصر لأن التوكيل فى الدول العربيه حاجه تانيه ليه الخدمه مش بالمثل لازم وقفه مع هذا التوكيل حتى يحسن الخدمه وأمانه الاسعار المبالغ فيها ..... وأسف على الاطاله

[szaalouk]

كده يبقي الواحد زي الشاطر يروح علي الرواس في اي فرع و يعمل الشغل بتاعه و يروح
واضح ان انتظار توكيل جديد لم يحسن معامله عملاء ميتسوبيشي باء بالفشل و انه لو ما ظبطش نفسه و بسرعه حايضيع الماركه المحبوبه في مصر ( كلاكيت تاني مره ) .

تحياتي .

[solo9]

عيد سعيد على كل الناس احب اشكر الجميع على الاهتمام بالموضوع وعلى المشاركه الطيبه من الجميع واحب اقول انى قبل العيد من كتر الضيقه والخنقه من الى سمعته فى توكيل دايموند توجهت الى توكيل الرواث الى فى الكتيكات وطلبت عمل كشف كامل على السياره بكل الى اتكتب فى التقرير الخاص بدايموند والمفاجئه انى كل الى اتكتب فى التوكيل كذب وغش وتجسيم للموضوع وبصراحه الحاجه الوحيده هى مقصين فقط هما الى عايزين يتغيروا لكن كل العفشه والباقى سليم 100% لدرجه المهندس المسئول سالنى هو مين الى كتب التقرير الغريب ده طبعا لانه على ورقه عاديه جدا لا تدل على تقرير توكيل معتمد فسالته اشمعنى فرد ياباشا لو على هذا التقرير يبقى الافضل بيع السياره ده الى كتب التقرير مفترى ده شرج السياره وكله كدب وبالفعل دخلنى الورشه ومسكلى بند بند من المكتوب واثبت لى ان كل التقرير كذب وطمنى والحمد الله على السياره وربط العفشه ب33جم مش ب110 جم فى توكيل دايموند بامانه حسيت بفرق فى المعامله وشكرا

[albasha]

عيد سعيد على كل الناس احب اشكر الجميع على الاهتمام بالموضوع وعلى المشاركه الطيبه من الجميع واحب اقول انى قبل العيد من كتر الضيقه والخنقه من الى سمعته فى توكيل دايموند توجهت الى توكيل الرواث الى فى الكتيكات وطلبت عمل كشف كامل على السياره بكل الى اتكتب فى التقرير الخاص بدايموند والمفاجئه انى كل الى اتكتب فى التوكيل كذب وغش وتجسيم للموضوع وبصراحه الحاجه الوحيده هى مقصين فقط هما الى عايزين يتغيروا لكن كل العفشه والباقى سليم 100% لدرجه المهندس المسئول سالنى هو مين الى كتب التقرير الغريب ده طبعا لانه على ورقه عاديه جدا لا تدل على تقرير توكيل معتمد فسالته اشمعنى فرد ياباشا لو على هذا التقرير يبقى الافضل بيع السياره ده الى كتب التقرير مفترى ده شرج السياره وكله كدب وبالفعل دخلنى الورشه ومسكلى بند بند من المكتوب واثبت لى ان كل التقرير كذب وطمنى والحمد الله على السياره وربط العفشه ب33جم مش ب110 جم فى توكيل دايموند بامانه حسيت بفرق فى المعامله وشكرا

ياريت توصفلنا العنوان في الكيت كات بعد أذنك

[el3omda]

أنا أتعاملت مع مركز مصريه فرع جسر السويس المكان مش واسع لكن المهندسين والعمال بروفيشينال والرواس فرع العبور المكان واسع ومافيش زحمه ولاحجز ولكن خدمه كويسه وأسعار مقبوله وكمان غسلو العربيه بعد الصيانه
وبناءا على ذلك بلاها دايموند موتور

[Kareem Khattab]

انا روحت اغير التيل عندهم و بالمره اعمل الكشف الشامل اخدوا 150 جنيه مصنعية تغيير التيل و بالنسبه للتقرير فالمهندس قالي ان جلب المقصات عايزه تتغير و ده مظبوط اما الغريب انه قالي ان لمبة الايرباج بتنور و تطفي و ده مابيحصلش غير مع اول تكه بتعمل check بعد كده بتطفي (العادي يعني) المهم قاللي ان قرص SRS عايز يتغير و ده ب 800 جنيه غير المصنعيه و الضريبه !

[solo9]

مصنعيه تيل فرامل 150جم والله بجد حرام اى كان توكيل لكن مش ياخد مصنعيه تركيب تيل فرامل 150 ده انا لما روحت لتوكيل الرواث بالكيت كات بالاضافه الى تربيط العفشه طلبت من المهندس انه يظبط الفرامل ظبط الدنيا اه راضيت الصنيعى ب10 جم بس ظبط الفرامل نضف التيل الامامى ورجلش التيل الخلفى ونضاف مليون فى الميه بصراحه حرام وعايز اقول انه توكيل برضو بس فرق فى المعامله اما موضوع قرص srs عايز يتغير و ده ب 800 جنيه غير المصنعيه و الضريبه على فكره كل الناس الى كانت هناك هتتجنن من الكلام ده
وهم بيتكلمو باسلوب المصطلحات علشان كتير مش فاهم يعنى ايه ده فبالتالى هتقول الناس ديه فهمه وجمده (شكلك فاهم يا نصه هههههههههه) فتقوله ياهههه طب اوكيه غير ........ اى كلام يا عم الحج والله ربنا يرحمنا

[Kareem Khattab]

انا طبعا معرفش هو ايه ده بس قولت ماشي يمكن انا اللي مش فاهم بس اعتقد لو فيه مشكله ايا كانت في الاير باج اللمبه هتنور علي طول !
الرواس بتاع الكيت كات ده مشكلته انه مش نضيف نهائي و بستلم العربيه مزيته ده غير طبعا الصنايعيه و بتوع الامن كلهم عايشين في العيد علي طول و كل سنه و انت طيب و بالنسبه للشغل عندهم فانت لازم تقولهم علي كل حاجه يعني مثلا لما تروح تغير تيل المفروض يعملك رجلاش لا لازم تقولهم انا الصراحه في دايموند موتورز ظبطولي الفرامل كويس اوي و حاجات تانيه كتير و انا قبل كده عملت معاهم مشكله و الصراحه المهندس طارق كان ليه الفضل في حل المشكله دي