ارجو المساعدة بسرعة

[sha3bola]

يا رجالة انا معايا بومة 2004 1300 عاملة 185000 كيلو و ظهرت فيها مشكلة و هى ان العربية بتونتر كده كل شوية و مش عارف هو كده الموتور فاوت و لا جابت فتيس و لا ايه ارجو الى فاهم يشرحلى بس ايه المشكلة مع العلم انى جيت فترة كنت دايما بحرق على l 2 3

[sha3bola]

بتونتر يعنى بتنوط لقدام كده و انا بدوس براحة جدا

[yoga]

اكشف كمبيوتر الاول وعند حد بيفهم

[M.Al-Hefnawy]

النترة أو النطة دي ممكن تكون حاجة في البوجيهات أو دورة البنزين عاوزة يتكشف عليها من أول الفلتر إلى الرشاشات.

[mody1221]

مالهاش دعوة ياباشا طيب مافى عربيات قالبة عداد خمسين مرة وماشية زى الفل ماتوهمش نفسك انك مشيت 185 الف يبقى الموتور فوت.
حتلاقى حاجة بسيطة اما فى الكهربا او فى حاجة فى طلمبة البنزين او فلتر البنزين وان شاء الله بسيطة مافيش عربية ماشية بتسلم من المشاكل .ابقى قولنا عملت اية ويارب اكون طمنتك

[bmya]

بص على زيت الفتيس ياباشا ولو مغيرتوش قبل كده ياريت تغيره هو والفلتر