ايه اللى المفروض اعمله لو عايز اركن وارفع العربية ؟

[prisoner]

السلام عليكم ورحمة الله وبركاته

انا عايز اعرف ايه اللى المفروض اعمله لو هارفع العربية او هاركنها فترة تتراوح مابين 3-6 شهور والمفروض انى ارفعها اول اسبوع فى شهر 12 اللى جاى والمفروض انى اغير زيت واعمل صيانة هل اعمل الصيانة وارفعها والا استنى لما ارجع مش عارف اتصرف ازاى واللى مخوفنى اكتر موضوع الكاوتش ازاى اخزنه على ما اعتقد ماينفعش اسيبها واقفة على الارض كده ولو رفعت العربية مش عارف هل ينفع حد يدورها كل اسبوع علشان البطارية والا اعمل ايه قولت بقى اسئل اهل الخبرة واسف للاطالة كل سنة وانتم بالف صحة وخير تحياتى

[IronHead]

لو عندك حد ممكن يدورهالك ويحركها كل اسبوع مشوار صغير يبقى ماشى
لوو مش نافع والاحسن انك ترفعها وتشيل الجنوط عشان الكاوتش و فك كبلات البطارية
ومتغيرش زيت وفلتر دلوقتى واستنى لما ترجة بالسلامة ان شاء الله

لو عايز تمشى زى الكتاب مبيقول عليك وعلى اللينك دى
How to Store a Car - wikiHow

[prisoner]

لو عندك حد ممكن يدورهالك ويحركها كل اسبوع مشوار صغير يبقى ماشى
لوو مش نافع والاحسن انك ترفعها وتشيل الجنوط عشان الكاوتش و فك كبلات البطارية
ومتغيرش زيت وفلتر دلوقتى واستنى لما ترجة بالسلامة ان شاء الله

لو عايز تمشى زى الكتاب مبيقول عليك وعلى اللينك دى
how to store a car - wikihow

تسلم ياباشا على ردك هوة فيه حد يدورها كل يوم حتى لكن انا هاكون راكنها فى جراج من جوة ومش هاينفع تقعد تدخل وتخرج يعنى انا هادخلها مرة واحدة واخرجها مرة واحدة والله يسلمك كتر خيرك بصراحة رابط ممتاز ومفيد جدا بس الواحد محتار يعمل زى الكتاب ما بيقول والا الطرق المعتادة والكاوتش اخزنه ازاى والبطارية هاعمل فيها ايه تسلم على ردك وذوقك تحياتى

[M.Al-Hefnawy]

الكاوتش عشان تخزنة عاوز تلف علي كل فرده شوال اللي هو بيبقى مصنوع من الخيش ده يحميه من الرطوبة والتشقق.

[bassem_sams]

1-بالنسه للمكان حلو جراج انه مقفول و مفهوش شمس و هيبقى بعيد عن اى حاجه فالعربيه هتكون زى ماهيه
2-كل ثلاثه ايام او 4 بالكتير تدور عربيه 10 دقائق

3-كاوتش مصنوع من مطاط و تراب و حرارة بييأثروا عليه بالنسبه لداخل كاوتش يبفضل تملأة بالنيتروجين و ليس الهواء حيث لا يتأثر بالحرارة و اهم ان نيتروجين خالى من هواء فميحصل تشقق داخلى للكاوتش و ياريت لو تملأه زياده لأن مع ركنه هيريح فتيجى تلأقيه منفوخ مش نايم نيجى للخارج انا مش عارف ماده اللى محلات كاوتشات بترشها علشان تحافظ على كاوتش من خارج مش فاكر بالظبط لكن هديك تخمينات فازلين او بودرة اطفال او فى سبراى للكاوتش بيلمعه و يحميه و يطريه رشه اكيد هيبقى مفيد و متنساش بردوا اقتراح استاذ محمد ووقفها على فلين(( الابيض الى بيجى داخل اى جهاز جديد زى التلفزيون )) على شان الرطوبه متاثرشى على الكاوتش

4-لو يقدر كل شهر او كل اسبوعين يشغل زرار الزجاج و تكييف و كاسيت علشان تراب ميلمش حواليها
او تخلى اى حد ينظفها لما تترب من جوة هو مش مهم لما عربيه تبتدى تشتغل تروح بنزينيه تتنظف حلو

ذ موضوع ده منقول علشان تبقى معلومات كامله
تخزين ( ركن ) السيارة دون استعمال

نحتاج أحياناً بسبب السفر لمدة طويلة مثلاً أو لأى سبب آخر إلى تخزين السيارة ركنها دون استعمال .
ولما كان ترك السيارة دون استعمال لمدة طويلة يؤدى إلى تلف بعض الأجزاء كالبطارية لأنها لا يتم شحنها دورياً كما هو الحال فى حالة الاستخدام اليومى حيث يقوم المولد ( الدينامو ) بعملية الشحن الدورى المطلوب , كما قد تؤثر عوامل الجو على أجزاء السيارة المتحركة , فالرطوبة تصيب الأجزاء غير المحمية بالصدأ , والأتربة لو تراكمت على بعض الأذرع والأجزاء فمن الممكن أن تؤدى إلى حشرها وصعوبة تحركها فيما بعد .
والغرض عموماً من عملية التخزين هو حماية السيارة من التأثيرات الضارة للعوامل الطبيعية أو الجوية والغبار وأشعة الشمس من أن تحدث والتي تؤدي إلي:
الصدأ والبارومة - تآكل الأجزاء المعدنية - تلف الأجزاء المطاطية .
ويجب أن يكون التخزين داخل جراج أو مبنى قليل الرطوبة ومعتدل الحرارة و بعيد عن الغبار و الاتربة و الرمال .
أنواع التخزين :
يكون التخزين إما قصير المدة أو طويل المدة .
ونعتبر التخزين قصير المدة إذا ما كان لمدة شهر واحد إلى سنة كاملة , والطويل المدة ما زاد عن سنة .
ومن الممكن فى حالة التخزين قصيرالامد أن تظل السيارة فى جراج مثلاً مع تشغيل السيارة وتحريكها قليلاً كالخطوات الآتية :
1- يدار محرك السيارة من 2-3 مرة أسبوعياً لمدة نصف ساعة فى المرة الواحدة مع تحريك السيارة من مكانها قليلاً .
2- شحن البطارية .
3- التفتيش الدورى على السيارة للتأكد من سلامة الضغط داخل الإطارات واستكمال مستوى المياه والزيوت المختلفة وكذلك عدم وجود أى تسرب من الدورات .
4- تغطية السيارة بالمشمع لحفظها من تأثير العوامل الجوية .
ومن مميزات هذه الطريقة أنها تسمح باستخدام السيارة عند الطلب فوراً . أما عيوبها فهى استهلاك نسبى فى المحرك والمجموعات نتيجة لتعدد الإدارة طوال مدة التخزين إضافة إلى استهلاك نسبة من الوقود والزيوت

[FunnyMickey]

خير ياتيفا
رايح فين 6 7 شهور

[prisoner]

الكاوتش عشان تخزنة عاوز تلف علي كل فرده شوال اللي هو بيبقى مصنوع من الخيش ده يحميه من الرطوبة والتشقق.

الف شكر كتر خيرك على المعلومة تحياتى

[prisoner]

1-بالنسه للمكان حلو جراج انه مقفول و مفهوش شمس و هيبقى بعيد عن اى حاجه فالعربيه هتكون زى ماهيه
2-كل ثلاثه ايام او 4 بالكتير تدور عربيه 10 دقائق

3-كاوتش مصنوع من مطاط و تراب و حرارة بييأثروا عليه بالنسبه لداخل كاوتش يبفضل تملأة بالنيتروجين و ليس الهواء حيث لا يتأثر بالحرارة و اهم ان نيتروجين خالى من هواء فميحصل تشقق داخلى للكاوتش و ياريت لو تملأه زياده لأن مع ركنه هيريح فتيجى تلأقيه منفوخ مش نايم نيجى للخارج انا مش عارف ماده اللى محلات كاوتشات بترشها علشان تحافظ على كاوتش من خارج مش فاكر بالظبط لكن هديك تخمينات فازلين او بودرة اطفال او فى سبراى للكاوتش بيلمعه و يحميه و يطريه رشه اكيد هيبقى مفيد و متنساش بردوا اقتراح استاذ محمد ووقفها على فلين(( الابيض الى بيجى داخل اى جهاز جديد زى التلفزيون )) على شان الرطوبه متاثرشى على الكاوتش

4-لو يقدر كل شهر او كل اسبوعين يشغل زرار الزجاج و تكييف و كاسيت علشان تراب ميلمش حواليها
او تخلى اى حد ينظفها لما تترب من جوة هو مش مهم لما عربيه تبتدى تشتغل تروح بنزينيه تتنظف حلو

ذ موضوع ده منقول علشان تبقى معلومات كامله
تخزين ( ركن ) السيارة دون استعمال

نحتاج أحياناً بسبب السفر لمدة طويلة مثلاً أو لأى سبب آخر إلى تخزين السيارة ركنها دون استعمال .
ولما كان ترك السيارة دون استعمال لمدة طويلة يؤدى إلى تلف بعض الأجزاء كالبطارية لأنها لا يتم شحنها دورياً كما هو الحال فى حالة الاستخدام اليومى حيث يقوم المولد ( الدينامو ) بعملية الشحن الدورى المطلوب , كما قد تؤثر عوامل الجو على أجزاء السيارة المتحركة , فالرطوبة تصيب الأجزاء غير المحمية بالصدأ , والأتربة لو تراكمت على بعض الأذرع والأجزاء فمن الممكن أن تؤدى إلى حشرها وصعوبة تحركها فيما بعد .
والغرض عموماً من عملية التخزين هو حماية السيارة من التأثيرات الضارة للعوامل الطبيعية أو الجوية والغبار وأشعة الشمس من أن تحدث والتي تؤدي إلي:
الصدأ والبارومة - تآكل الأجزاء المعدنية - تلف الأجزاء المطاطية .
ويجب أن يكون التخزين داخل جراج أو مبنى قليل الرطوبة ومعتدل الحرارة و بعيد عن الغبار و الاتربة و الرمال .
أنواع التخزين :
يكون التخزين إما قصير المدة أو طويل المدة .
ونعتبر التخزين قصير المدة إذا ما كان لمدة شهر واحد إلى سنة كاملة , والطويل المدة ما زاد عن سنة .
ومن الممكن فى حالة التخزين قصيرالامد أن تظل السيارة فى جراج مثلاً مع تشغيل السيارة وتحريكها قليلاً كالخطوات الآتية :
1- يدار محرك السيارة من 2-3 مرة أسبوعياً لمدة نصف ساعة فى المرة الواحدة مع تحريك السيارة من مكانها قليلاً .
2- شحن البطارية .
3- التفتيش الدورى على السيارة للتأكد من سلامة الضغط داخل الإطارات واستكمال مستوى المياه والزيوت المختلفة وكذلك عدم وجود أى تسرب من الدورات .
4- تغطية السيارة بالمشمع لحفظها من تأثير العوامل الجوية .
ومن مميزات هذه الطريقة أنها تسمح باستخدام السيارة عند الطلب فوراً . أما عيوبها فهى استهلاك نسبى فى المحرك والمجموعات نتيجة لتعدد الإدارة طوال مدة التخزين إضافة إلى استهلاك نسبة من الوقود والزيوت

معلومات قيمة جدا كتر خيرك على المساعدة واكتشفت معلومة مهمة جدا منك ان اقل من سنة تعتبر مدة قصيرة واكتر من كده مدة طويلة انا كنت سمعت قبل كده ان اكتر من شهرين يبقى مدة كتيرة على الكاوتش ويبوظ وكده ولكن لما اطلعت على الموقع اللى الاخ الفاضل بعتهولى فى اول الموضوع فعلا اكتشفت ان اقل من سنة تبقى مدة قصيرة والجراج اللى انا هاركن فيه مش مقفول والا حاجة هوة فى شارع بس محاط باسوار وحراسة وركنت فيه قبل كده بس حوالى شهرين بس وكان الكاوتش اصلا كان عايز يتغير وقبل ما اجنط فمكنتش مهتم بالكاوتش ايه اللى يحصله والمشكلة مش ان حد يدورها والا لا الحمد لله فى ناس كتيير الحمد لله بتتصرف وكانى موجود بالظبط بس انا كنت عايز اريح دماغى ومتعبش حد ولكن المشكلة كلها فى الكاوتش علشان عامل عليه 10000 كيلو بس وخايف ينشف وانا بستخدم النيتروجين بس قلقان ووممكن المدة تتراوح مابين شهرين الى ستة اشهر بالكتيير ومش متحددة يعنى الملخص هل ينفع انى اشيل الكاوتش واخلى حد يدورها برضوا وهابقى خايف على اجهزة التعليق من التلف والتعرض المستمر للتراب لانها هاتكون مكشوفة ولو فى مياة والا حاجة هايبقى ايه الوضع وجارى البحث على جراج يكون مقفول يرحنى شوية تسلم على كل كلمة كتر خيرك تحياتى

[prisoner]

خير ياتيفا
رايح فين 6 7 شهور

خير يا صبوحة مفيش حاجة بس احتمال اسافر قريب على اول شهر 12 ان شاء الله ولسة مفيش جديد وبعدين انا بقول من 3-6 خليتهم ليه 7 بقى هوة انا ناقص :)))

[mohammedabdallh]

رايح فين بس قول متخفشى