صبرنا نفذ... امتي الشكل الجديد هينزل ؟؟

[kok200]

بسم الله الرحمن الرحيم

انا واحد راكب لانسر موديل 2008 .. البومة

للأسف الشارك كانت مخيبة للأمال بالنسبة ليا مش عشان هيا عربية وحشة لا سمح الله

الفكرة كلها انها اول ما نزلت كان سعرها غالي + متعملهاش تسويق جيد فا كانت خارج المنافسة وقتها

ودلوقتي لما سعرها بقي كويس.. نزلت موديلات اخري من الكوري منافسة ليها جدا من ناحية الكماليات+ السعر

فا انا عايز افهم القرش هتفضل قاعدة لحد امتي

كل الشركات نزلت موديلات جديدة من اول (هوندا-هيونداي-كيا )

امتي الميتسوبيشي هتعملها

[Eng_hatemfathy]

الشارك اولها 2008 يعنى 3 سنين مفيش شركه تقريبا بتقل عن 5 سنين بين الشكل والشكل اذا كان التغيير جوهريا ولكن اذا كان تغيير بسيط فممكن بعد سنه او اتنين
ده على حد علمى والله اعلم

[mohammedabdallh]

الشارك اولها 2008 يعنى 3 سنين مفيش شركه تقريبا بتقل عن 5 سنين بين الشكل والشكل اذا كان التغيير جوهريا ولكن اذا كان تغيير بسيط فممكن بعد سنه او اتنين
ده على حد علمى والله اعلم

كلام مظبوط اقل كلام 5 سنين والشارك ماهش وحشه بالذات انها بقت 1600

[IronHead]

الاكيد ن الشارك معاك 2012 كلها هتنزل بموتور 1600 بدل ال 1500 اللى كان مزعل خبراء السيارات العظام فى السوق المصرية
هى عموما ميتسوبيشى تقيله شويه فى اصدار تصميمات جديده, يعنى عندك الكريستاله شبه البطه فى حجات كتير, وبعد كده فى 2000 طلعو بالماكوه ,عربه مختلفة جذريا عن الكرستاله, وبعد كده عملو فى 2004 تعديل فى الشكل الخارجى على نفس هيكل الماكوه خلو الموتور انجكشن اخيرا مع الاحتفاظ بالعفشة و التابلوه

وبعدين عالبا حسو فى 2008 ان كده عيب قوى يكملو بعربية فيها حجات متغيرتش من 2000 فطلعولك بعربية ثورية اللى هيا الشارك مختلفة جذريا عن البومه فى كل حاجة, فلو فرضنا انهم هيمشو بنفس معدل الدلع فى اصدار تصميمات جديدة غالبا التغيير هيبقى على 2013/2014 بس هيبقى تعديل للشارك

[Eng_hatemfathy]

انا سمعت ان اخر البومه 2012 وانها مش بتتعمل الا لمصر وافريقيا والهند -مش عارف صحيح الكلام ده ولا لأ
والشارك بالتاكيد قدامها 3 سنين خاصه بعد تغيير الموتور فى 2012 وانها شغاله فى الخليج وبعض اوروبا واسيا كويس

[IronHead]

فعلا البومه بتتعمل لاسواق محدوده جدا من ضمنها دول فى قليله فى شرق اسيا والشرق الاوسط
اوروبا و امريكا واستراليا حتا افريقيا بقى كله شارك

[Ahmedhussein007]

ياباشا لو بصيت لليابانى هاتلاقيه كله فى شريحه سعريه واحده التويوتا زى القرش وكمان الهوندا اغلى بس اعتمادى وعملى اكتر 100 مره عن الكورى اللى برضو فى شريحه سعريه واحده برضه باستثناء الكورز اللى سعرها قلكى

[eldell]

انا معاك فى كل حاجه قولتها عايزين اشكال جديده وعلى فكره اليبانى كله كده اقل موديل يعد 3 سنين من اول السيفك وبعدها التويوتا والماذدا واللانسر والصنى كلهم كده مش عارف ليه

[alzelafy]

اولا ما ينفعش حضرتك تقارن يابانى بكورى لمجرد انهم بينزلو اشكال جديدة و كماليات اكثر طبعا اليابانى احساس تانى و متعه تانيه فى القيادة مع انى مش راكب لا كورى و لا يابانى بس بجرب و بيصادف و بركب عربيات اصحابى النترا و سيراتو و افيو و لانوس و اليابانى التويوتا الجديدة و البومه و المكواة و المازدا و طبعا الفرق كبير جدا بينهم و بين الكورى و القرش عربيه انا بعتبرها سابقه عصرها و احترمها جدا جدا جدا مع ان سعرها نزل جامد مستعمله تعتبر بقت ارخص من البومه اللى زهقنا منها و احنا المصريين اللى عملنا كدة لما بنمسك فى عربيه و نحبها نرفعها سابع سما و لما نكرة عربيه ننزل بيها فى اسفل الساقلين مهما كانت التكنولوجيا اللى فيها او التصنيع ..... بالعقل كدة ازاى شركه تنتج عربيه لانسر شكلين فى سنه واحدة 2008 و 2009 و 2010 و 2011 منها البومه و القرش ازااااااااااااااااااااى طبعا عشان مصر من اكبر اسواق اللنسر و محبيناش القرش فاستمر انتاج البومه لافريقيا و خاصه مصر مع وجود الشكل الجديد لنفس الموديل و اللى عايز الجديد يشترى و اللى عايز القديم يشترى

[bebo_mody_244]

يا باشا الشارك تنافس السيارات الكورية بقوة ومينفعش نقارن بين الشارك والكورى وبعدين انت بتقول ان الشارك هتفضل لحد امتى اللى لسه نازلة من ثلاث سنوات طب ماقولتش ليه البومه لسه موجده لحد دلوقتى اللى نازله من 2004 لحد دلوقتى ياباشا الشارك من السيارات الرائعة جدا

[Ralliart]

مفيش شكل جديد حالياً وخصوصاً ان ميتسوبيشي والياباني عامة من ابطأ الشركات في تغيير الشكل دا غير ان دا الطبيعي حتى الاوروبي بيغير الشكل في حدود 5 سنين
ودي النقطة اللي بيلعب عليها الكوريين لانهم بيغيرو الاشكال بسرعة جداً مع تطوير جذري قبل ما الناس تمل وطبعاً دي حركة ذكية جداً منهم شوف الفرق بين الالانترا 2005 و2007 و2011 حاجة تانية خالص

يعني ميتسوبيشي ماشية في المعدل الطبيعي وساعات بتأفور زي الكريستالة اللي لسة بتنتج في فنزويلا 2011!! انما الشركات الكورية هما اللي حالة شاذه

[ma7oo]

معلش ياجماعة بس محدش يقارن الشارك بالكورى فرق السما من الارض وبعدين لو بصينا فى تجارب الكورى هنلاقى انهم بيهتموا بالكماليات والشكل عشان يبهروا المشترى لكن كعربية بيبقى فيها عيوب كتيره جدا وكلنا شفنا تجربة السيراتو الناجحة على مستوى البيع والانتشار ولكنها فاشلة على مستوى الاعتمادية والشغل وكلها كام سنة ومش هنلاقيها لان كل ملاكها بيتخلصوا منها للاسف

[kholio]

اللانسر الشارك تتقارن بالجيتا والاوكتافيا والسيفيك والمازدا 3 لكن متتقارنش بالالنترا والسيراتو لانهم عربيات منظر بس عموما الكوريين بيهتمو بالشكل وبس

[bebo_mody_244]

اللانسر الشارك تتقارن بالجيتا والاوكتافيا والسيفيك والمازدا 3 لكن متتقارنش بالالنترا والسيراتو لانهم عربيات منظر بس عموما الكوريين بيهتمو بالشكل وبس

انت بتقول كلام مظبوط وانا اؤيدك فى رايك