استفسار بخصوص جرايد السقف

[Haitham10]

السلام عليكم ورحمة الله وبركاته جميعا

حد يعرف ياجماعة الجرايد الي بتبقي علي السقف في الاجناب تمنها كام وهل في منها جديد ولا كله استيراد بس

انا سألت واحد قالي 450 جنيه وحاسس السعر دة غالي اوي انا كنت فاكرها 200 بالكتير

مستني الافادة منكم

[ahmed_120s]

بص يا باشا الاتنين استيراد بيبتدوا بـــ500 جنية و انت و شطارتك انا جايب واحدة يمين بــ 190 جنية بالتركيب

من الحسنية في المنصورة .. الجديد منها ب200 جنية الواحدة عند اولاد الخضري في المنصورة بس صيني و بتشقق بسرعة اوي ..

و عندك السمباوي هنا في الزقازيق بس بيغنوا بـــ 500 و اخر كلام 450 للاتنين ..

نصيحة اخيرة لو عاوز واحدة مش تعرفة الاتجاة يعني لو عاوز الجريدة يمين قوله عاوز شمال هتلاقية بيقولك شمال بــ250 يمين بــ 150 هي دي الاسعار عملوها فيا .

[Haitham10]

تسلم يااحمد واول مرة اخد بالي من موضوع يمين وشمال دة

هي لو تمنها كدة فعلا يبقي بناقص منها اللي موجود يسد انا تخيلتها ارخص بكتير فقلت اتاكد هنا

[ahmed_120s]

يا ريس خلي بالك انا ركنت العربية في رمسيس تلت ساعة رجعت لقيت واحدة متشالة في عز عز الضهر .

[prisoner]

للاسف هوة ده جشع تجار الاستيراد بالرغم ان العربية كلها بمصاريفها متعملش 10 الاف جنيه بس بيبعوا اقل حاجة بالشئ الفلانى علشان يبقى المكسب 100*100 ربنا يرحمنا فعلا انا كنت سالت عليهم قبل كده قالولى 500 ليه هوة السقف كلو بكام يعنى والاعتاب بتاعت الباب الطقم ب 300 جنيه حاجة زفت والله

[HeMa_LanCeR]

للاسف هوة ده جشع تجار الاستيراد بالرغم ان العربية كلها بمصاريفها متعملش 10 الاف جنيه بس بيبعوا اقل حاجة بالشئ الفلانى علشان يبقى المكسب 100*100 ربنا يرحمنا فعلا انا كنت سالت عليهم قبل كده قالولى 500 ليه هوة السقف كلو بكام يعنى والاعتاب بتاعت الباب الطقم ب 300 جنيه حاجة زفت والله

مش جشع تجار ولا حاجة
هي الفكرة انها قليلة لأنها مش بتيجي مع كل سقف
يعني ممكن التاجر يجيب 10 عربيات ويبقي في عربية واحدة بس

[Haitham10]

صح يا هيما ومبتبقاش عنده مرطرطه زي اي قطع تانية دي نقطة
والنقطة التانية زي ما البياع قالهالي عشان مستغربش .. ان دي بتنفع موديلات من 2001 ل2011 يعني موديل السنة ..


وبالنسبة للي اتسرق منه انا ليا واحد صاحبي في الزقازيق حكالي علي واحد اتسرقت منه 3 مرات لغاية ما حلف انه ما يشتريها تاني ... هي بقت موضة للسرقة ولا اية


ربنا يستر

[SASA3]

فعلا سعرها مبااااااااالغ فيه بغباء

بتاعت الكرستالة كان قايلى بـ250 ؟؟؟؟؟؟؟؟؟

يعنى هى لازمتها ايه علشان تبقى ب السعر ده
انا عندى كانت مشققه و الشمس اكلتها جبت استيكر من الى بيتحط على طرف الزجاج ده و مشيته عليها و زى الفل اهيه ولا الحوجة

[Haitham10]

مانا عندي متقشره وحطيت عليها اللزق دة سنة ياجماعة وبدا يتشال وشكله عرره
دة غير ان فيها كلبسات مكسورة تقريبا ومبوخه المنظر العام
عموما المبلغ ده اصلا اعتقد لو حبيت احطه في العربيه يبقي في حاجه تانية افيد