انذار للبوما

[nice_bird]

السلام عليكم

عايز اركب انذار للبوما من غير ما الغي الريموت الاصلي ولا الايمبوليزر بتاع العربية وكنت عايز اعرف ايه افضل نوع وهل في امكانيات زيادة ممكن يضيفها الانذار ولا لأ ومصنعية تركيبو كام!
وسؤال تاني

انا سمعت ان البوما مجهزه باماكن ووصلات وحدات الرفع مجرد بيتجابو ويركبو علي طول هل صح الكلام دا ولا لا ومصنعية التركيب كام !

[nice_bird]

انذار للبوما

السلام عليكم

عايز اركب انذار للبوما من غير ما الغي الريموت الاصلي ولا الايمبوليزر بتاع العربية وكنت عايز اعرف ايه افضل نوع وهل في امكانيات زيادة ممكن يضيفها الانذار ولا لأ ومصنعية تركيبو كام!
وسؤال تاني

انا سمعت ان البوما مجهزه باماكن ووصلات وحدات الرفع مجرد بيتجابو ويركبو علي طول هل صح الكلام دا ولا لا ومصنعية التركيب كام !

[أبو إياد]

هات فوما او ولف وينفع طبعا يشغل الريموت بتاعك على الانذار بس مش اى حد لان فيها لفه كبيره
ووحدات الرفع برتكب عليه بكل سهوله من باب السائق

[kokyrawan]

السلام عليكم انا لسة مركب انذار و بصمة للعربية بوما 2005 و على نفس المفتاح و الموضوع سهل و مش صعب

[as_samman]

السلام عليكم انا لسة مركب انذار و بصمة للعربية بوما 2005 و على نفس المفتاح و الموضوع سهل و مش صعب

التفاصيل لو سمحت

[kokyrawan]

بص يا باشا انا كنت محتار اركب سباى 2 واى و كان عاجبنى بس حيبقى معاى 2 ريموت و انا بتخنق من الموضوع دة بعد لف و اسئلة كتير روحت عند السجان اللى فى شارع دمشق و ركبت انذار على الريموت الاصلى و مع دوارة العربية و اول دوسة فرامل السنتر يقفل و لما تبطل يفتح و طبعا الانذار بيشتغل دوستين على مفتاح الفتح و القفل كذلك و ركبت كارت بصمة يعنى العربية فى العادى دلوقتى لو ركبت مش حتدور خالص بس فى معاى كارت بعدية فى حتة معينة بيدنى انذار و بعدها تقدر تدور العربية الموضوع خد وقت حوالى ساعة و التكلفة الاجمالية 570 جنية وكنت عايز اركب وحدة رفع للزجاج و فتحة السقف بس قولت شوية كدة طبعا دة كلة مع لوك الفتيس و فرامل اليد واولا و اخيرا ربنا هو الحارس و الحامى احنا بنعمل اللى علينا و الباقى بتاع ربنا سبحانة و تعالى

[Haitham10]

معلش ياحج نايس كان نفسي افيدك انا معنديش فكره ومركبتش لما كان معايا بومة
بس انصحك تشوف عرض كويس علي اجهزة التتبع والحماية وتركبه
سيبك من الاجهزة ام سارينة الي الكل بيركبها عشان الريموت والسنتر
وربنا يسترها علي الجميع .. للرفع

[mr_sameh]

متابع باهتمام

[nice_bird]

هات فوما او ولف وينفع طبعا يشغل الريموت بتاعك على الانذار بس مش اى حد لان فيها لفه كبيره
ووحدات الرفع برتكب عليه بكل سهوله من باب السائق

شكرا يا ابو اياد وليا استفسار هي واحدات الرفع بتبقي واحدة في كل باب ولا وحدة واحد بتتركب في باب السواق

[nice_bird]

السلام عليكم انا لسة مركب انذار و بصمة للعربية بوما 2005 و على نفس المفتاح و الموضوع سهل و مش صعب

ايه موضوع البصمة دا ! ياريت توضح لي تفاصيلو

[nice_bird]

بص يا باشا انا كنت محتار اركب سباى 2 واى و كان عاجبنى بس حيبقى معاى 2 ريموت و انا بتخنق من الموضوع دة بعد لف و اسئلة كتير روحت عند السجان اللى فى شارع دمشق و ركبت انذار على الريموت الاصلى و مع دوارة العربية و اول دوسة فرامل السنتر يقفل و لما تبطل يفتح و طبعا الانذار بيشتغل دوستين على مفتاح الفتح و القفل كذلك و ركبت كارت بصمة يعنى العربية فى العادى دلوقتى لو ركبت مش حتدور خالص بس فى معاى كارت بعدية فى حتة معينة بيدنى انذار و بعدها تقدر تدور العربية الموضوع خد وقت حوالى ساعة و التكلفة الاجمالية 570 جنية وكنت عايز اركب وحدة رفع للزجاج و فتحة السقف بس قولت شوية كدة طبعا دة كلة مع لوك الفتيس و فرامل اليد واولا و اخيرا ربنا هو الحارس و الحامى احنا بنعمل اللى علينا و الباقى بتاع ربنا سبحانة و تعالى

حلوة الفكرة دي عجبتني وهشوف واعملها

[أبو إياد]

شكرا يا ابو اياد وليا استفسار هي واحدات الرفع بتبقي واحدة في كل باب ولا وحدة واحد بتتركب في باب السواق

الشغل كله بيكون من خلال باب السائق فقط
وعندك فى السوق نوعين نوع عباره عن قطعه واحده بتشغل الاربعه
والنوع التانى عباره عن قطعتين لكل قطعه زجاجين وده افضل طبعا لان لو واحده باظت مايبقاش كله باظ والسعر واحد على ما افتكر 90ج سواء للقطعه او للقطعتين

[omarhelalyehia]

روح على سبير كار اللى عند وزارة الداخلية انا عملتهم هناك الانذار وولف ووحدة الرفع و فعلا شغلهم كويس

[nice_bird]

روح على سبير كار اللى عند وزارة الداخلية انا عملتهم هناك الانذار وولف ووحدة الرفع و فعلا شغلهم كويس

كلفوك كام يا باشا

[salah_86]

انا ركبت انذار سيمفونى ووحدات رفع سيمفونى بس الكهربائى مشغل وحدات الرفع والانذار على الريموت الخاص بالانذار مش على الريموت الاصلى للعربية بس مفصلش ريموت العربية لسة برضة اقدر افتح بيه واقفل ايه رائيكم