معروض عليا لانسر بومة خليجي 2004

[sport781]

السلام عليكم و رحمة الله و بركاته
يا جماعة أنا معروض عليا لانسر بومة خليجي موديل 2004 أوتوماتيك 1600 سي سي و سعرها 52 ألف
هيا فيها كل المواصفات ماعدا فتحة سقف و مفيهاش جنوط
صاحبها بيقول ان ماتورها كويس جدا و مش منهك بس هيا عايزة تغيير تيل فراميل اللي قدام و عايزة تغيير البلي بتاع العجلات و الاكصدام اللي ورا مشروخ شوية و هيا ماشية 143 ألف كيلو
أنا بصراحة مبفهمش في السيارات أوي فعايز رأيكم في الموضوع
غير كده في ناس قالتلي ان الانسر الخليجي قطع غيارها غالية و مش متوفرة بسهولة في السوق و اللي متوفر قطع غيار المصري فهل ده صحيح ؟
أرجو المساعدة ضروري و بارك الله فيكم و جعله في ميزان حسناتكم

[eldell]

السعر يعتبر حلو اوى بس ياريت حضرتك تكشف عليها كويس علشان السعر ده يقلق شويه وبالنسبه لقطع الغيار انا اول مره اعرف ان الخليجى ليه قطع غيار غير المصرى المفروض هو هو

[nice_bird]

والله السعر يشكك في العربية لانها كدا محصلتش تمن مكوي نضيفة !

[nonnos5]

مفيش فرق

اولا مفيش فرق بين قطع الغيار المصرى والخليجى وابسط مثال اكتر من 60% من العربيات الانسر البومة اللى فى السوق خليجى
ثانيا سعر العربية يقلق جدا ولا زم تكشف عليها وفيه حاجة كمان لازم تاخد بالك منها العربية دى مش نازله مصر زيرو يعنى دى كانت فى الخليج وغالبا جاية بعد 2006 لان قبل كده ماكانش فى مصر بومه 1600 غير من النص التانى من 2005

[M.Elgergawy]

اولا مفيش فرق بين قطع الغيار المصرى والخليجى وابسط مثال اكتر من 60% من العربيات الانسر البومة اللى فى السوق خليجى
ثانيا سعر العربية يقلق جدا ولا زم تكشف عليها وفيه حاجة كمان لازم تاخد بالك منها العربية دى مش نازله مصر زيرو يعنى دى كانت فى الخليج وغالبا جاية بعد 2006 لان قبل كده ماكانش فى مصر بومه 1600 غير من النص التانى من 2005

+1
او ممكن متسقطلها مكنة 1600

[ahmedfra]

السعر يقلق فعلا اكشف كويس عليها

[salehgharib]

نفس العربية الى انت قلت عليها من 65 الى 73 لو العربية حالة شازة لكن السعر الى حضرتك بتقول علية سعر يشكك فى حالة العربية لو عاوز تصرف 10 الف جنية عشان ترجع عربية اشتريها