مشكلة فى الزيت لعربية كريستالة موديل 99

[alaasaid]

السلام عليكم و رحمة الله و بركاتة ,

عيد مبارك على الجميع و ان شاء الله يعود علينا جميعا بكل خير .

أنا معايا عربية الشغل لانسر كريستالة موديل 1999 و عاملة 410,000 كيلو و المشكلة لما بغير الزيت مجرد لما امشى 10 كيلو بلاقى الزيت اسود تماما كانة ماشى 20000 كيلو , الاول كنت بستخدم زيت موبيل وان بتاع 10000 و بعدين استخدمت شيل 10000 و نفس المشكلة , بمجرد ما اتحرك بلاقى الزيت اسود تماما كانة محروق

أفيدونى جزاكم الله خيرا ايه سبب المشكلة و أحلها أزاى .

كل عام و أنتم بخير

[mido51eg]

لو حرق البنزين مش مظبوط هتلاقي الشوائب الكربونية بتعلق في الزيت وبتسبب السواد ده. لاحظ لون العادم اللي خارج من الشكمان اذا كان اسود ولا عديم اللون ولاحظ لون ماسورة الشكمان اذا كانت مهببة ولا لأ. اذا كان كده اضبط نسبة الخليط (بنزين وهواء) اذا كانت كربراتير او شوف الرشاشات اذا كانت انجكشن. في انتظار ردك

[alaasaid]

ألف شكر لرد حضرتك ، العربية فعلا بتاكل بنزين جامد رغم انها 1300 و لون العادم اسود و بشم ريحتة جوة العربية خصوصا الصبح اول لما أدور و العربية كاربيراتير و كل سنة و حضرتك طيب

[mido51eg]

وحضرتك طيب. اتمنى اني اكون قدرت افيدك وفي انتظار نتيجة التصليح.

[M.Elgergawy]

المفروض حضرتك تستعمل زيت نصف تخليقي وليس تخليقي عشان الكيلو متر عالي اوي يعني ومحتاج بردوا ظبط التاكيهات وظبط المحرك على الجهاز عشان تظبط الهوا والبنزين ومحتاج كمان تنظيف للموتور وكمان منظف للكربراتير

[mido51eg]

المفروض حضرتك تستعمل زيت نصف تخليقي وليس تخليقي عشان الكيلو متر عالي اوي يعني ومحتاج بردوا ظبط التاكيهات وظبط المحرك على الجهاز عشان تظبط الهوا والبنزين ومحتاج كمان تنظيف للموتور وكمان منظف للكربراتير

اتفق معاك في كل اللي قولته ماعدا الجزئية بتاعة تنظيف الموتور. تنظيف الموتور ده بيتعمل للمواتير الجديدة وممكن تستمر في تنظيفه بعد كده عادي. انما لو موتور قديم وشغال لو نظفته يبقى كبس الموتور هيهرب. السبب :
المواتير القديمة ممكن تبقى البساتم مسلخة ، لكن الشوائب الكربونية سدة السلخات دي ، لكن لو عملت نظيف للموتور الكربون ده هيدوب وينزل مع زيت التنظيف وبالتالي الكبس هيهرب.
لاينصح بعمل تنظيف للمواتير القديمة.

[assaf]

السلام عليكم
انا كان عندي نفس المشكله الزيت بيسود و العربيه بتاكل بنزين وبعد الفحص عرفت ان المشكله في ضبت الكاربيراتير
وفعلا بعد الضبط الكاربيراتير العربيه بقت تمام .
انا بستخدم زيت موبيل xhp وهو ممتاز

[momo44]

السلام عليكم
انا كان عندي نفس المشكله الزيت بيسود و العربيه بتاكل بنزين وبعد الفحص عرفت ان المشكله في ضبت الكاربيراتير
وفعلا بعد الضبط الكاربيراتير العربيه بقت تمام .
انا بستخدم زيت موبيل xhp وهو ممتاز

+10000000000000

[prisoner]

فعلا الكربراتر هو السبب بس نصيحة بلاش منظف مع الكربراتر روح لواحد بتاع كربراتر ينضفه كويس وكله هيبقى تمام

[alaasaid]

الف شكر لنصيحة حضراتكم و جزاكم الله خيرا , ان شاء الله هروح النهاردة لواحد بتاع كاربراتير و يا رب العربية تتظبط , بس انا عندى سؤال بخصوص الزيت , دلوقتى الزيت اسود و مكملش 200 كيلو , هل كدة الزيت فقد خواصة و باظ ولا هو شغال كويس و الف شكر لحضراتكم

[alaasaid]

السلام عليكم

معلش يا شباب كنت عايز أعرف هل الزيت كدة باظ ولا هو مهبب بس و شغال كويس و الف شكر مقدما .

[prisoner]

هوة موضوع ان الزيت يسود ده طبيعى او لو يتغير شوية وده بياكد انه بينظف الموتور من جوة وده من خواص الزيت برضوا التنظيف فمتقلقش ظبط عربيتك وطالما اللزوجة كويسة هوة ده اللى يهمك

[M.Elgergawy]

بالظبط كدا شوف لزوجته وهيا الفاصل

[alaasaid]

الف شكر لحضراتكم و جزاكم الله خيرا

[m_totti]

علي فكرة لازم كمان تغسل كارتيرة الموتور بزيت معين الاول وبعدين حط زيت موبيل هتلاقيها نظيفة برده