عملت صيانة 100 الف للبومة فى توكيل قليوب

[nonnos5]

انا الحمد لله عربيتى البومة عاملة 98400 كيلو وعمرى ماروحت التوكيل غير فى صيانة الالف كيلو بس او ما اشتريت العربية المهم روحت يوم السبت اللى فات قولت اروح اعمل الصيانة فى توكيل قليوب وانا من المنصورة وصلت التوكيل الساعة 7.50 صباحا ماكانش فيه قدامى غير عربية واحدة شارك بس وبعدين طلبت من الاستقبال تغير فلتر البنزين وفلتر الهواء وسير الدينمو وسير التكييف والبيجوهات وتغيير زيت الفتيس cvt وعمل سيرفيس كامل على العربية عفشة وماكينة وانوار كل حاجة ودى الاسعار
1- فلتر بنزين 540 جنيه
2-فلتر هواء 240 جنيه
3-زيت فتيس cvt ب 450 جنيه
4-بيجوهات 128 جنيه
5-سير تكييف وسير دينمو 215 جنيه
6-سائل تنظيف 14 جنيه
7-سيرفيس 100 الف 170 جنيه
8-تركيب فلتر البنزين 50 جنيه
9-تركيب سيور خارجية 30 جنيه
10-تغيير زيت الفتيس 50 جنيه
بعد السرفيس جه قالى العفشة عندك تمام مفيهاش حاجة خالص وقالى فلتر التكييف عاوز يتغير بقوله بكام قالى 350 قولتله خليه للصيف الجاى بقى وقالى زرار الانتظار اللمبة اللى فيه محروقة هتغيره بقوله بكام قالى 50 جنيه ما رضيتش اغيره بصراحة ولمبة srs منورة عاوزة قرص بكام ب 1300 جنيه وقلتله ممكن تتصلح قالى هتتكلف 300 جنيه وممكن ما تتصلحش وممكن تتصلح وتبوظ بعد شهر فبصراحة اجلت الموضوع ده شوية بس كده
انا طولت عليكوا بس حبيت اقول الاسعار ممكن حد يبقى محتاجها

[IronHead]

مبروك ياباشا وعقبال ال 200000
اسعار فى اللذيذ اوى, بس السؤال اللى بيطرح نفسه, هو التوكيل القديم بيجيب قطع الغيار الاصليه منين

[M.Elgergawy]

مبروك على الصيانة وعقبال ال 200 الف

[M.Elgergawy]

مبروك ياباشا وعقبال ال 200000
اسعار فى اللذيذ اوى, بس السؤال اللى بيطرح نفسه, هو التوكيل القديم بيجيب قطع الغيار الاصليه منين

من الأردن بأسعار اعلى من الشركة الام في اليابان 10%

[nonnos5]

الله يبارك فيكوا

الله يبارك فيكوا انا شايف ان التوكيل ده حافظ العربية جدا وده اللى خلانى اروحلهم والعربية بقت انعم شوية على الرغم من انى ما كانش عندى مشاكل خالص

[egyptiandiver]

مبروك يا باشا

[Haitham10]

الف مبروك ياباشا وعقبال ال200

وانا شايف اسعار التوكيل القديم معقولة في المصنعيات عن الجديد

[nonnos5]

الله يبارك فيكوا

بس اهم من الاسعار ان فعلا التوكيل ده حافظ العربية جدا انا كنت خايف اغير اى حاجة فى العربية خاصة انى معنديش اى مشكلة الحمد لله وكنت خايف من حورات تروح تغير حاجة بمزاجك تلاقى حاجة اختلفت فى العربية وتتخنق منها بس الحمد لله كله تمام والعربية بقت انعم شوية نفس احساسى لما كنت شاريها وهيا جديدة

[waelsaleh]

شكرااا يا باشا على الاسعار

[nonnos5]

العفو ياباشا

شكرااا يا باشا على الاسعار

العفو ياباشا ومتشكر لمشاركة حضرتك

[nice_bird]

ايه رائيك في اداء العربية بعد الصيانة (ايه الحاجات اللي حاسسها اتحسنت)

[nonnos5]

بقت انعم شوية

ايه رائيك في اداء العربية بعد الصيانة (ايه الحاجات اللي حاسسها اتحسنت)

بص ياباشا اولا العربية عندى ماكانش فيها مشاكل خالص والحمد لله وانا كنت بعمل الصيانة للاطمئنان على حالة العربية وعلى الرغم من كده او ما اخدتها بعد الصيانة حسيت انها بقت انعم والاستجابة اسرع فى البنزين وصوت الموتور اقل شوية بس ده طبعا لانى غيرت فلتر هواء وفلتر بنزين ومفيش اى اختلاف للاسواء الحمد لله

[theking_med]

بقت انعم والاستجابة اسرع فى البنزين وصوت الموتور اقل

+1

[mody1221]

ربنا يديك خيرها ومتشكر جدا للافادة

[ibrahimelt]

انا علابيتى 1300 مانيوال المفروض اغير زيت الفتيس عند كام كيلو ؟
ايه نوع الزيت cvt ؟