استفسار عن سعر عربية لانسر 2007

[chicobon]

سلام عليكم
عندي سؤال بخصوص عربية معروضة علينة للبيع لانسر 2007 اتوماتيك صاحبها عاوز يبيعها بي 76 الف جنيه العربية عملة 25 الف كيلو هي شكلها كويس من برة فيها خبطة بسيطة بس من الجنب و يعني عادي مافيش عربية في مصر من غير حكة المهم سؤالي هل السعر ده سعرها و لا ايه و فين احسن مكان اودي العربية عشان يدوني فحص شامل عليها هل اروح بيها التوكيل بتعها الي عند سوق القنال ؟ طيب بتتكلف كام الفحص العربية لسه في الضمان موديل 2007 معلش اصل ديه اول مرة اجيب عربية مستعملة و مش بفهم اوي في العربيات يعني شكلها الخارجي كويس بس الله اعلم هي لسه صاحبها هيخلص اورقها يعني لسه ودامي اسبوع اصل صاحبها شاريها بي اقساط و لسه هيخلصها عليها حظر بيع يعني اتمني منك المساعدة و حد يقولي السعر كويس و اعمل ايه عشان اتاكد ان العربية مافيهاش لعب خصوصا اني هشتريها من معرض عربيات معرفش صاحبها يعني مستني منكم الردود لو سمحتم و شكرا :)

[alhamza]

1300 or 1600

[chicobon]

1300 سي سي معرفش بقي خليجي ولا مصري

[alhamza]

السعر معقول لو العربيه سليمه بس لازم تكشف عليها في التوكيل الاول

[chicobon]

التوكيل الي هو فين انا قريت هنا انه في جسر السويس و واحد قالي انها رواس معرفش بقي مين الاضمن فيهم

[chicobon]

هو محدش عاوز يديني كلمته ليه يعني الكل بيدخل و مافيش ولا تعليق ؟؟؟؟؟:embarrassed2:

[mada121977]

السعر ده مغرى جدااا علشان اللانسر ال 1300 المصرى دلوقتى ب 98 الف والخليجى اقل بحوالى 4 او 5 الاف (ده سعر المانيوال ) والاوتوماتيك ازيد ب 3 او 4 الاف يعنى السعر ممتاز جدا .. وبالنسبه للكشف على العربيه حضرتك ممكن توديها المركز الرئيسى فى قليوب تقريبا الكشف ب 120 جنيه على ما اتذكر وممكن تسأل الباشمهندس طارق زويل فى الموضوع ده وهوا هيفيدك اكتر منى