صيانة ال 40 الف للشارك

[Ruin Scud]

ياريت لو حد عمل صيانه ال 40 الف للانسر شارك يقول كانت عباره عن ايه وبكام تقريبا.
انا كمان محتار مش عارف اعملها فيين دايموند موتورز ولا توكيل قليوب لأن على كلام دايموند موتورز بيقول ان توكيل قليوب مابقاش بيضمن الانسر غير ان قطع الغياراللي عندو من الأستوك انما اللي عندو بيدي ضمان للعربيه وبيختم الدفتر بتاع الصيانه علشان الضمان.
الاجو التوضيح ولو في توكيل كويس حد جربه ياريت يقول.
جزاكم الله خيرا.

[IronHead]

اللى اعرفه ان صيانة ال40 للشارك بتشمل زيت وفلتر موتور, فلتر بنزين, فلتر هواء, وتيل امامى لو متاكل
بكام ده سئوال صعب عشان الاسعار اتغيرت مليون مرة السنتين اللى فاتو ومعرفش اسعار التوكيل الجديد ايه
هو فعلا دايموند هو دلوقتى الوكيل الوحيد ولو قالولك انك لو عملت الصيانة برة المراكز المعتمده منهم الضمان هيسقط وانت عربيتك لسه فيها ضمان روحلهم
بس لو عربيتك خلصت ضمان روح مصرية, المصنعيات عندهم ارخص من دايموند وقطع الغيار اصليه وفعلا خبراء فى العربية دى, كنت سالت عن مصدر قطع الغيار اللى بيجبها الوكيل القديم امبارح واخ رد عليا وقالى انه بيجبها من الاردن اغلى ب 10% من اسعار الشركة الام
ابقى قلنا ايه الاخبار بعد ماتعمل الصيانه

[bassem_sams]

كنت سالت عن مصدر قطع الغيار اللى بيجبها الوكيل القديم امبارح واخ رد عليا وقالى انه بيجبها من الاردن اغلى ب 10% من اسعار الشركة الام

معلومه حلوة ومهمه شكرا لك عليها

[IronHead]

معلومه حلوة ومهمه شكرا لك عليها

على ايه يا باسم بيه

[Ruin Scud]

جزاكم الله خيرا يا أخي الكريم.
انا نويت فعلا اني اروح دايموند موتورز علشان الضمان وب المره اجربهم , حاروحلهم قريب إن شاء الله بعد ما احجز واقولكم على التفاصيل.

[movies]

يا ريت بس لو سمحت تقولينا عملت ايه فى صيانة ال 40000 علشان دى الصيانة اللى جاىه عندى ان شاء الله .

[Ruin Scud]

توجهت الى توكيل دايموند المصيلحي علشان موضوع الضمان والقصه بتاعت التوكيل بس للأسف المصنعيات غاليه جدا يعني المصتعيه عندهم 350 وكمان بيغير اي حاجه في اي حاجه يعني بوجيهات عايز يغيرها مع انها المفروض كل 100 الف لأنها بلاتينيوم ودي كانت ب 444 ج + قالي زيت الفتيس وانا مانيوال طبعا بقيت مستغرب من الحاجات دي المهم قولت اروح واشوف حبايبنا بتوع المصريه واتأكد من شائعات الضمان والذي منه قالي لأ لو فيه حاجه ضمان هاغيرهالك عكس ماكنت فاهم
المهم غيرت فلتر هوا 370 وفلتر بنزين 710 مش عارف غالي ليه كده وتيل امامي كانت العربيه عايزاه ب 475 ومصنعيه 170 حاجه جميله ورخيصه وبطارية الريموت 10 وفلتر وزيت وغيرت مياه تبريد الرادياتير العربيه خدت 5 لتر جركن 4 لتر ب 65 وجركن 1لتر ب 18.
العربيه كان في فردة كلكس بتعلق غيرهالي في الضمان منه لنفسه المهندس عمر كتر خيره انسان محترم وده بينفي موضوع الضمان وهو اللي قالي ان تغيير البوجيهات على 40 الف بدري قوي وبلاش لأنها بلاتينيوم.
نسيت اقول العيوب عند المصريه هيا حاجات بسيطه ياريت ياخدو بالهم, العربيه كانت خلصانه وبالرغم من كده محدش طلعها غير لما دخلت جوه وقولت للمهندس عمر اللي هوا راح اتأكد انها خلصانه + ياريت يحطو دواسه كرتون لأن الدواسه عندي بيج واتبهدلت شحم وطين وبقت سوده بس ده مايمنعشي اهنم عندهم خبره ومتخصصين.
اي استفسار انا تحت امركم.

[IronHead]

انا مش قادر افهم التوكيل الجديد ده مبيعرفش يقرأ كاتلوج الصيانة بتاع العربيات ولا هو بيستهبل
انا رأيي تكلم دايوند الخط الساخن بتعهم وتشتكى مصيلحى انه عايز يغير حاجات قبل معادها بكتير ومش ماشى على كتالوج الصيانة الدورية بتاع الشركة الام
طب احكلنا اسعار الفلاتر فى دايموند عامله ازاى؟ انا سمعت ان التوكيل القديم اغلى من دايموند ب 10%

[Ruin Scud]

انا مش قادر افهم التوكيل الجديد ده مبيعرفش يقرأ كاتلوج الصيانة بتاع العربيات ولا هو بيستهبل
انا رأيي تكلم دايوند الخط الساخن بتعهم وتشتكى مصيلحى انه عايز يغير حاجات قبل معادها بكتير ومش ماشى على كتالوج الصيانة الدورية بتاع الشركة الام
طب احكلنا اسعار الفلاتر فى دايموند عامله ازاى؟ انا سمعت ان التوكيل القديم اغلى من دايموند ب 10%

انا بقيت مستغرب لما لقيتهم بيقولو تغيير زيت فتييس وسير محرك و بوجيهات بس طبعا انا من طريقة حواره معايا فهمت انو عايز يعمل شغل ده غير المصنعيه يعني المصريه 170 جنيه + 30 تغيير تيل بره المصنعيه وهما عايزين 350 وعلى فكره قطع الغيار مش ارخص من المصريه بل بالعكس اغلى بس بحاجات بسيطه يعني 20 او 30 جنيه.
وعلى فكره لما كلمت دايموند في التليفون على النمره الموحده اكدلي ان قطع الغيار بتاعت مصريه مش اصليه لأن الشركه الأم مابقتش تديله قطع غيار وان اللي عندو بس هيا اللي اصلي وعشان كده اغلى وقالي اني لو عملت الصيانه عند المصريه هاطلع بره الضمان بالرغم من اني شاري العربيه موديل 2008.
طبعا من حسن الحظ اني عديت على المصريه اللي في قليوب بالصدفه قولت اسأل الأول واتأكدت من ان كلامهم كلو فشنك.

[IronHead]

انا بقيت مستغرب لما لقيتهم بيقولو تغيير زيت فتييس وسير محرك و بوجيهات بس طبعا انا من طريقة حواره معايا فهمت انو عايز يعمل شغل ده غير المصنعيه يعني المصريه 170 جنيه + 30 تغيير تيل بره المصنعيه وهما عايزين 350 وعلى فكره قطع الغيار مش ارخص من المصريه بل بالعكس اغلى بس بحاجات بسيطه يعني 20 او 30 جنيه.
وعلى فكره لما كلمت دايموند في التليفون على النمره الموحده اكدلي ان قطع الغيار بتاعت مصريه مش اصليه لأن الشركه الأم مابقتش تديله قطع غيار وان اللي عندو بس هيا اللي اصلي وعشان كده اغلى وقالي اني لو عملت الصيانه عند المصريه هاطلع بره الضمان بالرغم من اني شاري العربيه موديل 2008.
طبعا من حسن الحظ اني عديت على المصريه اللي في قليوب بالصدفه قولت اسأل الأول واتأكدت من ان كلامهم كلو فشنك.

الحمد لله ان ربنا نجاك, ومبروك الصيانه ياباشا, بس انا ريى انك تكلم دايموند تعمل شكوى عشان حوار انهم مش ماشين على جدول الصيانه الصح وبيغيرو بمازجهم

[IronHead]

انا بقيت مستغرب لما لقيتهم بيقولو تغيير زيت فتييس وسير محرك و بوجيهات بس طبعا انا من طريقة حواره معايا فهمت انو عايز يعمل شغل ده غير المصنعيه يعني المصريه 170 جنيه + 30 تغيير تيل بره المصنعيه وهما عايزين 350 وعلى فكره قطع الغيار مش ارخص من المصريه بل بالعكس اغلى بس بحاجات بسيطه يعني 20 او 30 جنيه.
وعلى فكره لما كلمت دايموند في التليفون على النمره الموحده اكدلي ان قطع الغيار بتاعت مصريه مش اصليه لأن الشركه الأم مابقتش تديله قطع غيار وان اللي عندو بس هيا اللي اصلي وعشان كده اغلى وقالي اني لو عملت الصيانه عند المصريه هاطلع بره الضمان بالرغم من اني شاري العربيه موديل 2008.
طبعا من حسن الحظ اني عديت على المصريه اللي في قليوب بالصدفه قولت اسأل الأول واتأكدت من ان كلامهم كلو فشنك.

الحمد لله ان ربنا نجاك, ومبروك الصيانه ياباشا, بس انا ريى انك تكلم دايموند تعمل شكوى عشان حوار انهم مش ماشين على جدول الصيانه الصح وبيغيرو بمازجهم
فى كام اخ اشتكو من الموضوع ده غيرولهم فلتر الهواء على 20000 والمفروض ميتغيرش قبل 40000

[Ruin Scud]

الحمد لله ان ربنا نجاك, ومبروك الصيانه ياباشا, بس انا ريى انك تكلم دايموند تعمل شكوى عشان حوار انهم مش ماشين على جدول الصيانه الصح وبيغيرو بمازجهم
فى كام اخ اشتكو من الموضوع ده غيرولهم فلتر الهواء على 20000 والمفروض ميتغيرش قبل 40000

الله يخليك ويبارك فيك , انا بالرغم من اني مش هاعمل عندهم حاجه ولا هاتعامل معاهم بس هاكلمهم واقول موضوع التغيير بدون ميعاد ده لأن كده يبقى استهبال.

[nonnos5]

فلتر الهواء على 20000 ليه

ازاى ياباشا تغيير فلتر الهواء على 20 الف كيلو ليه ده حرام انت عارف انا مغير فلتر الهواء وفلتر البنزين لاول مرة من ساعة ما اشتريت العربية فى شهر 12 سنة 2006 من اربع ايام بس على 98500 كيلو والله ماكان عندى اى مشكلة خالص بس انا كنت بنظفة باستمرار انا عارف انى متاخر عليه بس فرق فى ايه عمره مافرق معايا فى السحب وتجميع العربية هوه هوه حتى لو فرق واحد فى الميه كنت بنظفه بالهواء كويس بيرجع تانى وانا عاوز اقولك مش كل حاجة تتلتزم بيها معاهم صدقنى فيه حاجات لازم تمشيها برويتك انت لان كده بترمى فلوسك فى الارض

[IronHead]

ازاى ياباشا تغيير فلتر الهواء على 20 الف كيلو ليه ده حرام انت عارف انا مغير فلتر الهواء وفلتر البنزين لاول مرة من ساعة ما اشتريت العربية فى شهر 12 سنة 2006 من اربع ايام بس على 98500 كيلو والله ماكان عندى اى مشكلة خالص بس انا كنت بنظفة باستمرار انا عارف انى متاخر عليه بس فرق فى ايه عمره مافرق معايا فى السحب وتجميع العربية هوه هوه حتى لو فرق واحد فى الميه كنت بنظفه بالهواء كويس بيرجع تانى وانا عاوز اقولك مش كل حاجة تتلتزم بيها معاهم صدقنى فيه حاجات لازم تمشيها برويتك انت لان كده بترمى فلوسك فى الارض

انا معاك ان فلتر الهواء لو بتنظفه باستمرار ممكن يقعد معاك فترة اطول
نفس القصة فى فلتر البنزين, لو مبتسناش لما البنزين ينقص فى التانك ومتخليش البنزين ينقص عن الثلث او الربع الاخير من التانك كحد اقصى وبتحط بنزين 92 من بنزينه نظيفه هيقعد معاك اكتر, بس الواحد بيبقى مضطر ياتزم بجدول الصيانة الدورية اللى موجود فى الكتالوج عشان الضمان, انما التوكيل يبقى عايز يغير الحجات قبل معادها يبقى حاجة من الاثنين, يا اما هو حرامى وبيستهبل يا اما هو مس فاهم حاجة وفى الحالتين دى كارثة مستحكمه فى حضيض التدنى :-)