ازالة قطع النيكل بأمان

[ahmed_bq]

كل سنه وانتم طيبين جميعا

عندي في العربية الحليات النيكل على المرايات والقوايام وتنك البنزين وحوالين اللوحه المعدنية اللي في الشنطه من ورا.

طبعا دي مسألة ازواق بس انا مش عاجبني خالص النواكل دي وحاسس انها اوفر شويه ... ازاي اخلعها من عير متسيب اثر وازاي اخلعها بسهولة؟

[ahmed_bq]

اي رأي حتى ولا اوديها لسمكري؟

[SASA3]

هى لو متبرشمة فى مكانها يبقى صعب تطلع و ممكن تروح لسمكرى بس مش عارف ممكن تتفك بدون خسائر ولا لا
انما لو هى ملزوقة بس كده ممكن تجيب مفك و تلف على راسه قماشة او شيكارتون و تجيب علبة wd-40و ترش حوالين اللزق و بالمفك بالراحه او باى اداه غير حاده و تشيلهم بالراااااااااااحه علشان العربيه متتخدش

و ان شاء الله باقى الاعضاء يفيدوك تحياتى

[ahmed_bq]

هوا اللي انا اعرفه انها ملزوقه بدبل فيس ... وخلعها ممكن يكون رخم اوي بس مش صعب على ما اعتقد .. لكن ازالة اثار اللزق دي هيا اللي مش مريحاني ... فيه ناس قالتلي ببنزين او تنر وفيه اللي قال ان wd-40 بيشيلو ... خايف اشيلهم واقول يارتني مشيلتهم وكمان ارخمهم اللي في المرايات دول ... حاولت فيهم مره حسيت اني ممكن اكسر المرايات.. وخايف اوديها لسمكري يتغاشم عليها .. ولا مفيش خوف؟

[charming]

هتجيب خيط صيد يلاستيك من عند اى حد بيبيع مستلزمات صيد السمك و يكون ثخانتة رفيعة هتمررة ما بين الحلية المراد نزعها و الاكرة مثلا هتلاقى الخيط بيقطع فى الدبل فيس (زى السكينة فى الحيلاوة) بدون اى ضرر على الممكان المراد نزعها منة

[PoweRPassioN]

هتجيب خيط صيد يلاستيك من عند اى حد بيبيع مستلزمات صيد السمك و يكون ثخانتة رفيعة هتمررة ما بين الحلية المراد نزعها و الاكرة مثلا هتلاقى الخيط بيقطع فى الدبل فيس (زى السكينة فى الحيلاوة):m_yes[1]: بدون اى ضرر على الممكان المراد نزعها منة

+1
حلوه الفكره بس يظل الاثر الباقي من الدابل فيس .. يشيله أزاي من غير ترك آثار؟؟

[mahmoud_afifi]

انا شيلت اثر لزق الدبل فيس بكومباوند بعدها بوليش و واكس.

[oousaoo]

تتشال عادي ولو شريط الدابل فيس ساب اثر تفركها بايدك ولو ثقيلة تجيب سكينة معجون بلاستيك وتشيلها بيها

[SASA3]

هتجيب خيط صيد يلاستيك من عند اى حد بيبيع مستلزمات صيد السمك و يكون ثخانتة رفيعة هتمررة ما بين الحلية المراد نزعها و الاكرة مثلا هتلاقى الخيط بيقطع فى الدبل فيس (زى السكينة فى الحيلاوة) بدون اى ضرر على الممكان المراد نزعها منة

+111111111111
تمااام و ممكن مكانة يتشال بالـwd-40