سؤال محيرنى

[medo1970]

أرجو من الباشمهندس طارق ان يرد عليا ويوضح هذه النقطة بخصوص هذا السؤال وجميع اعضاء المنتدى
لماذا جميع انواع اللانسر (كريستاله والشكل الجديد) بتنزل بدون انذار وبدون ماكينة رفع الزجاج مع العلم انه يوجد سيارات اخرى اقل فى السعر وبها هاتين الميزاتين ويكاد يكون سعرها نصف ثمن سعر اللانسر الشكل الجديد
وهل من الممكن اضافة هاتين الخاصتين فى التوكيل قبل شراء السيارة ولا مش ممكن
واخيراً شكر خاص إلى الأستاذ / طارق مشرف منتدى اللانسر

ربنا اغفر لي ولوالدي وللمؤمنين يوم يقوم الحساب

سبحان الله والحمد لله ولا اله الا الله والله اكبر

لا حول ولا قوه الا بالله

[مصراوي جدا]

هو بالنسبة للانذار فالشكل الجديد Lancer EX أصبح فيه جهاز انذار ضمن الكماليات الأساسية اللي بتيجي مع العربية لكن ده في موديلات GLS و GLS Sport فقط انما GLX مفيهاش


اما ماكينة رفع الزجاج فمش من كماليات اللانسر


طبعا الموديلات السابقة لم يكن جهاز الانذار متاح اساسا من شركة ميتسوبيشي ككمالية اصلية تيجي مع العربية

واكيد دلوقتي معظم شركات السيارات بتحاول تضيف كماليات أكتر لسياراتها كنوع من التسويق وجذب المشترين وطبعا احنا شفنا كتير من العربيات الصيني عندها كماليات كتير حتى ال DVD

بخصوص جهاز الانذار والضمان في ميتسوبيشي وده سؤال كتير بيسألوه هل تركيب جهاز انذار أو كاسيت خارج التوكيل يخرج من الضمان والاجابة : لأ - متخرجش من الضمان طالما تم التركيب في مركز متخصص وفاهم شغاه مش عند كهربائي عادي غير متخصص ممكن يعمل قفلة ويخرب وحدة كمبيوتر او ما شابه - والشركة بتنصح بمراكز ادريان - انما طبعا اي مركز آخر متخصص يبقى كويس


استاذ medo1970 شكرا ليك بس احب اضيف اضافة بسيطة انا مش مشرف منتدى ميتسوبيشي


هو كل ما في الأمر ان ادارة المنتدى اديتني لقب : استشاري منتدى ميتسوبيشي علشان بأرد على أسئلة الناس سواء المتعلقة بمواصفات العربية أو المتعلقة بالصيانة وده برضه مش لأني علامة ولا جهبذ انما ببساطة لأني باشتغل في التوكيل وأي سؤال بارجع للمختص واجيب الاجابة منه

[medo1970]

الف الف شكر يا بابشمهندس طارق زويل
استشارى مندى ميتسوبيشى
على اهتمامك والرد على سؤالى
وتوضيح بعض النقاط المهمة عن اللانسر ولأننى من عشاق اللانسر فأحب ان اراها فى احسن كماليات وفى القمة دائماً مثلما هى الآن اكثر السيارات مبيعاً وتواجداً فى الشارع المصرى
وارجو انا تخبرنى ما هو عنوان مراكز ادريان
وعلى فكرة يا باشمهندس طارق الانذار وماكينة رفع الزجاج ليست الآن من كماليات السيارة بل اصبحت شئ أساسى ونرجو توفرها فى المستقبل لتبقى ميتسوبيشى لانسر فى المقدمة دائماً
ومرة ثانية انا آسف على الخطأ الذى حدث منى وارجو ان تتقبل اعتذارى
وربنا يخليك لينا ولأعضاء المنتدى
والف الف الف شكر

الف شكرعلى هذا الابداع الرائعربنا اغفر لي ولوالدي وللمؤمنين يوم يقومالحسابسبحان الله والحمد لله ولا اله الا الله والله اكبرلا حولولا قوه الا بالله