أشترى منين قطعة غيار أصليه مضمونه خارج التوكيل ؟

[ahmed_h_g]

السلام عليكم ورحمة الله وبركاته
مفيش محل فى مصر الواحد يشترى منه قطع غيار لانسر البومه وهو مغمض ؟

[M.Al-Hefnawy]

انزل التوفيقية أو شارع دمشق هتلاقي محلات كتير وعندها قطع غيار أصلية.

[ahmed_h_g]

المحلات كتير بس مفيش قطع غيار أصليه
عايز واحد معروف عنده نفس قطع غيار التوكيل

[MR . Gold]

المحلات كتير بس مفيش قطع غيار أصليه
عايز واحد معروف عنده نفس قطع غيار التوكيل

ماتتعبش نفسك اخي الفاضل مفيش اي قطعة غيار جديدة اصلية اورجينال غير في التوكيل

وكل اللي في السوق هاي كوبي يعني حاجة شبة الاصلي انما مش اصلي نهائي

[MOK3336]

أشتري من موزع لقطع الغيار المعتمد من التوكيل

[ahmed_h_g]

ماتتعبش نفسك اخي الفاضل مفيش اي قطعة غيار جديدة اصلية اورجينال غير في التوكيل

وكل اللي في السوق هاي كوبي يعني حاجة شبة الاصلي انما مش اصلي نهائي

أنا قلت كده برضه
شكرا" لمشاركتك

أشتري من موزع لقطع الغيار المعتمد من التوكيل

زى مين وفين ؟

[أبو إياد]

طبعا فى موزعين معتمدين والتوكيل بنفسه بيسحب منهم قطع غيار
التوفقيه شركه احمد البلطى
صقر قريش شركه الهدى
الكيت كات شركه المصريه

وهناك هتلاقى 3 حاجات

1- اوريجنال
2- يابانى
3- تايوانى او كورى

مافيش حاجه هناك صينى وطبعا فاتوره بس الناس دى تخصص قطع غيار فقط ياعنى مافيش اكسسوار غير بعض الحاجات زى الفوانيس

[a_saladen]

الهاني لقطع الغيار - المعادي شارع احمد زكي بجوار نادي المعادي
اشتريت من عندهم حاجات كتيرة وأصلية بس غالية لكن أرخص من التوكيل طبعا

[ahmed_h_g]

شكرا" على الأفاده بارك الله فيكم
بالنسبه لقطعة الغيار الأصليه وليكن طقم الديرياج بيبقى فى كرتونة ميتسوبيشى وعليها سيريال زى اللى فى التوكيل بالظبط ولا كرتونه عليها أسم الشركه المصنعه وصنع فى اليابان فقط لا غير ؟

[turch]

في واحد في الحرفيين بيستوردهم من اليابان اسمه النعماني قبل حبلص لو تعرفه ...اسأل على حبلص لانه مشهور هتلاقي النعماني قبله على الصف وعن ثقه كنت جبت منه البارات الداخلي عشان في التوكيل بيلبسك في علبة دريكسيون كامله عشان البارات مبتجيش لوحدها فلقيتهم عنده ورحت ركبتهم في التوكيل واعتمدوها انها اصليه باتكلم على دايموند ابو رواش... عموما هو هايكيفك..

[medododo]

متابع................

[ahmed_h_g]

في واحد في الحرفيين بيستوردهم من اليابان اسمه النعماني قبل حبلص لو تعرفه ...اسأل على حبلص لانه مشهور هتلاقي النعماني قبله على الصف وعن ثقه كنت جبت منه البارات الداخلي عشان في التوكيل بيلبسك في علبة دريكسيون كامله عشان البارات مبتجيش لوحدها فلقيتهم عنده ورحت ركبتهم في التوكيل واعتمدوها انها اصليه باتكلم على دايموند ابو رواش... عموما هو هايكيفك..

شكرا" يا غالى
فين مكانه يعنى أروح أسأل فين الحرفيين كبيره

[turch]

شارع المرسيدس ..اسأل على ( حبلص ) أشهر محل في الشارع هو هتلاقيه قبله ب 4 محلات تقريبا ومعلش اسمه النعيمي مش النعماني عموما الناس اللي هناك محترمه جدا وعندها كل حاجه من اول الاصلي والياباني التقليد والتايواني والصيني والاصلي بيبقى عليه الختم بتاع متسوبيشي ....وابقى ادعيلي

[ahmed_h_g]

الف شكر

[ahmed_h_g]

مفيش حد في مصر الجديدة أو مدينة نصر ؟