تغيير الأكياس الهوائية

[ashrafezz]

م.طارق سؤال عن

أفيدونى هل الأكياس الهوائية تعمل مع أى صدمة حتى لو خفيفة وهل عندما تخرج الاكياس يتم تغير الريكسيون والتابلوة حسب ما سمعت أنا معى 1300 خليجى:arghh:

[Sharky]

فى حالة فتح الإيرباجز يجب أن يتم التابلوه و الدريكسيون
أو أن يتم عمل كسوه للتابلوه لكن طبعا لن تكون فى جودة التابلوه

[NaderNabil]

اللانسر ال 1300 علي قد معلوماتي لا يوجد بها ايرباج للراكب الأمامي...اذا مافيش في التابلوه

[limo]

اللانسر ال 1300 علي قد معلوماتي لا يوجد بها ايرباج للراكب الأمامي...اذا مافيش في التابلوه

+1
الانسر ال1300 بعض الخليجى فيها اير باج واحده للسواق فقط موجوده فى الطاره
فيه لانسر 1300 مفيهاش اير باج خالص سواء للسواق او الراكب الامامى

فلو لا قدر الله الاير باج فتحت كل الاضرار الى هتكون عندك فى الطاره مش فى التابلوه
وممكن تجيب طاره استراد
او تجيب طاره من غير اير باج جديده
او طاره جديده باير باج
او على حد علمى انت ممكن تغير واحده الاير باج بس (بتبقى مكان الكلاكس كله والى تحته )
وده شوفتها فى عربيه مرسيدس

ياريت فعلا المهندس طارق يقولنا تكلفه تصليح الاير باج سواء الطاره او التابلوه وايه احسن الحلول

[Moh.Fahmy]

اللانسر ال 1300 علي قد معلوماتي لا يوجد بها ايرباج للراكب الأمامي...اذا مافيش في التابلوه

لا يا نادر باشا انا معايا خليجي 1300 و فيها اير باج للسائق
اللانسر المصري اللي مافيهاش و كذلك الاردني


محمد فهمي

[NaderNabil]

لا يا نادر باشا انا معايا خليجي 1300 و فيها اير باج للسائق
اللانسر المصري اللي مافيهاش و كذلك الاردني


محمد فهمي

ايوه انا عارف ان فيها للسائق...انا بقول مافيش للراكب الأمامي

[Moh.Fahmy]

ايوه انا عارف ان فيها للسائق...انا بقول مافيش للراكب الأمامي

اسف نادر باشا ما اخدتش بالي من صياغة كلامك كويس ....آخر اليوم بقي


محمد فهمي

[مصراوي جدا]

اولا الايرباج مش بتفتح في جميع الحوادث حتى الضعيفة بل بالعكس فيه حوادث متوسطة ومش بتفتح فيها الايرباج


وفي owner manual الأزرق اللي في العربية فيه صفحات محددة بتقول ايه الحالات اللي فيها الايرباج ميفتحش لأن اساسا الايرباج له مخاطره وبالتالي مش مفروض يفتح في حادث بسيط مش هيأثر على السائق في حاجه طالما رابط الحزام


اما عن تغييره فالايرباج غالي مش رخيص وبتيجي طارة الدركسيون على بعضها وفيها الايرباج من بره وغير مسموح انها تيجي ضمن طلبيات قطع الغيار السريعة على الطائرة لأنها مواد خطرة ولا يسمح بشحنها على الطائرات كما أنها لازم تاخد موافقات أمنية لدخولها البلد لأنها مواد خطرة (متفجرة) والورق بيلف في جهات حكومية كتير لغاية ما يتوافق على دخول كام ايرباج في طلبية قطع غيار


في حالة الدركسيون بيتم تغييره وفي حالة التابلوه بيتم تركيب الايرباج الجديدة ويتغير حاجه اسمها قشرة تابلوه بدل اللي بتنقطع ويخرج منها الايرباج


وربنا يبعدكم جميعا عن الحاجه لخروجه من مكانه

[mshamy]

انا عارف ان ده قسم المتسوبيشي بس حبيت اني اشارككم بتجربه شخصيه طازه في الموضوع ده بالنسبة للهوندا وما اعتقدش ان الموضوع حيفرق كتير
من غير ما أطول عليكم انا كنت بادور في بنك الإسكان في بورسعيد "مكان بيع قطع الغيار المستورده" على طاره سوداء جلد طبيعي بالإيرباج بدل الرمادي علشان تبقى ماشيه مع التابلوه و فرش الأبواب الخاص ب SiR و دي حجاتها نادره جدا و الحمد لله ربنا و فقني و لقيت الطاره بلأيرباج و اشتريتها ب 380 جنيه و كان الراجل بيتكلم في 450 جنيه و لقيت و احد تاني عنده التابلوه االي فيه الإيرباج بتاع VTi الأوروبي و كان عايز يبيعه بحوالي 3500 جنيه بس بصراحه ما فيهوش غلطه
خلاصة القول ان هيه دي متوسط اسعار الطارات و التابلوهات التي تحتوي على الأيرباج في موديلات الياباني اواخر التسعينيات و طبعا كل ما الموديل بيعلى ..الأسعار بتعلى

[Karim_Monir]

حلو قوي سعر التابلوة والطارة كدة
التابلوة الجديد بالاير باج ممكن يعدي ال 15 الف في التوكيل بدون ضريبة

[mshamy]

و لو كنت دخلت التابلوه بتاعي في البيعه كان ممكن يوص السعر ل 2000 جنيه ..بس الدنيا كانت مزنقه شويه ...الشهر الجاي لو ربنا أراد إن شاء الله

حلو قوي سعر التابلوة والطارة كدة
التابلوة الجديد بالاير باج ممكن يعدي ال 15 الف في التوكيل بدون ضريبة

[Karim_Monir]

ربنا يفرجها عليك وعلينا
لو عايز اي حاجة قول ما تتكسفش
انا بقف على باب السيد من 6 ل 10 يوميا اجيب حق البامبرز
ممكن تطول شوية انت وتجيب حق التابلوة
ها هاهاها

اه يا بلد عايزة ولد
بس يا خسارة الولد نايم

[momo44]

انا معايا ميتسوبيشى ميراج فيها اتنين ايرباج للسائق والراكب الامامى