نداء لاصحاب الكرستالة

[elpasha1]

السلام عليكم
انا عندى مشكلة فى طمبورة الكرانك ومش لاقى حل
3 مرات المسمار بتاع الطمبورة يتقطم جوة الكرانك
الغريب ان المسمار بيقرط للاخر وبعداه بكام يوم الاقى الطمبورة فيها رفة وبعدها بيوم او اثنين تطير الطمبورة نتيجة ان المسمار بيتقطم جوة الكرنك
رحت لميكانيكة قال لى انه هيعمل جلبة بسوستة تمسك الطمبورة يعنى نروح لخراط ويوسع مكان المسمار بمعنى ان بدل ما يكون مسمار 17 يكون مسمار 19 (بصراحة مقتنعتش ) لكن اية راى الخبراء فى الموضوع دا
وميكانيكى تانى قال لى سن الكرنك فية بوش ... طيب هو لو فية بوش المسمار يربط
الثالث قال لى احنا نغير عمود الكرانك بالترس بالطمبورة ويكونوا من مكنة واحدة بس الموضوع دا مكلف جدا يا جماعة والموتور هيتفك رغم انه زى الفل
بسراحة انا تعبت جدا وصرفت مصاريف كتير ومش عارف اعمل اية
السؤال
1- هل ممكن العيب يكون جوة عمود الكرانكرغم ان الالوظ بتاعة بيربط كويس
ولو العيب مش منة يكون منين ؟

[elpasha1]

اية يا جماعة محدش معاة كرستالة

[HeMa_LanCeR]

كده مكان المسمار وسع
والحل فعلا انه يتمشط تاني
ويتعمله مسمار اكبر
واللي هيعمل كده الخراط

[mohammedabdallh]

مصطفى بيه ((prisoner))الى هيفيدك فى الحوار ده
علشان كان عنده نفس المشكله وحلها
استنى لما يدخل ومش هيبخل عليك بحاجه

[elpasha1]

كده مكان المسمار وسع
والحل فعلا انه يتمشط تاني
ويتعمله مسمار اكبر
واللي هيعمل كده الخراط

اتمشط الكرنك فعلا وبدل ال17 بقى 19 لكن المسمار قطم بردة
مش عارف اعمل اية

[HeMa_LanCeR]

ركب مسمار صلب ياباشا
وياريت تتأكد ان مافيش رفة في اي طمبورة

[elpasha1]

هيما بك
ال5 مسامير اللى ركبوا صلب
والتاكيد انة بيتقطم مبيتعوجش
وكشفت على الطمبورة عند خراط قال لى انها سليمة
انا والله العظيم هتجنن

[l0new0lf]

متخليش الميكانيكى يشد السير اللى على الطمبوره بغباء
و بلاش موضوع المسامير الصلب

[HeMa_LanCeR]

طيب ممكن تجرب انك تحط وردة زنق بين راس المسمار والطنبورة
وياريت تغير بتاع المسامير لو هو نفس اللي بتشتري منة كل مرة

[prisoner]

شوف طمبورة تكون سليمة 100 *100 مفيهاش رفة لان الرفة هية اللى بتقطم المسمار وطالما العمود نفسه كويس مفيهوش اعوجاج يبقى الموضوع سهل وانا كنت بعتلك رقم واحد هناك اعتقد ابو الهنا عنده حل لمشكلتك انا اسف انى مكنتش متابع هنا مشفتش الموضوع ولو عايز اى حاجة طمنى وموضوع انك تجيب من اول العمود لغاية المسمار اسهلك تبيع المكنة وتسقط واحدة استيراد بس خللى بالك علشان الموضوع ده حصل معايا قبل كده البيه اللى عملى سير الكاتينة حسبى الله ونعم الوكيل مربطش المسمار كويس وده اللى خلى الكمبورة ترف جامد وتكسر الترس مش المسمار وكل فترة لازم تشيك عليها

[mostafa2012]

انا رأيى من رأى prisoner لان الموضوع ده كان عندى فى العربية القديمة وماتحلش اصلا لان المشكلة محدش عرف ايه سببها وكل مااروح لميكانيكى يقعد يفتكس ويحنكش فى العربية وبعدها بيومين المسمار يتقطم واقعد الم فى قطع غيار العربية من الارض زى الباشا
والمشكلة دى فعلا ما كانش ليها حل بالنسبة ليا وبعد كده سقط ماكنة استيراد وكانت زى الفل الصراحة
وهى دى قصة حياتى مع مسمار الكرنك

[hishamkenawy]

جرب تجيب المسمار الاصلى من منفذبيع قطع الغيار فى الكت كات اخر مرة سالت عليه كان 65 جنيه والمكانيكى عمل ذى زنبه تانيه فى الطنبورة علشان الرفه الى فى الطنبورة