مشكله بالسياره وبالفيديو

[yoga]

LANCER AUTO 2008 1300 CC WITH RBM HISTATING IN D POSITION AND R - YouTube

يا جماعه انا احترت والله والحمد لله العربيه مظبطانى والحمد لله

العربيه كانت كويسه وتمام ولكن كان بها بعض الاعراض البسيطه واستهلاك البنزين الزايد واحد الاصدقاء شار عليا بفصل الطرف السالب للبطاريه وارجاعه مره اخرى ومن ساعتها وانا دايخ من حساس ايدل لتنظيف بوابه لتنظيف حساسات الفتيس لتغيير بواجى ومشواير ولاد ............. الميكانيكيه اللى ميتسموش وهمهم غير سف الفلوس وبس وتتحل المشكله او متتحلش المهم ياخد حق تعبه وخلاص

الخلاصه

لما باشيل طرفى البطاريه وارجعهم تانى تتظبط العربيه لمده يومين وبعدين تبدا تهرتل تانى اروح شايل الكوابل وارحعهم تتظبط لمده يومين تانى وبعدين تبدا تهرتل تاى وهلم جره

تهرتل ازاااى ؟

ع السلانسيه وهى بارده زى ما يكون فيه فاكيوم ليك يعنى الار بى ام يعلى ويوطى كذا مره وممكن يعلقلو شويه ع 1700 وبعدين ينزل والعربيه لما تجيب الدى بتمشى بسرعه وبتنقل الغيار لوحدها وبدون الدوس ع البنزين ومبتنقلش بعد كده الا لما ادوس بنزين
ولما تيجى ترجع لورااا العربيه تعلى وتوطى والاربى ام يلعب بين 1000 وال 1500 يعنى يطلع وينزل شويه وتبقى طبعا مندفعه وسريعه
تيجى تقف واستنيت شويه وانت دايس ع الدى ترفعالار بى ام وتنزل زى الخلف بالظبط
لو جبت ال انيعنى خليت الفتيس ف المور ترفع لمره واحده الا ر بى ام لحد ال 2000 وتنزل علطوول للاقل من الواحد ودا مش طبيعى
وهى ماشيه لما العربيه بتنقل وبعد الدوس ع البنزين طبعا بحس بارتفاع ف الار بى ام وانخفاض فى النقلات بس ع خفيف
لو شلت رجلى من البنزين وبدون ادوس فرامل بينزل عداد السرعه ومعاه الاربى ام بينزل بس برضه ف النقلات الخلفيه بيعلى شويه ويوطى تانى
مفضلش غير الكنترول يونت هل انا صح ولا غلط

دا اتصور طبعاوالعربيه وزاقفه وبعد مشوار ومازالت ع الدى وانما لو بتمشى قدام او ورااا بتبقى اعلى واوضح سواء ف صوت او السرعه اواداء العربيه بتعلى وتوطى وتجرى وتهدا

[M.Al-Hefnawy]

ممكن بعد إذنك العربية عاملة كام كيلو؟

[Eng.Geo]

أعملها scan
تقريبا ال tps فيه مشكلة

[M.Al-Hefnawy]

ممكن يكون حساس الـ tps محتاج تنضيف هو والبوابة وفلتر الهوا ... جرب التنضيف قبل الكشف بجهاز الأعطال؟

[NFS]

جربت تعملidle learn

[sonystar]

عايز الحل المشكلة دى كانت عندى وانا اللى ظبطها بنفسى حساس tps بهوى المسمار بتاعة بتاخرة سنة تلاقى العربية صوتها عليت فى مسمار تانى فى المانفو توطى بقى العربية منة

صدقنى دا الحل

[yoga2009]

مشكورين ع الرد مكنتش عارف ادخل لان المنتدى كان فيه صيانه

المهم العربيه عامله 80000
عملت سكان مفيش حاجه
عملت تنظيف لكله
عملت ايدل ليرن
المسمار بتاع المانوفل اللى هو ماسك ف الاكسلتير صح اللى بنعلى منه صوت العربيه ونوطيه صح كده ؟

هجرب وواوافيكم بالرد ان شاء الله

[sonystar]

قيل ما تعمل المسمار اللى فى الاكسراتير لازم تظبط حساس tps عارف الحساس دا هوا اللى مخلى الار بى ام يطلع وينزل صدقنى فى هو مسامير الحساس وقدمة سنة يعنى قدم سنة واربط المسمار وبص على الاربى ام شوفوا اتظبط ولا لا ولو متظبطش ارجع هوى الحساس وقدم ثنة وهكدا لحد ما يظبط معاك

صدقنى دى المشكلة عندك

[yoga]

عملت اللى بتقول عليه وجارى التجربه مع انى مش مقتنع اسيب مسمار التى بى اس متهوى المفروض يتربط وبعدين انا عربيتى لانسر بومه وانت عربيتك ايه ؟

[nice_bird]

ممكن تكون في مشكلة في السخان بتاع السلانسية اللي بيعلي العربية وهيا باردة (بيعلق) .... والله اعلم

[sonystar]

عملت اللى بتقول عليه وجارى التجربه مع انى مش مقتنع اسيب مسمار التى بى اس متهوى المفروض يتربط وبعدين انا عربيتى لانسر بومه وانت عربيتك ايه ؟

هوا انا قولت تسيبة متهوى انا اقصد يعنى تهوى المسما ر وتقدم الحساس وبعدين تربط وتشوف العداد

انا كرستالة بس مسقط مكنة انجكشن والله كان عندى نفس الحركة بتاعت الاربى ام وعملتها من الحساس

لما جة الكهربائى ينظف المانفوو كان الحساس مخلوع ركبنا المانفوو وبعدين الحساس لقينا الاربى ام بيرعش عمال يطلع وينزل فضناة نظبط فى الحاس يجى ربع ساعة لان لية ظبط معينة


جرب وياريت صور للتجربة

[sonystar]

دا الحاس حرك سنة واربط المسماروشوف النتيجة لو لسة فى رعشة قرر تانى صدقنى هتتظبط

[yoga]

تشكر جدا ياباشا ويكفينى ردك واهتمامك بس للاسف انا لانسر بومه والبومه مش فيها كده خالص حساس التى بى اس مسمارين ومفيش مجال فيهم للتظبيط يعنى قفل علطول يبقى كده الدنيا مختلفه تماما وبكده عوده الى الحلول الاخرى ربك يعدلها ان شاء الله

[sonystar]

تشكر جدا ياباشا ويكفينى ردك واهتمامك بس للاسف انا لانسر بومه والبومه مش فيها كده خالص حساس التى بى اس مسمارين ومفيش مجال فيهم للتظبيط يعنى قفل علطول يبقى كده الدنيا مختلفه تماما وبكده عوده الى الحلول الاخرى ربك يعدلها ان شاء الله

متحسسنيش انى مش هعرف احللك مشكلتك ان شاء الله هتتحل

يعنى مجرى المسمارين لو اتهووو الحساس مش هيروح شمال ويمين

الفتحات على قد المسامير بس

هو فى حل اخر

ممكن تفك الحساس وتخلية راكب فى الفيشة بتاعتة الحساس ذات نفسة فى القلب بتاعة بعد ما تفكة فى سوستة بتتلف ممكن تلفها بايدك برة عادى شوف الار بى ام هيثيت ولا لا

ممكن تكون السوستة فلتت من نظام البوابة عشان كدا ممكن يكون ليها عدلة

[yoga]

ياباشا تشكر على الحلول وهاجرب برضه واشوف بس اخاف ابوظه خالص ولكن هاجرب وربك يعدلها

طب هو كده ممكن يؤدى الى استهلاك بنزين عالى لاننى لسه حاسبلها جو البلد وسواقه عاديه بدون حرق وبدون تكييف طبعا خالص ولقيتها بتعمل بالظبط ف الصفيحه 154 كيلو بس
اما السريع لقيتها بتعمل 220 كيلو بس
وهى اصلا 1300 سى سى واتوماتيك ولما سالت قالولى هو التوماتيك بيبقى عااالى هو صح الكلام ده