صوت مجننى يا شاركاوية !!!!!

[movies]

يا شباب...فى صوت طقة بيظهر فى المطبات من عند الجلتين اللى قدام مش عارف سببه ايه ؟!!
هل هى المساعدين ولا علبة الدريكسيون و لا ايه بالظبط !!انا نفسى اعرف علشان الصوت مجننى خاصة ان العربية 2009 و ماشية 35000 ...اللى عندوا معلومة يقولها يا جماعة

[movies]

العجلتين

[IronHead]

بص يا بيه الموضوع بسيط ان شاء الله, الصوت ده غالبا بنسبه 90% صادر من كاوتشت التراب, كان فيه كذا اخ اتكلم على الموضوع ده وكان الحل انك تنظف كاوتشت التراب بس الصراحه مش عارف ازاى,
عايزين حد من قدامى الشارك يقلنا ازاى ننظف البتاعه دى؟

[Ahmedhussein007]

نفس الصوت بردو مش دايما بيظهر

[ma7oo]

عندى نفس الصوت بسمعه ساعات فى المطبات بس مش عارف من ايه كنت سمعت من الرجاله هنا ان ده بيبقى تراب وطين مش اكتر

[movies]

بص يا بيه الموضوع بسيط ان شاء الله, الصوت ده غالبا بنسبه 90% صادر من كاوتشت التراب, كان فيه كذا اخ اتكلم على الموضوع ده وكان الحل انك تنظف كاوتشت التراب بس الصراحه مش عارف ازاى,
عايزين حد من قدامى الشارك يقلنا ازاى ننظف البتاعه دى؟

"كاوتشت التراب"...دى فين دى بالظبط...لو فى صور ليهل يبقى تمام اوى !

[movies]

بس واضح انها شكوى عامة....طب محدش سأل فى التوكيل أوى أى مركز صيانة قبل كدا ؟اصلوا صوت مستفز اوى خصوصا لما تبقى الدنيا برد و اقفل الازاز و اسمعه يرن فودنى !!!
يل رب نلاقى حل...

[IronHead]

"كاوتشت التراب"...دى فين دى بالظبط...لو فى صور ليهل يبقى تمام اوى !

ماهو انا مش عارف مكانها فن البتاعه دى وبتتنظف ازاى, ده الكلام اللى ناس اللى قرأته فى وسط مواضيع هنا من اخوه

[Eng_hatemfathy]

على حد علمى دى اعلى السوسته من ناحية مسمار المساعد العلوى وعلى ما اعلم تقريبا محتاج المساعد ينزل اتمنى ان تكون معلومتى سليمه لانى بقالى مده بعيد عن الورش والاصلاح

على فكره انا عندى صوت اصعب بحس انى راكب طباره وماشيه على مدرج اسفلته مكسر يعنى وانا قافل الشباك حاسس بصوت العجل على عين القطه واختلاف الاسفلت بطريقه بشعه -مش عارف العيب فى الكاوتش ولا فى عزل العربيه لانى اول عربيه اركبها عزلها سىء كده وصوت المواور عال كده

[ma7oo]

مش عارف مكانها بصراحه بس هى اكيد حاجة بسيطة لان عندى العربية ملحقتش تمشى اصلا وبسمع الصوت ده بس هو صوت فعلا مستفز جدا بصراحة بس بقيت دلوقتى بس بعمل عبيط وخلاص

[movies]

على حد علمى دى اعلى السوسته من ناحية مسمار المساعد العلوى وعلى ما اعلم تقريبا محتاج المساعد ينزل اتمنى ان تكون معلومتى سليمه لانى بقالى مده بعيد عن الورش والاصلاح

على فكره انا عندى صوت اصعب بحس انى راكب طباره وماشيه على مدرج اسفلته مكسر يعنى وانا قافل الشباك حاسس بصوت العجل على عين القطه واختلاف الاسفلت بطريقه بشعه -مش عارف العيب فى الكاوتش ولا فى عزل العربيه لانى اول عربيه اركبها عزلها سىء كده وصوت المواور عال كده

"محتاج المساعد ينزل" حضرتك تقصد ان المساعد يتفك ؟!!!!

[M_Marwan]

هو انا بسمع صوت تزييف مش خبط فى العجل الأمامى وانا طالع على مطب وبالذات لما تكون العربيه بارده

هل ده ايلى قصدكوا عليه ؟؟ انا ان شاء الله رايح اعمل صيانه ال 20 الف فى الرواس كمان يومين 3 كده وحسأل على الصوت ده

وبأذن الله حجيب زيت liqui moly وأقولكوا على النتيجه

[Ahmedhussein007]

هو انا بسمع صوت تزييف مش خبط فى العجل الأمامى وانا طالع على مطب وبالذات لما تكون العربيه بارده

هل ده ايلى قصدكوا عليه ؟؟ انا ان شاء الله رايح اعمل صيانه ال 20 الف فى الرواس كمان يومين 3 كده وحسأل على الصوت ده

وبأذن الله حجيب زيت liqui moly وأقولكوا على النتيجه

نفس اللى بيحصل معايا وان شاء الله فى انتظار تقييمك للزيت

[ma7oo]

مستنيك يا مروان عشان تقولنا قلولك ايه وياريت تقولى هتحط انهى نوع من ليكوى مولى الرمادى اللى هو 12000 كيلو 5w40 ولا حاجة تانية؟؟؟؟؟ عشان انا ناوى اجيبه ان شاء الله

[kholio]

الصوت ده فعلا صوت كاوتشة التراب ودي حته كاوتشه بتكون في المساعد من فوق عند السوست كدة وحلها انك تودي العربية اي بنزينة او كار كير وتثوله يغسلك عفشة العربية من تحت والصوت انشاء الله هيروح ومش هتسمعه اهم حاجة انك تغسل العفشة على فترات وتهتم بنظافتها والصوت هيروح