حادثة صغيرة

[eng/ahmed_go]

وانا ماشي يا جماعة لقيت موتوسيكل راشق في الاكصدام من ورا ونزلت لقيت الفانوس اتكسر وجزء من الاكصدام اتعوج وجزء من الشنطة اتنى وجزء من ناحية الباب الوراني اللي جنب الفانوس اتخدش
المهم الموضوع خلص والراجل اعتذر واخدت نفسي ومشيت
المهم دلوقتي مش عارف اعمل ايه __> العربية لانسر موديل 2010 والفانوس الخلفي اللي اتكسر من ناحية الشمال ..........................
-اروح اجيب وش فانوس لاني جربت الانوار كلها شغالة
-ولا اجيب فانوس تايواني ب 300 جنيه
-ولا اجيب فانوس استيراد من الحرفيين ب600 او 700 جنيه (خايف اجيب من هناك يضحك عليا لاني معنديش خبرة في الحاجات دي)

ولا اروح التوكيل واجيب فانوس جديد ب1200 (معرفش بالتركيب ولا لاء) واخليهم يردولي الجزء بتاع الكصدام
معلش هتعبكم معايا بس يصراحة انا محتار جدا ومش عارف اعمل ايه

وشكرا مقدما

[eldell]

وانا ماشي يا جماعة لقيت موتوسيكل راشق في الاكصدام من ورا ونزلت لقيت الفانوس اتكسر وجزء من الاكصدام اتعوج وجزء من الشنطة اتنى وجزء من ناحية الباب الوراني اللي جنب الفانوس اتخدش
المهم الموضوع خلص والراجل اعتذر واخدت نفسي ومشيت
المهم دلوقتي مش عارف اعمل ايه __> العربية لانسر موديل 2010 والفانوس الخلفي اللي اتكسر من ناحية الشمال ..........................
-اروح اجيب وش فانوس لاني جربت الانوار كلها شغالة
-ولا اجيب فانوس تايواني ب 300 جنيه
-ولا اجيب فانوس استيراد من الحرفيين ب600 او 700 جنيه (خايف اجيب من هناك يضحك عليا لاني معنديش خبرة في الحاجات دي)

ولا اروح التوكيل واجيب فانوس جديد ب1200 (معرفش بالتركيب ولا لاء) واخليهم يردولي الجزء بتاع الكصدام
معلش هتعبكم معايا بس يصراحة انا محتار جدا ومش عارف اعمل ايه

وشكرا مقدما

قدر الله وماشاء فعل انا حصل عندى الموضوع ده جبت فانوس ديبو 170 جنيه ومفيمه خفيف وكويس معايا بقاله حوالى 4 شهور حلو اوى

[Ralliart]

هات تايواني (ديبو او tyc) مش هيزيد عن 200 جنيه ونسخة طبق الاصل من الاصلي

[eng/ahmed_go]

شكرا يا جماعة على ردودكم بس المشكلة ان في ناس قالتلي ان لون الفانوس التايواني بيصفر مع الوقت وبيبقى شكلو جنب الفانوس الاصلي التاني فبيشوه شكل العربية من ورا

[eng/ahmed_go]

فبيبقى شكلو غبي

[Ralliart]

لا مبيصفرش انا الديبو ركب عندي 3 سنين واتخبط وجبت tyc داخل في سنة وشوية واتحدى ان حد يعرف يفرقه عن الاصلي
وديبو دي ماركة محترمة جداً في صناعة وتعديل الفوانيس مش شركة اي كلام
لو غيرت الوش بس هيكون حتة بلاستكة ب10 جنيه ملزوقة بسيليكون ودا اللي بيصفر جداً وبيبقى شكله غبي لانه مصنوع في مصنع بلاستيك مصري انا جربته من مصنع الاهرام ومكملتش يومين ورميت الفانوس واشتريت واحد تايواني

[nonnos5]

الديبو جميل

انا اول ما اشتريت العربية وهيا لسه جديدة فى 2007 اخويا بيركن فى الجراج كسر الفانوس الخلفى يمين وكنت زعلان جدا وعاوز اجيبه اصلى واحد قالى هات الديبو ومش هتحس بفرق قولت هجيبه وقتها سد خانة على ما ابقى اجيب الاصلى لان الاصلى كان غالى جدا والديبو كان ب 180 جنيه وبعد ماجبته مالقتش فرق بينه وبين الاصلى الشمال واهوه راكب من اول 2007 لدرجة ان العربية كنت بعمل صيانة 100 الف فى التوكيل السبت اللى فات بقول لاخويا نركب الفانوس اللى كنا كسرناه اول ما جبنا العربية واحنا واقفين وراء العربية قالى هوه انهى مش عارف اطلع انى اللى اتغير

[M!SHO]

الديبو التايوانى فى حدود 150 جنيه

هو مبيصفرش بس العواكس الحمرا لونها فاتح شويه

أنا اشتريت واحد استيراد ب 250 جنيه ( من واحد صاحبى ).....فى العادى فى حدود 350 جنيه

خد لك لفه فى المحلات اللى على طريق هريه وشارع وادى النيل والسيمباوى ( عندهم التايوانى والأستيراد )

[eng/ahmed_go]

شكرا يا جماعة والله انتو سهلتوا عليا في اخذ القرار وان شاء الله اروح اجيب الديبو التيواني بس السؤال __> ايه احسن مكان اشتري منه سواء في القاهرة او الزقازيق ؟ وشكرا جزيلا

[eng/ahmed_go]

ومعلش هو نفس الراجل (اللي هشتريه منو )هوا اللي هيركبه ولا في حد تاني اروحله يركبه ؟؟

[eldell]

شكرا يا جماعة والله انتو سهلتوا عليا في اخذ القرار وان شاء الله اروح اجيب الديبو التيواني بس السؤال __> ايه احسن مكان اشتري منه سواء في القاهرة او الزقازيق ؟ وشكرا جزيلا

موجود عادى فى التوفيقيه هتلقيه عند ابراهيم البنا او الزقازيقى وبعدها تروح لاى سمكرى يركبهولك وبس كده ياباشا

[eng/ahmed_go]

موجود عادى فى التوفيقيه هتلقيه عند ابراهيم البنا او الزقازيقى وبعدها تروح لاى سمكرى يركبهولك وبس كده ياباشا

شكرا جزيلا لحضرتك

[eldell]

شكرا جزيلا لحضرتك

تحت امرك يااستاذ احمد

[memo200545]

ياباشا بس إضافة عن تجربة ابراهيم البنا بيبيع نوع مضروب مش الديبو بيبيع حاجة اسمها ez depo يعنى تقليد والاى زد مكتوبة بخط صغير انا بقولك للنصيحة وانا قبل كدة رحت اشترى منه طرمبة ميه لعربيتى الكريستالة قالى ب 180 ويابانى فقط ولما لفيت فى التوفيقية فيه واحد اسمه مجدى اتلقيت عندة النوع اللى نصحونى بيه بتوع التوكيل يابانى بردوا بس شكرلى فيه واحد فى التوكيل قووووووى وقالى النوع دا هياة ذى الاصلى وجبته ب 175

[eng/ahmed_go]

ياباشا بس إضافة عن تجربة ابراهيم البنا بيبيع نوع مضروب مش الديبو بيبيع حاجة اسمها ez depo يعنى تقليد والاى زد مكتوبة بخط صغير انا بقولك للنصيحة وانا قبل كدة رحت اشترى منه طرمبة ميه لعربيتى الكريستالة قالى ب 180 ويابانى فقط ولما لفيت فى التوفيقية فيه واحد اسمه مجدى اتلقيت عندة النوع اللى نصحونى بيه بتوع التوكيل يابانى بردوا بس شكرلى فيه واحد فى التوكيل قووووووى وقالى النوع دا هياة ذى الاصلى وجبته ب 175

شكرا جزيلا يا باشا على النصيحة