يا جماعة فى حد مستخبى فى الشنطة؟

[basom]

امبارح حصل موضوع غريب كنت ماشى بالعربية و سمعت اصوات تخبيط فى الشنطة كأن حد مستخبى فى الشنطة و عايز يخرج و قفت و فتحت الشنطة ملقيتش حاجة سايبة قفلت و مشيت مع كل وقفة و انا طالع يحصل نفس الاصوات هاتجننننننن افيدونى:embarrassed2:

[loai-omar]

ممكن تكون النمره مش مربوطه او بتتهز... اقف و خبط على كل جزء في الشنطه لحد ماتسمع الصوت ايلي بتسمعه

او بأه شنطة عربيتك مسكونه :)

[bee]

باشا بص

شوية احتمالات

- شيل الازازة الي بتخبط رايحه جايه "لو فيه ازاة في الشنطة" او اي حاجه بتجري بمعنى بتتحرك
- احتمال النمرة كويس بردو اتاكد منه
- الاهم من ده كله تكون متأكد ان الصوت من الشنطة
لو كده ومفيش اي احتمال من دول
اقلب السماعات لتحت وشغل قرآن :)

[SEATLOVER]

حاول تحدد مكان الصوت يمين ولا شمال ..وشوف المساعد اللى فى الناحية دى و تأكد منة

[wsamir]

انا مرة حصلت معايا حسيت ان فى تخبيط فى الشنطة و اكتشفت ان كوتشة الشكمان اتقطعت و الشكمان كان بيخبط فى اخر العربية من تحت
راجع عليه يمكن يكون السبب

[م. تيمور]

يمكن تكون الطفايه او العدة فيها اجزاء سايبه .. والاحسن لو حد ركب معاك ورا ومشيت شويه يمكن قربه من الشنطه يحدد فين المشكله
قلنا لما تعرف السبب :)

[kingnoro]

انا حصلت معايا قبل كدة و بعد مدورت مدة و جدت السبب هو العمودين اللي بعرض الشنطة

بس انا معرفش موجودة في موديل عربيتك فية الحكاية دة و لا لا

[sab3aawy]

فكرتنى بشلبى سيلوفان لما كان بيقول "صب فى الطنشة" فى فيلم شركة المرعبين المحدودة (لو ما كونتش شفت الفيلم فقهول لك ان "مارد وشوشنى" سأل شلبى سيلوفان نفس السؤال اللى انت عايز تسألهولى وهو"ما معنى صب فى الطنشة ، فشلبى سيلوفان جاوبه وقال له : يعنى بص فى الشنطة)



شلبى هو الكبير ومارد وشوشنى هو الصغير

بس الوضع هناك كان مقلوب تماما لأنهم كانوا عفاريت عايشين فى مدينة كلها عفاريت والشنطة كان فيها بنى ادمة صغيرة كلهم مرعوبين منها





الطفلة الأمورة دى هى اللى كانت مربية الرعب للمدينة كلها


عموما انصحك تبص على الشكمان والاستبن وتنك البنزين

[Dr.SherifMansy]

انأكد زى ما الأخوة قالوا ان كل حاجة مربوطة فى مكانها صح (الأستبن ، العدة ، المثلث ، شنطة الإسعافات ...الخ) و ماتنساش حاجة مهمة و هى اللوح الخشب اللى مغطى الأستبن ممكن يكون مش بايت فى مكانه كويس و مع المطبات يبقى زى الطبلة
لو كل ده تمام راجع الشكمان و المساعدين
و حلوة فكرة القرآن بس مش محتاج تقلب السماعات لأن الصوت كده كده واصل و بيرن جوه الشنطة
و مدد ....

[Hassan Khalil]

بص علي الاستبن و العدة .. غالبا الاستبن مش حتلاقيه مربوط للاخر ؟..علشان كده بيتهبد مع كل حركة للعربية .

[basom]

يا جماعة الحمد للة ماطلعش عفريت و لا حاجة دية كانت علبة اسبراى بتددحرج فى الشنطة و شكرا على تعونكم

[م. تيمور]

يا جماعة الحمد للة ماطلعش عفريت و لا حاجة دية كانت علبة اسبراى بتددحرج فى الشنطة و شكرا على تعونكم

الحمد لله ان الموضوع طلع على قد كده .. وان كانت تساورني الشكوك انك العفريت اللي كان جوه شنطة العربيه ...وكتبت كده عشان تغطي على اختفاااااء basom المريب طوال الايام الماااضية :) .. هههههههه
لا بجد .. احكي لنا تفاصيل اكتشاف ( الحقيقة ) خطوه خطوه :)

[شاهين - بنز]

اقلب السماعات لتحت وشغل قرآن :)

رجاء من أستاذ Bee عدم المزح في الدين

[medo1970]

الحمد لله انها جت عل قد كده وطلعت علبة سبراى
خللى بالك المرة القادمة

لمشاهدة برامج التليفزيون حمل هذا البرنامج الجميل

http://uploaded.to/?id=dwzz2r

[Ahmad Allawy]

فكرتنى بشلبى سيلوفان لما كان بيقول "صب فى الطنشة" فى فيلم شركة المرعبين المحدودة (لو ما كونتش شفت الفيلم فقهول لك ان "مارد وشوشنى" سأل شلبى سيلوفان نفس السؤال اللى انت عايز تسألهولى وهو"ما معنى صب فى الطنشة ، فشلبى سيلوفان جاوبه وقال له : يعنى بص فى الشنطة)



شلبى هو الكبير ومارد وشوشنى هو الصغير

بس الوضع هناك كان مقلوب تماما لأنهم كانوا عفاريت عايشين فى مدينة كلها عفاريت والشنطة كان فيها بنى ادمة صغيرة كلهم مرعوبين منها





الطفلة الأمورة دى هى اللى كانت مربية الرعب للمدينة كلها


عموما انصحك تبص على الشكمان والاستبن وتنك البنزين

جامد جدا كلامك ده والله يا هندسة..
فعلا ضحكت جدا و استفدت..
اجمل حاجة في اسلوبك في نصيحة بالنسبة لمشكلة انك بتجيب الاجابة بطريقة في منتهي الجمال..
كأننا اطفال بتحكيلها حدوتة..
ده مش تقليل من شأن الاخوة لا قدر الله بس ده من فرط اعجابي باسلوبك و طريقتك..
انا عن نفسي مستمتع بحواديت عمو سبعاوي.. :) :) :)