مساعدو من رجالة ميتسوبيشى

[احمد فهمى]

السلام عليكم يا رجاله
اخوكم معاه اوبل فيكترا 2008 وهتكفرنى انا ركبت عربيات كتير ومقتنع ان الالمانى افضل من اليابانى والكورى بس مش ممكن كم المشاكل دى كعربيه فى الثبات والتسارع والفرامل افضل اكيد بس مشاكل تقريباً كل شهر المهم :-
انا كان معايا لانسر ميراج 1600اوتوماتيك 1999 اصليه كنت شاريها من الجمرك وكانت تحفه بجد وعمرها عطلت ولا وقفت ولا الحراره طلعت ولا الهوا وقطع غيارها تقريباً ببلاش ومش هتصدقو لو قلتلكم انى جبت بعدها كرولا 2007 وبعتها بعد شهر والفرق كان ملحوظ الميراج احسن وارسى وتحس انها المانى ومع كل دول كان انا كنت راكب فيكترا 1999 اعدت 10 سنين ولا الهوا بس للاسف كانت مانيوال وطبعاً المانيوال خلاص كان هيجبلى دوالى وانا قررت ابيع الفيكترا واجيب حاجه من اتنين لانسر شارك ومستغرب كم الانتقادات مع انها مع ابن عمى وشايفها افضل 100 مره من البومه او اجيب كورولا الجديده كل ده 2008 2009 لانى مش هجيب زيرو عايز رايكم فى الشارك الناس بتفتى وتقول مشاكل وقطع غيار وجيب احسن سيراتو او ايلانترا هم مش وحشين بس انتشار مقرف بجد رجاء الافاده يا رجاله والله المستعان

[kholio]

هتبقى غلطة غمرك لو سبت الشارك وجبت النترا او سيراتو الشارك زيها زي الفانتازيا او الجيتا ومستوي ركوبة تاني خالص والشارك كعربية اعلى من السيراتو والالنترا وكمان احسن من كورولا 2009 نصيحة متفوتش ركوبة الشارك لانها ركوبة عالية جدا و عربية مفيهاش اي مشاكل خالص وقطع غيارها بقت موجودة ومنتشرة جديدة واستيراد

[احمد فهمى]

هتبقى غلطة غمرك لو سبت الشارك وجبت النترا او سيراتو الشارك زيها زي الفانتازيا او الجيتا ومستوي ركوبة تاني خالص والشارك كعربية اعلى من السيراتو والالنترا وكمان احسن من كورولا 2009 نصيحة متفوتش ركوبة الشارك لانها ركوبة عالية جدا و عربية مفيهاش اي مشاكل خالص وقطع غيارها بقت موجودة ومنتشرة جديدة واستيراد

شكرا على اهتمامك بس ممكن تدينى معلومات عنها اكتر كقطع الغيار والصيانات

[nice_bird]

بص يا ريس السيراتو من العربيات اللي فيها اهتمام كبير بالشكل والاوبشنز لكن من ناحية الثبات مش حلوة قوي وبتعوم بسهولة واداء الفرامل فيها مش زي الياباني طبعا والانترا لاتختلف كثيرا عن السيراتو و الكوري وانا رائيي تخليك في الانسر شارك عربية محترمه ثباتها حلو خالص اسنهلاك بنزين كويس خالص بس العيب الوحيد اللي اعرفو عنها ان قطع غيارها غالية (مقارنتا بالبومة والكوري) بس طبعا لو حضرتك جبت عربية حالتها كويسة مش هتحتاج الموضوع دا دلوقتي خالص

وكان ليا استفسارين
1- كنت عايز اعرف متوسط سعر الميراج كام لو مستعمل نضيف !
2- ال1600 اوتو في الميراج بيبقي الفتيس في Ds ولا L23 زي الاوتوماتيك العادي وهل في تشابة في قطع الغيار بينها وبين الكريستالة ولا تشابة في الشكل بس !

[bebo_mody_244]

الشارك والله احسن من اللى انت قلت عليهم دول انا معايا برضه كورولا 2008 بس والشارك معايا 2011 وانا بقولك الشارك احسن 100 مره من اللى انت قلت عليهم عمرك ماهتودى العربية لاى حد خالص اتوكل ع الله وهات الشارك و انشاء الله و بأذن الله مش هتندم

[soltanfriend]

بص يا ريس السيراتو من العربيات اللي فيها اهتمام كبير بالشكل والاوبشنز لكن من ناحية الثبات مش حلوة قوي وبتعوم بسهولة واداء الفرامل فيها مش زي الياباني طبعا والانترا لاتختلف كثيرا عن السيراتو و الكوري وانا رائيي تخليك في الانسر شارك عربية محترمه ثباتها حلو خالص اسنهلاك بنزين كويس خالص بس العيب الوحيد اللي اعرفو عنها ان قطع غيارها غالية (مقارنتا بالبومة والكوري) بس طبعا لو حضرتك جبت عربية حالتها كويسة مش هتحتاج الموضوع دا دلوقتي خالص

وكان ليا استفسارين
1- كنت عايز اعرف متوسط سعر الميراج كام لو مستعمل نضيف !
2- ال1600 اوتو في الميراج بيبقي الفتيس في Ds ولا L23 زي الاوتوماتيك العادي وهل في تشابة في قطع الغيار بينها وبين الكريستالة ولا تشابة في الشكل بس !

الاختلاف بين اللانسر والميراج فى الاكصدمات والشنطة والماكينة
الماكينة بتكون 1500 mvv انجيكشن 132 حصان (ودا اللى معايا) او 1500 عادى ودى بيسموها الماكينة البيضة وهى برضه انجيكش 112 حصان ودى اقتصادية اكتر طبعا او 2000 ودى لموديل 2001 فقط موضوع ال1600 دا بصراحة اول مرة اشوفة فى عربية ميراج بس فى الغالب ممكن تكون مغيرة ماكينة فى بلادها
وبالنسبة للفتيس فهو عادى L23 زى اللانسر بالظبط

[احمد فهمى]

الاختلاف بين اللانسر والميراج فى الاكصدمات والشنطة والماكينة
الماكينة بتكون 1500 mvv انجيكشن 132 حصان (ودا اللى معايا) او 1500 عادى ودى بيسموها الماكينة البيضة وهى برضه انجيكش 112 حصان ودى اقتصادية اكتر طبعا او 2000 ودى لموديل 2001 فقط موضوع ال1600 دا بصراحة اول مرة اشوفة فى عربية ميراج بس فى الغالب ممكن تكون مغيرة ماكينة فى بلادها
وبالنسبة للفتيس فهو عادى l23 زى اللانسر بالظبط

لا 1600 امريكى مش يابانى يعنى من مصنع ميتسوبشى فى امريكا والمنشاء كان امريكا مش اليابان وعدادها كان بالميل وهى لسه موجوده لان اللى اشتراها صديق وكان فتيش اوتوماتيك عادى رى بتاع الكريستاله وبتختلف من جوه 2 ايرباج وكراسى والكنبه مختلفين وقطع الغيار بتاعت الموتور لمى كنت بشتريها نفس سيور البروتون وده كلام بتوع قطع الغيار وفلتر البنزين والفتيس بتوع السيفك ولو حد عندو فكره عن اسعار قطع غيار الشارك او اسعارها فى المستعمل يا ريت يفيدنى

[soltanfriend]

لا 1600 امريكى مش يابانى يعنى من مصنع ميتسوبشى فى امريكا والمنشاء كان امريكا مش اليابان وعدادها كان بالميل وهى لسه موجوده لان اللى اشتراها صديق وكان فتيش اوتوماتيك عادى رى بتاع الكريستاله وبتختلف من جوه 2 ايرباج وكراسى والكنبه مختلفين وقطع الغيار بتاعت الموتور لمى كنت بشتريها نفس سيور البروتون وده كلام بتوع قطع الغيار وفلتر البنزين والفتيس بتوع السيفك ولو حد عندو فكره عن اسعار قطع غيار الشارك او اسعارها فى المستعمل يا ريت يفيدنى

ما هو معروف ياباشا ان الميراج امريكانى بس انا بقول على الماكينة لأن حتى فى الشونة فى بورسعيد ما فيش حاجه اسمها ماكينة ميراج 1600 انما فيه ماكينة لانسر 1600 انجيكشن
هاتقولى وانت عرفت منين ان الماكينة دى مش ميراج ها اقول لحضرتك لأن العربيات بتيجى متقطعة والماكينة بتتشال من قطعية لانسر مش ميراج

[kholio]

شكرا على اهتمامك بس ممكن تدينى معلومات عنها اكتر كقطع الغيار والصيانات

بالنسبة لقطع غيارها موجودة في الحرفيين ومنتشرة هناك جدا وحضرتك ممكن تنزل الحرفيين وتسأل على قطع غيارها هناك وبالنسبة لقطع غيارها قريبة نوعا ما من اسعار قطع غيار البومة الحاجة الوحيدة اللي غالية في الشارك الفوانيس الامامية اللي بالعدسات والزينون الاصلى