ما هى اسعار قطع غيار اللانسر الجديدة؟

[مصراوي جدا]

شكرا يا استاذ Dash لذوقك لكن العظمة لله وحده


- اللانسر الكويتي هو اعلى الكماليات في كل الخليجي

- سعر العتب الجانبي الأصلي للواحدة 1680 ج + 10%

سعر العتب الأمامي للواحدة 515 ج + 10%

والاسبويلر الأصلي حوالي 3000 جنيه


بشكل عام الاكسسوارات الأصلية بتبقى غالية جدا وشركة مصرية بتحاول تفهم ميتسوبيشي الموضوع ده وان اسعار الاكسسوارات لازم تنزل كتير علشان تتباع

خاصة ان كل الاكسسوارات دي (سبويلر - شبورة - عتب) موجود في السوق بأسعار معقولة جدا
وعقبال ما نقدر نقنعهم وسعر الاكسسوارات يكون معقول زي قطع الغيار


- سعر غطاء المحرك 400 ج + 10%

[Daash]

ههههههههههههههههههههههههه
فعلاً لازم نقنعهم عافية .. الاسعار عالية جداً جداً

على العموم الف شكرا يا بشمهندس

طيب حضرتك تقدر تفيدنى فى نقطة وهي هل غطاء المحرك اقدر الاقية فى الاسواق ولا صعب عشان متعبش نفسى على الفاضي . واذا كان غطاء الموتور مالوش اهمية ياريت توضحلى .

[مصراوي جدا]

من قال لا أعلم فقد أفتى

موضوع الغطاء موجود بره التوكيل ولا لأ .. مش عارف هل اتعمل منه تايواني أرخص ولا لأ

وبالنسبة لأهميته انا اعتقد انه شياكة مش اكتر الا لو حد سمع عن اهمية ميكانيكية له

[Hacker5]

طب اسعار الاكصدامات و الفانوس الامامى كام يا استاذ طارق؟؟؟

[مصراوي جدا]

سعر الاكصدام الأمامي 1720 ج + 10%

سعر الاكصدام الخلفي 1500 ج + 10%

سعر الفانوس الأمامي للعربية المصري (الفانوس العادي) 1650 ج + 10 %

سعر الفانوس الأمامي للعربية الخليجي (عدسات ومتحرك) 5255 ج + 10 %

[Hacker5]

شكرا يا استاذ طارق و كل سنة و حضرتك طيب :)

[simon659]

استاز طارق انا احترمتك جدا من غير ما اعرفك بس انا واقع في معلوماتك الفنيه و من فضلك رد عليا انا عاوز اشتري لانسر الشكل الجديد زيرو بس مانويل بضمان مصري طبعا كنت اسمع ان في المانويل بتجيب ديسك و اسطوانه بسرعه و في عيوب في العافشه وانا بخاف من موضوع العافشه لاني ساكن في الشرقيه و الطرق صعبه جدا و هل يوجد في المانويل نظام abs _epdاريد النصيحه و اريد اعرف تمن فلتر الهواء و الزيت و سير الكاتينه الزي لم يزكر بعد و هل المانويل مصفحه من اسفل كما يوجد في السوبر اكشن اعلي فأه يعني وي هل الماكينه الموجوده في المانويل هي مايفك ايضا كما توجد في السوبر اكشن فا من وجهت نظرك اشتري 1600 مانيل البوما ولا 1500 الشارك مانويل و طمعان في معلوماتك وهل يمكنني شرء من التوكيل شراء السماعه الموجوده في السوبر اشكن(الصب ووفير) وما هو سعره ارجو الافاده وربنا يخليك للماتسوبيشي اخوك سيمون

[simon659]

يا استاز طارق والنبي لو راديت عليا و كنت عاوز اعرف برضو تمن المرايات كام و كنت عاوز اعرف الباور بتعا الشارك زيت ولا كهرباء و ما الفرق و ايهما افضل نفسي اجيبها و اطمن انها مفهاش عيوب ولو فيها حاجه ابقي قادر عليها مش اتصدم بعد ما اجيبها

[abo samra]

بسم الله الرحمن الرحيم:بصراحة يا جماعة انا بسمع اسعار قطع الغيار بتاعت السيارات المنافسه لللانسر حاجة تخد . يعنى تيل المازدا عند غبور ب 900 جنيه وتيل الكورولا الجديدة فى التوكيل صناعه يابانى مش جنوب افريقى تمنه 950 جنيه. والزجاج الامامى فى الكورولا الجديدة ب 2100 جنيه وطبعا السيفيك اعلى كمان يعنى فانوس امامى 1485 جنيه و فانوس خلفى 1100جنيه وزجاج خلفى 2453 جنيه . يا ريت حد يقولنا على اسعار قطع غيار اللانسر الشكل الجديد افادكم الله

على فكره تيل الفرامل للكورولا الجديده فى التوكيل ب 460 جنيه حضرتك جبت الرقم ده منين ؟؟؟؟؟؟؟؟؟؟
مع العلم ان تيل فرامل الكورولا من الممكن تغيريه كل 30 الى 40 الف انما اللانسر (البومه) من 15 الى 20 الف يعنى الكورولا تيلها بيقعد الضعف ما اعرفش ايه نظام اللانسر الشارك
تحياتى

[sherif0333]

استاذ سيمون انا معايا شارك مانيوال 2008 و هكلمك عليها بصراحة انا فى الاول كنت برضة زيك كدة عمال اشوف اسعار قطع غيار الشارك و كنت متخيل ان هيكون اسعارها غالية جدا لكن اكتشفت ان الاسعار قريبة جدا من الشكل القديم و دة شجعنى انى افكر انى اجيبها انا جبتها مانيوال علشان ماكانش معايا غير 120 الف و بصراحة كنت هموت علشان اجيب العربية دى حتى لو من غير موتور بس اشتريها المهم جبتها لونها نبيتى و دة اجمد لون عليها دة رايى الشخصى المهم اقولك المميزات و العبوب
المميزات:
1-شكلها ملفت للنظر تحس انة مختلف عن باقى العربيات و لما تشوفها قدامك تتمنى انك تمتلكها
2-موتورها جامد جدا 109 حصان مايفك اقوى من البومة 1600 106 حصان دة غير ان عربيتى مانيوال فالسحب فيها فظيع جدا يعنى انا من تانوع اللى مش بيقرص على الموتور و اخرى ار بى ام 3 و تلاقى العربية سحبها حلو جدا حتى لو العربية فيها خمسة راكبين متحسش ابدا بفرق فى السحب و مجرد انك تضغط على البنزين تلاقى ضهرك مسك فى الكرسى من قوتها
3-و انت سايق العربية دى تحس انك مميز عن كل الناس اللى حواليك من حيث فخامة العربية و شراستها
4-التابلوة شيك جدا و خصوصا شاشة الكمبيوتر الموجودة فى النص اللى بتقولك حاجات مهمة جدا زى متوسط استهلاك البنزين و كمية البنزين الموجودة تمشيك كام كيلو و يفكرك بمواعيد الصيانة و لما تفتح اى باب يقولك انهى باب مفتوح حتى لو الشنطة و على فكرة الكمبيوتر دة مش موجود فى اى عربية غير العربيات الفخمة بس
5-العربية واسعة جدا من جوة
6-عالية عن الارض عمرها ماتحك فى اى مطب حتى لو خمسة راكبين و دى حاجة مهمة جدا قليل لما تلاقيها فى العربيات الجديدة
7-العربية ثابتة على الاخر عمرها مابتعوم و دة لان مقاس الجنط كبير 16/2050 و دة المقاس الاستندارد اللى بينزل في الفول اسبورت و المانيوال و دة برضة مقاس مش اى عربية بتنزل بية
8-العربية فراملها قوية جدا فيها abs ebd يعنى لما تدوس على الفرامل بتلاقى العربية تقف فى اقل مسافة و تلاقى الكاوتش عمرة ما يتزحلق حتى لو ماشى سريع على فكرة انا عربيتى ضمان الوكيل و العربيات كلها تبع الوكيل فيها abs ebd
9-الباور اللى فى العربية كهرباء حلو جدا لما تيجى تركن و بيقفل لما السرعة تزيد
10-تكييفها حلو جدا عمرك ماتشغلة على اخرة ابدا من قوتة
11-العزل فى العربية حلو جدا يعنى لما تقفل الازاز ماتسمعك اى حاجة و تحس انك منعزل عن الدنيا اللى برة
12-العربية تبع شركة ميتسوبيشى و هى شركة محترمة جدا و العربيات الميتسوبيشى معروف انها معمرة و قليلة الاعطال و قطع غيارها رخيصة مقارنة بالعربيات اليابانية الاخرى و كفاية ان العربية يابانية 100*100
العيوب
1-الشنطة ضيقة علشان الاستبن مقاسة كبير لكن حضرتك ممكن تشترى الاستبن مقاس صغير هيفرق فى حجم الشنطة كتير
2-صوت الموتور عالى شوية بس لانة مايفك موتور جامد جدا و انت سايق العربية تحب صوتة تحس ان العربية هتنطلق و زى ماقلت لحضرتك لما تقفل الازاز متسمعش اى حاجة

دة كان تقييمى لعربيتى الشارك اللى عمرى ماهندم انى اشتريتها و دى كمان اقل فئة فيها و اسف على الاطالة

[Sharky]

4-التابلوة شيك جدا و خصوصا شاشة الكمبيوتر الموجودة فى النص اللى بتقولك حاجات مهمة جدا زى متوسط استهلاك البنزين و كمية البنزين الموجودة تمشيك كام كيلو و يفكرك بمواعيد الصيانة و لما تفتح اى باب يقولك انهى باب مفتوح حتى لو الشنطة و على فكرة الكمبيوتر دة مش موجود فى اى عربية غير العربيات الفخمة بس

الموضوع دا موجود فى معظم السيارات الاوربى إللى فى نفس فئتها زى الميجان II منذ عام 2003
+ كمبيوتر الأعطال

[heshaaam]

بس السيتى امكانيات اعلى وقطع غيار اغلى

[simon659]

شكرا يا استاز شريف علي التعليق و علي النصيحه الغاليه و اشكرك علي التفسير بس كنت اتمنا منك هل الساره مصفحه من اسفل بلحديد كما يوجد في الموديل العالي سوبر اكشن ام انها غير مصفحه ثانيا ماتعرفش تمن الصب ووفير لو اشتريته من التوكيل يعمل كام زي الي نازل في السوبر اكشن و ما هو الاوبشن او ما معني الايموبليزر حاجه كان البشمهندس كان كاتب اوبشن اسمه الايموبليزرو اشرك علي الاهتمام

[kareem_adel]

لو سمحت يا استاذ شريف هيا اسعار قطع الغيار بتاعت الشارك دى بالنسبة للتوكيل ولا بره فى السوق اصل لو فى التوكيل تيقا فى الحرفيين مثلا ارخص من كده بكتير كمان لان معروف ان التوكيل بيغلى فى قطع الغيار .

[مصراوي جدا]

لو سمحت يا استاذ شريف هيا اسعار قطع الغيار بتاعت الشارك دى بالنسبة للتوكيل ولا بره فى السوق اصل لو فى التوكيل تيقا فى الحرفيين مثلا ارخص من كده بكتير كمان لان معروف ان التوكيل بيغلى فى قطع الغيار .

بشكل عام في ميستوبيشي قطع الغيار يا اما اصلية يا اما مش اصلية .. المش اصلية لها مسميات كتير يعني ياباني .. كوري .. الماني .. تايواني .. صيني بدرجات

الأصلي مصدرها التوكيل ومحلات قطع الغيار الكبرى بتشتري من التوكيل بخصم من 5% الى 10% حسب حجم الفاتورة وطبعا دي نسبة ربح بسيطة بالنسبة للمحل ولا ترضيه وبالتالي فهو لازم يبيع اغلى من التوكيل علشان يكسب كويس

(مثال واضح من عدة شهور كان وش المراية الجانبية للبومة في التوكيل بـ 82.5 جنيه وبره في المحلات بتتباع من 90 الى 110 حسب المكان)

وعلشان كده معظمهم حريصين على توفير جميع قطع الغيار اللي مش اصلية لأن الربح فيها يصل الى 30%

انما رأيي الشخصي ان حرام عربية حديثة 2007 مثلا أو 2008 يتجاب لها قطع غيار مش اصلية انما لو كريستالة ولا مكواة يبقى طبيعي