جنووووووووووووووووووووط 17

[A7MED_PHARMA]

السلام عليكم



النهاردة
دخلت الكاوتش بتاعي 205/50/15
في كاوتش تاني إسود لميع شفة نيكل ... الكاوتش بتاعه جديد والجنط إستيراد
دفعت فرق 2000 ج

الجنط تحفة تحفة
مالي كل الفراغ بتاع الكاوتش
اه
مقاسه
205/40/17

قولولوي مبروك

[A7MED_PHARMA]

الصور معايا..لكن مش لاقي البتاعة بتاعت البلوتوث
بكره أرفعها..

[eng.m7md.ali]

مبرووووووووك .. مجبتش ليه مقاس 205-45 ؟؟

[A7MED_PHARMA]

ربنا يخليك
شكلهم عجبني أكتر من الــ 45
والفرق ف العفشة والنشوفية مش واضح تقريبا .. علشان ملاهم نيتروجين
بس رسم العربية رسمة تانية

أنا عامل فايبر كتير .. وسبويلر ايفووو
وعامل تعديل الوش لايفو(تقريبا)
وكان عليها جنط 15 .. ماكنش ماشي مع الفايبرر والاسبويلر الكبير ووش الايفو

دلوقتي
شعور مختلف

أهي حاجة بسطتني ف الايام السودا دي

[eng.m7md.ali]

يلا مبروك عليك وربنا يباركلك في عربيتك و يبعد عنك قرف الطريق والشوارع .. خلي بالك بقى

[elshweakh]

الــــــــــــــــــــــف مبروك يا فارما والله فرحتنى
بس ماقولتليش سقت ماتور ولا لا وكمان انا محتار اجيب 15 ولا 16 ولا 17
ماتوقولى مين احسن خصوصا انى ناوى اعمل فيبر زيك بالمره

[Donzi]

ما شاء الله و الف مبروك بس انا مستنية الصور

[A7MED_PHARMA]

ربنا يباركلك يارب
بص
ركب الــ 17 .. هااااااااااااااااااااااااااااااااااااااايل من ناحية الشكل
شعور مختلف
ثبات رائع .. غير انه علشان محيطه أكبر .. ضغطة البنزين الي تمشيك مثلا 30 كيلو تسارع مع الكاوتش الــ 14
نفس الضغطة مع الكاوتش الــ 17 .. هتديك تسارع أحسن

بس هايل
أنا مبسوط وربنا.. مش منكد عليا بس غير ان فزاع مش بياكل وعنده بره
مش عارف محسود ولا إيه؟؟؟

استاذة دينا
ربنا يباركلك يارب
أنا هحط الصور قبل دلوقتي .. صور بعد لما الاقي البتاعة بتاعت البتاع( البلوتوث)

[Donzi]

ادعي بدعاء الضالة و انت تلاقيها علطول ان شاء الله

اللهم رب الضالة هادي الضلالة يا جامع الناس يوم لا ريب فيه رد عليا ضالتي

[Kareem.ElAraby]

متابع

[eldell]

الف مبروووووووك يادكتووووور يااااااريت تورينا الصور ياكبيييييير

[A7MED_PHARMA]

لقتها
ههههههههههههههههههههه
دقيقة واحدة وأرفع الصور
قبل
و
بعد

[A7MED_PHARMA]

قبل....................




بعد .. الصورة بالليل...أنا لسه مركبه من ساعيتن تلاتة بس
بكره الصبح هصوره تاني بالنهار علشان يكون أوضح

[eldell]

قبل....................




بعد .. الصورة بالليل...أنا لسه مركبه من ساعيتن تلاتة بس
بكره الصبح هصوره تاني بالنهار علشان يكون أوضح

امممممممممممممم
الجنط بسم الله ماشاء الله عليه شكله تحفه الف مبرووووووك يادكتور والجنط ده انا بدور على 16 بتاعه فى القاهره مش لاقى غير 5 مسمار منه ههههههههه

[A7MED_PHARMA]

انا قفشت أخر حتة عند التاجر
وعلشان 4 مسمار ويركب على عربيتي .. كان ماسك في 2500 فرق .. بس فضلت أناهد فيه وزهقته لما جبت الفرق لحد 2000
والكاوتش جديد .. زيروووووووووو
أندونيسي