مشكلة في فرامل بومة

[Haitham10]

السلام عليكم و رحمة الله و بركاته

في لانسر بومة فيها الفرامل بتضعف كانها بتاخد هوا مهما تتعمل بترجع تاني زي الاول
رحنا لواحد متخصص غير اللي بيتعمل عنده الشغل
وغيرنا التيل ورا والقدام وودينا الطنابير الخلفيه المخرطة واخدنا الهوا منها .. اتحسنت كتير وبرضه الفرامل مكملتش مشوار 100 كيلو وبقت ضعيفه تاني واهي مصاريف علي الفاضي

هل حد مر بحاجة زي كدة .. صديقي وهو صاحب العربيه قالي هجرب اغير طقم الماستر او كاوتش الماستر

العربيه بومة 2007 1600

[M.Al-Hefnawy]

هو المفروض لما الفرامل تضعف تخلي الميكانيكي يرجلش على العجلتين اللي ورا ... خلي ميكانيكي كويس يبصلك عليها وقولو على اللي حصل ممكن تكون محتاجة تظبيط بس.
ان شاء الله خير

[AHMED1718]

اخر مرة غيرت زيت الفرامل امتا
وشوف اذا كان بينقص ولاا ؟

[nice_bird]

ممكن يكون في مشكلة في الماستر نفسة الجلد بتاعتو بتهوي وبياخد هوا تاني

[bido600]

اتاكد من المستر خلي الميكانيكي يفكة و يشوفو
حصلتلي بس بالعكس كانت تقيلة قوي
وان شاء بسيطة وتتحل بسرعة

[Haitham10]

الف شكر ياجماعة علي ردودكم وهو غير تيل فرامل امامي وخلفي ومس الطنابير الخلفيه كمان والمشكله رجعت بعد مشوار

ممكن يكون في مشكلة في الماستر نفسة الجلد بتاعتو بتهوي وبياخد هوا تاني

هو كان شاكك في كده وتقريبا هو دة العيب هنغير الجلد ونشوف